تعرف على حركات الشريطية وأصحاب معارض السيارات الخبيثة في البيع والشراء
كان معي فورد 2003 فل كامل وأردت بيعه فجاء واحد شريطي ما يخاف الله وسامه مني بــ 28 الف ريال بعد الأزمة قلت له زدتها شوي قال والله هذا سعره قلت تم بعتك المهم قام الرجال قال بجرب السيارة جربها وفرفر فيها بالمعارض وفحصها بعدين قال والله أسف السيارة ماتصلح لي فيها تفتفة والفرامل ماتمسك بقوة ومدري وشو أعذار بس قلت الله يسهلك ...... المهم كل ماجاني زبون وقال للبيع قلت نعم بكم سيم قلت بــ 28 الف قال بالتوفيق وراح .... جاء واحد ثاني وقلتله نفس الكلام قال بالتوفيق وراح قابلت بعدها واحد من الزملاء شريطي قلتله السالفة قعد يضحك هههههههه قال هذه الحركة عند أهل المعارض والشريطية تسمى ( التعليقة ) سيارتك تسوى 20 الف يسومها منك بــ 28 الف عشان يعلقك أن قلت له بعتك دور له عذر وهرب وإذا رفضت البيعة يتعلق برأسك سومته ويتخيل لك أن سيارتك تسوى فوق 28 الف وبكذا ماراح تبيع تبقى متردد في البيع ,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,, حركة ثانية يسونها في البيع يستورد سيارة من أمريكا بمبلغ 50 ألف ريال شامله الشحن والمصاريف ويطلب من المكتب الذي أستوردها له بتسجيل فواتير زايدة الأسعار فيها مقابل 500 ريال لتغير فواتير التكلفة والمشترى وإذا جاه زبون قال والله السيارة مكلفتني واصلة للسعودية 80 ألف ريال وهذه فواتير الشحن والمصاريف والمشترى مختمة من مكتب الأستيراد !!!!! كم تكسبني بعض الزبائن يستحي وينخدع بالفواتير المزورة ويقول يله بعطيك 2000 ريال مكسب .....الشريطي يقوله لا تكفى زدها شوي مو حق تعبي وأنتظار السيارة زدها والله جاني فيها مكسب 3000 ريال من زبون صامل وممتحني بالتلفون كل يوم يدق علي يبي السيارة ومن هالأفلام الهندية حتى يقنع الزبون أن مكسبه بسيط ويشتريها !!! أحذرووووووا يا أخوان فأسعار السيارات بعد الأزمة متوقع لها نزول أكثر من 50 % |
استغرب منهم
يأكلون مالهم بطريقه مغشوشه لا اربحهم الله |
حسبنا الله ونعم الوكيل
ياويلهم اللي مايخافون الله جزاك الله خير عالتنبيه |
أشكرك أخوي إكسل على الموضوع وهو معرف لدى القليل منا
واتمنى ان يلفت العنون أغلب الزوار لغرض التوعية وقل لعن رسول الله صلى الله عليه وسلم من يتلقون الركبان وهم ممن يقفون خارج المعارض ليعطي البائع تسعيرة تجعله يغتر فتكسد بضاعته ظن منه انها بسعر من تلقاه في الطريق قبيل السوق فالأسلم والأفضل ترك من يتلقون الركبان لعنة الله عليهم تحيتي لكم |
اقتباس:
|
لاحول ولاقوة إلابالله
جزاك الله خيراخي اكسل على التنبيه |
مشكور على النصيحه
|
واليمين الغموس، أي الكذب المتعمد.
المال فتنة، وضعاف الايمان والتقوى لايتورعون عن الحلف كذبآ لترويج بضاعتهم. جزاك الله خير أخوي اكسل على التنبيه. |
شي يجيب القهر :mad:
|
حسبى الله ونعم الوكيل فيهم وأنا اشوف نص الشريطيه حارمهم ربى من الذريه ومايجيهم ورعان....!! |
| الساعة الآن 10:14 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by