قصتي وانا بشتري بواجي سياره ...!!
بسم الله الرحمن الرحيم
ياهووووه ياعالم حتى البواجي زاد سعره لا وبعد ماشريته من الوكاله من اشتريته من محلات قطع غيار اصلي الظاهر كان بـ 7 ريال والحين 7.5 الكلام ذا الساعه 8 صباحا امس سألت ابو يمن اللي يشتغل وقلت له ليه ترفعون الاسعار يقول هذا عمنا الكبير قال كذا قلت ماشي يلا مابتفرق معاي 5 ريال زياده <== سيارتي 6 سلندر :d المهم دفعت واخذت البواجي وطلعت الورش اللي بجنبها لقيت ورشه وادخل لقيت العامل قلت ابغى الميكانيكي قال شوف ذاك الفلبيني واناديه ومعطيني الخامس <== يعني جاحدني مسوي نفسه ماسمع المهم واروح له قلت ابغى اغير بواجي قال افتح الكبوت فتحت الكبوت وجالس يناظر كذا قال ((صديق هاذا شقل كتير يبقى 100 ريال عسان لازم فك مسمار وبعدين غيّـر بوازي <= بواجي)) قلت وشو 100 ريال حق ايش ؟؟؟ قال (( لازم هاذا شقل كتير بعدين السياره حار )) هههههههههههه المهم ضحكت واقول وش دخل السياره حار ولا بارد والله العظيم ياجماعه انه قالي بالحرف الواحد لازم 100 ريال والله قلت لا خلاص شكرا ومسوي زعل ويخبط بالكبوت بقوه وانا اللي انزل واقول وش فيك قال (( معليس صديق هاذا فك يدي )) يقول انفلت من يده وانا عارف انه كذاب بس بدا عليه ملامح الخوف والرعب لاني كنت ماسك العقال خخخخخخخخخخخخ والله اخذت لفه وشفت ورشه فيها عامل يمني رحت وادخل وقلت شكله بيفلقني ب100 او 90 واذا قال 70 مشيتها وخليته يسويها وادخل وقلت ابغير البواجي 6 سلندر قال افتح الكبوت قلت اول شي قول بكم قال افتح الكبوت ومابنختلف على السعر وافتح الكبوت ويقول هذا لازم 35 ريال وانا اللي تجيني دوخه قال وش 35 ترى مره انت زودتها علي ومره غالي خخخخخخخ :d قال عشان الصباح وبكره رمضان لك من عندي 30 رياال هااا وش قلت ؟؟ ههههههههههههه <== وش دخل الصباح ورمضان يلا مايخالف قال على بركه الله والله يفكك المسامير على حبه حبه ويركب البواجي شغل نظييييييييييييييييييف وعطيته حسابه وبعد كذا مابروح الا عند ذا اليمني انصحكم ابعدوا عن الفلبينيييييييييييييييييييييييييين الوسخين وهذا اللي صار.. عشان كذا ابي اعرف وين دور البلديه ؟؟؟ ياخذون رواتب ومايشتغلون حسبي الله عليهم وعلى هالتجار والشركات الجشعين واسف على الاطاله وسلامتكم |
يأخي غير البوجي بنفسك (ما يحتاج اكثر من ربع ساعة) ............ ذهابنا للفنيين في هذه الأعمال التافهة هو اللي يخليهم يتنمردوا ويرفعوا السعر علينا
|
اقتباس:
حبيبي مو كل شخص يفهم في الأمور الميكانيكية في السيارات وأنا على رأس القائمة ما أعرف كيف أغير البواجي .. شكرا |
هههههههههههه
مااعرف والله اخاف يطيح مسمار ولا شي واتورط مايخالف اذا كانت 30 ريال اما 100 ذي مره كثيره اشكرك اخواني على الردود لكم التحيه |
السلام عليكم ورحمة الله وبركاتة
طريقه تغير البواجي سهله مفك بواجي وغير البواجي واحد واحد افصل سلك البواجي فك البوجي ركب الجديد رد السلك مكانه ودمتم |
والله ياناس لي يمكن 6او 7سنوات ماشفت بنشري انا بنفسي اغير الزيت والسيفون والفحمات والله اعمال تافهه واحنا عجازين لا تقول مشغول والعامل يشتغل وانت واقف على راسه يعني ماعندك شغل ياخي شوف كيف يسوي وسو زيه في اليت او قله كيف انت صديق سوي فك فهمات ويعلمك....
|
والله ياجماعة البواجي ما يحتاج له شئ مفتاح بواجي وبس تقدر تغير البواجي أما بيتك في تلاتة دقيقة
|
اقتباس:
ماهي كل السيارات تغييرها سهل عندي هوندا أكورد اللي صنعها موسوس حتى اغير البواجي لازم اجيب انواع متعددة من المفكات ، لوحده غطاء المكان اللي تحته البواجي له اربع مسامير كل اثنين مقاسهم غير ، وبعد ما تفتح الغطاء تحته غطاء تفكه ، وبعدين تظهر قدامك البواجي ، تسحب الاسلاك سلك سلك ، وبعدين تفك القاعدة اللي مثبته البواجي ، وعشان تطلع البواجي يبغالك مفتاح طويل يدخل في الفتحة حقت البواجي ، قسم بالله شغلة ويبغالها عدة . ونفس العملية اعكسها حتى تنتهي ، والمصيبة ان البواجي في المنطقة الداخلية جهة المقصورة ماهو بمقدم السيارة . |
اقتباس:
اللهم أني صايم شكرا لك |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by