مرور الرياض (الامن العام)......الى متى والحال هكذا...
 

بسم الله الرحمن الرحيم
في البدايه الموضوع خارج نطاق المقاطعه ولكن انا حبيت اوضح نقطه مهمه تجاه المرور والامن العام الذي يظلم الناس ومن دون حسيب او رقيب ويا ليته كذا وبس لا وبعد يحجز سيارتك ويتهمك بسرعه متجاوزه وانت في الاصل لم تكن متجاوز السرعه الاعتياديه لكن يشوف معك سياره سريعه خلاص يحطك من ضمن المسرعين وبدون اي نقاشات لا اريد ان اطيل عليكم في المقدمه اليكم قصتي...
كنت امشي اليوم في الثالث من رمضان متجها على طريق الملك خالد عند قصر المؤتمرات واذا بسيارة المرور ورائي مولعه السفتي انا في البدايه احسبه يبيني ابعد عنه (يمكن عنده بلاغ او نحوه)....اثر البلاغ علي انا ويتكلم في السفتي ويقول يا صاحب الهوندا وقف على يمينك...

كانت الساعه تقارب 3.10 عصرا فوقفت ونزلت اليه وقلت له ما المشكله كالعاده (عطني الرخصه والاستماره وخلك في السياره)...

انتظرت قليلا انتظره ينزل من سيارة المرور ولما نزل قال لي خذ المخالفه وعطني مفتاح السياره انا بكل اندهاش ليش؟؟؟:confused:

قال لي انت متجاوز السرعه المسموح بها لا وبعد تمشي 170 كم/ساعه وراح نسحب سيارتك وخذ هذي الورقه وراجع فيها مرور الناصريه وسدد المخالفه وطلع سيارتك من حجز لبن....


طيب انا من يرجعني للبيت من هذاك المكان؟؟؟؟
انا صائم وسحبت سيارتي بظلم تخيلووو امشي تقريبا لمده 15 دقيقه في الشارع لين جا وحد من الي فيهم خير واخذني وصلني لشارع رئيسي اخذ منه ليموزين...


هذا المواطن السعودي؟؟؟؟؟؟؟؟
في اي بلده هذا النظام حجز السيارات؟؟؟؟ في السعووووديه؟؟؟؟


اقسم بالله العظيم اكبر دوله متخلف في النظام هي الدوله السعوديه الدول المجاوره كل مالها في تقدم ونحن في تخلف من جميع النواحي لا من الجهات الحكوميه ولا من اتفاع الاسعار ولا من حق المواطن ولا ....ولا....,,,
عموما انا حبيت اطرح الموضوع لتوعية الناس لا اقل ولا اكثر كما ارجو من المشرف العام او من ينوب عنه بوضع منتدى خاص بالشكاوي والاقتراحات وسامحوووني اذا طولت عليكم.....

شوف يا الغالي بالنسبه لموضوعك يوم طلب منك الرخصه وسجل القسيمه عليك وخلص المفروض رفعت يدك للسماء اذا كنت مظلوم ودعيت عليه هو وعياله وأهله وأن الله يبتليه في نفسه هنا يمكن يتخوف من الموضوع

وبالنسبه لموضوع السياره وحجزها يخسي يمد يده على المفتاح وانا مظلوم بركب موتري وبقول له اذا فضيت راجعتك وطلبتك بالاسم

لكن والله اذا انت مخالف السرعه القانونيه فهو حقك وأقول من حقك وتستاهل والمفروض يسجن أي واحد يخالف السرعه القانونيه 3 أيام طبعا الكلام هذا ينطبق على اللي ما عندهم واسطه مثلي وشراوي
لكن ما يخاالف بنتحمل الموضوع فيه مصلحه المواطن والبلد
وحقنا واقل من حقنا

والله عاد يا الربع انا اقول لو يكثفون عمليه البلويس السري تهقون مهيب ازين من نقاط التفتيش وتحصيل الفلوس ؟ لان النقاط عارفينها فصرنا نعرف متى نسرع ونهدي

مشكور اخوي فيصل على مرورك....
لكن يا عزيزي تقولي يخسى ياخذ المفتاح تبيه يرفع ضغطي واطقه وانحبس في السجن عشان استفزني واذا على الدعاء انا ما دعيت الا عليه هو بس وتحيسبت عليه وانا امشي والله بياخذ حقي منه يوم القيامه ان شاء الله...
مشكووور اخوي فصولي على مرورك....,,,,
__________________

طيب .. ماقلت لنا كم كنت ماشي.؟؟

بحمد الله لم يتمكن أحد من أخذ رخصتي أو مفتاحي مني.. صح صخوني بمخالفات ما أدري عن أصلها من فين.


صاير تجديد الرخصة أو الإستمارة مثل الفحص الدوري .. ماتنجح من اول مرة.

لابد من إن تطلع لك مخالفة او إثنين من الهوا .. أخر مرة جددت الرخصة طلعت علي مخالفة فقالولي جيب برنت و تعال سدد.

جبت البرنت ورجعت .. طالعت البرنت مالقيت فيه إلا أرقام مكان نوع المخالفة فسألت العسكري عند شباك السداد إنه يشرح لي إيش نوع المخالفة.
رد علي: ما ادري بس هذا الرقم حق المخالفات أبو 100 ريال روح إنت شوف إيش سويت من مخالفة من عدم ربط حزام او وقوف خاطيء أو تعطيل حركة .. إنت أختار .. المهم أدفع الـ 100 ريال.

ما نقول إلا الله يكون في العون.

ابو هشام/
اخوي انا ما اخطيت يوم انه يتهجم علي في سيارتي ويتهمني بسرررعه قويه جدا وانا والله العظيم اكبر محترم لقوانين المرور ومنها ربط حزام الامان وعدم تجاوز الاشاره الحمراء....
ما ادري الي يحاول يتبع النظام يصقعونه بالمخالفات والله تعبت من هالشغله حرام ادفع 600 ريال على شي انا ما سويته...
لا و امشي في الظهر في الحر وانا صايم ويتصدق علي واحد يوصلني لاقرب شارع عام..,,

ما كان هذا يحصل للمواطن السعودي من قبل...هذي اهانه...حرام امشي في الظهر وانا صائم..

والله المرور ما فيه رقابه ابدا متروكين على راحتهم واعقب على كلامك يا ابو هشام عن المخالفات المجهوله الي تقول عنها ام (100) ريال هذي فعلا تصير في اقاربي وقد جابو مره في الجريده شخص بيطلع لزوجته جواز وفجأه يلاقي عليها مخالفة عدم حمل رخصة سير...والله قلة حيا وصلت الامور حدها....
لكن ما اقول الا الله المستعان....حسبي الله ونعم الوكيل...
مشكور اخوي ابو هشام..,,

حلوه يافضولي طقم الأسنان بس صراحه نضيف مر والأعلان بيزود السوم