لاتغترون بالتشليح كثير
 

بسم الله

السلام عليكم جميعا


ياجماعة الخير بعض الشباب مآخذ فكرة أن التشليح يكون أرخص من الوكالة
وهذا شيء بديهي ولكن ياجماعة الربع انتبهوا من نقطة
وهي استغلال أصحاب التشاليح للناس الطيبين والحبيبين
فيه كثير من الناس لما يجيه شيء بسيط
مثلا مرايه والا اسطب والا مسجل والا اي شيء
يقول أكيد الوكالة غالية ويبتل على طول على التشليح
وثم يسعر ويآخذها ولا يدري أنه ضاربه ضربة غير طبيعية

فأولا الواحد يروح يكلف نفسه ويسعر القطعة عند الوكالة والا عند الموزع ثم يشوف السعر عند التشليح

أذكر مرهـ مسكت معي على جنوط كروم فقلت خل اسعرها بالتشليح
يوم وصلت لقيت واحد متكي والجنوط موجودة بمحله

سلام عليكم
-------------
وعليكم السلام
----------------
جنوط الكروم الي على الجيب على كم هي اربع والا خمس ؟
--------------------------------
اربع جنوط بالكفرات وبألفين ريال
---------------------------------
ركبت موتري وقلت سلام عليكم يالذيب موتر منقلب والجنوط بـ 2000 ريال
والله لو أني أخوك الصغير بتلعب علي ( طبعا أقولها بنفسي لأنه حر بتجارته ومن حقه يبيع لو بغى بمليون )
أول ماركبت قال يالأخو تبغاها بـ 800 ريال
قلت الله يبارك لك معاد أبيهن أبد


وكثير مثل هالمواقف تحصل من استغلال الناس الي ماتدري

فالواحد يأخذ حذره


والله يبارك للمسلمين بحلالهم



لاتنسوا خط النار من دعائكم


والسلام خير ختام
فالسلام عليكم

نصابين بقوة مفتاح السوتش حق الفورد جديد بثلاثين ريال وفي التشليح لقيته 250 ريال عند زول أقشر ذبيته بوجهه ومشيت بغى ياكلني .

انا نفس الحكاية حصلت معي

اردت ان اشتري قطعة من الوكالة ووجدتها 180 ريال قلت يا ولد الاسعار ارتفاعت والان احنا بحاجة الريال خليك ذيب وروح للتشليه واشتر من عندهم يمكن تلقها بأرخص 50% لكن الشيئ المضحك المبكي في نفس الوقت انني لقيتها في التشليح بأغلى بعشرين ريال .. قسم بالله انني تمالكت نفسي حتى لا ادخل في مشاجرة مع النصاب راعي التشليح ... يا عالم هم شايفين غنم والا ايش

حياكم الله جميعا
وأثر الدعوى رايحه فيها

عموما لاتشرون من التشليح إلا لما تعرفون قيمة القطعة بالوكالة

الله يرحمنا برحمته

قاطعووووهم <--- أي شي مايعجبه على طوووووووول مقاطعه

نصيحة في محلها

المفروض الواحد مايروح للتشليح الا بعد ان ياخذ لفه على الوكالة والموزعين

مشكووور على الموضوع
والواجب على أي شخص بيروح التشليح لابد يعرف
قيمة القطعه التي يود شراؤها لأنهم أناس استغلاليه

عاد التشاليح لاتسعيره ولاهم يحزنوووووووووون

بالبركه يلطشون