حلول عاجله وسريعه للغلاء وارتفاع الاسعار...........هات ما عندك ياسعود؟
 

اولا: ارتفاع اسعارالاغذيه: نتيجة لغلاء المواد الاستهلاكيه وتضخم الاسعار دون زيادة مضطردة في الاجور وحيث ان وزارة التجارة والغرف التجاريه المغلقه لا تحرك ساكنا لضبط الاسعار..... فما على المواطنين الا الاقتصاد المنزلي وايجاد البدائل في المأكل والمشرب والملبس ومحاولة تصنيع المنتجات الغذائيه المنزليه وتغير عاداتنا...... الاسعار اصبحت خارج السيطرة "عالميا ومحليا" بل وسوف تزداد ومن اسبابها استيراد التضخم نتيجة هبوط الدولار وارتقاع اسعار النفظ المرشح للأرتفاع قريبا والتلاعب باسعار المواد والغش التجاري ... وانصحكم بعدم اللجو للمطاعم الملوثه وعدم الاكل بها اتركوها لترخص اقتصدوا......علينا الاعتماد على النفس بعد الله وعدم الاسراف في المأكل والمشرب والملبس ....والاعتماد على وجبتين رئيسيتين فقط "الفطور والغذاء خليه عشاء" يعني كل وجبتين قسمها كل 12 ساعه وجبه............واترك عنك الرز سبب امراض السكري واللحوم الشحوم سبب الجلطات والامراض الكثيرة... لا عاد تستهلك لحوم كثيرة تذوق طبح الخضار المسلوق وغيره فهو ذا فائدة عظيمه غير نمط حياتك.....اقتصد في المصاريف التكميليه او الغائها اذا اضطر الامر....لا تسرف في الماء والكهرباء اعتمد العزل الحراري استخدم الوسائل التقنيه او العلم البدائي في التوفير.

ثانيا: ارتفاع اسعار العقار وازمة السكن: لا تشتروا الاراضي الكبيرة اكتفوا بارض 300متر مربع واقل من ذلك لاتستهلكوا الفرش الكثير متعب ومصاريف ونظافته وصيانته مكلفه حتى الشغالات يهربون من كبر البيت لاتسرفوا كثيرا اقتصاد منزلي علموا زوجاتكم وابنائكم هذا المفهوم والترشيد والتوعيه......ابحثوا عن قطع صغيرة للأراضي او عقار او فيلا صغيرة او شقه بحيث لا تتجاوز ال 250 او 300 متر مربع واقل من ذلك اذا امكن .....هذا سوف يجبر العقاريين لتقسيم القطع وتوفيرها وبالتالي رخصها..........اذا كان لدى اخوك او صديق او حبيب ارض تقاسم معه الارض. او عقار... لايوجد حلول لدى وزارة الاسكان حلولها مؤقته وليست جذريه ال 500 الف وحدة سكنيه لا تكفي فقراء الضمان الاجتماعي وقدامها اقل شئ 3 سنوات لبناءها ويكون عدد طالبي السكن في ازدياد واضعاف خلال ال 3سنوات ............الصبر الصبر والحكمه والوعي ترخص كل شئ.

مافي حل الا كذا في الفترة الراهنه الين يفرج الله.


"عفوا لايوجد لدينا عصا سحريه لتخفيض الاسعار حاليا"

ماذكرتنا لنا تجربة اسرتك (الاستغناء عن الشغالة) قدرتوا وراح تواصلون الاستغناء عن الخدم ام تراجعتم ومهنا غناة عن الخدم:)

والترشيد والتوجه للبدائل يخلق المنافسة بين الشركات ..

والله يا اختي جلسنا اكثر من اسبوعين دون شغاله بناتي ساعدوا مامتهم وانا معاهم في العمل وتنظيف البيت الغسيل في البيت والكي برة والاعتماد على الأواني البلاستسكه..........الاكل في الفاست فود واحيانا في البيت تجهيز خفيف الا ماندر...صحيح تعبنا السبب اعتمادنا على الشغالات وقت طويل جعلت اجسامنا متكسله ...زوجتي اخيرا استدعت شغاله عشان تروح مع البنات توصلهم المدرسه مانخليهم مع السواق لوحدهم ابدا......لكن لو استمرينا كان دب النشاط فينا وتصرفنا لكن للأسف اصرت على الشغاله عشان البنات.

اما بخصوص الموضوع علينا التفكير بجديه فيما ذكرت وتغير الكثير من عاداتنا السلبيه والاسرافيه ....وقهر المستغلين.

:D:D:D:D:D

لا تنسين انه في ذاك الموضوع كان ما عنده مانع نودي الوالدين لدار العجزة وبهالطريقة نستغني عن الخدم او المرافقين لكبار السن في المنازل , حسبي الله ونعم الوكيل , يكبر ويلقاها في نفسه ونشوف راح يطلب الاستغناء عن مرافقين والا لأ . الوعد في هالمنتدى عام 2060 :p

ااولا التوبة الى الله توبة نوصح بالكف عن المعاصي كلها صغيرها وكبيرها
الدعوة الى الله عز وجل في كل وقت مع كل احد من الاهل والاصدقاء وكل الناس
التمسك بسنن النبي عليه الصلاة والسلام كلها

والله عز وجل اعلم

ما حك جلدك مثل ظفرك .. فتول أنت جميع أمرك.

لن يقوم أحد بالدفاع عن حقوقك و مالك أفضل منك أنت .. فإحسبها صح و حدد أين تصرف مالك و لمن تعطيه و مقابل ماذا.


ملاحظة صغيرة ..

ألا ترون أن وتيرة تزايد الأسعار زادت و كأن الأمر تحدي لجهود وزير التجارة الجديد؟

اشكرك على المداخله
 

اشكرك على المداخله الحلوه والرائعه وازيدك من الشعر بيت لو نظرنا في جدانا الاولين رحمهما الله كانو

يعيشون في وضع معيشي سيئ والان والحمد لله وضعنا الان ممتاز ولكن الكماليات الزائفه هي ارهقتنا يعني

( اول ما تروح تخطب تقول امها بنتي ما تعرف تطبخ جيب لها خدامه ولو تشوف البيت شقة مكونه من ثلاث غرف يعني ما يحتاج خدامه )



وعلى فكرة اذا تبي زوجتك تلغي الخادمه قل لها ابغى اتزوج الخادمه ترى الفكرة مجربه :lol::zy:

من الحلول العاجلة والجيدة انك تطب من ناطحة سحاب وتنتحر وخلاص وتفتك من ازمة سكن وملبس وارض وتكون كذا وفرت صح وبشكل اقتصادي ومن الحلول ايضا ان يتم جمعنا في حوش وتعليفنا بالبرسيم والشعير وذلك لتوفير مزيد من الاراضي والرواتب والنفقات للاغنياء امثالك حتى ياخذوا راحتهم بزيادة لاننا عالة على الميزانية ......ولا اقول وش رايك تفصل الانترنت وتطفي اللابتوب وتطفي انوار الغرفة وذلك للتوفير الاقتصادي والعقلي لكم
الأسعار بترتفع اكثر واكثر دام هناك طبقة غنية اعدادها بازدياد ماعندها مشكلة انها تستمر بالدفع وهذا اللي جعل التجار يتمادون في الغلاء والمضاربة على رفع الأسعار لان هناك من يدفع ولا عزاء لانصاف البشر امثالنا

بصراحة , ردك في محله :thumbsup:
وابتدت قريحتي تتفاعل مع الأفكار الجهنمية الأصلية لصاحب الموضوع , وهو ما شاء الله صاحب ابداعات لو طبقناها راح يكون عند كل واحد فينا ناطحة سحاب في القطب الشمالي :p
وتفضلوا بقبول اقتراحاتي المتواضعة اسهاما مني في نهضة البلاد والعباد وأملا في ان نلحق بالعالم الأول :060: :

وش رايكم ما نلبس ثيااااااااااااااب , لأن الخياطين رفعوا أسعار التفصيل لأسعار خيالية ومجنونة :D

وش رايكم ما نلبس فنايل ولا سراويل ولا ........ :060: احم احم, معليش تراني زودتها بس لأن التجار النصابين رفعوا سعرها, وبكذا نكون وفرنا حتى فاتورة الكهرباء لأننا صرنا بدون هدوم وبهالطريقة ما فيه داعي نشغل مكيفات :az9:

هاه أكمل والا يكفي.؟؟؟:mad:

لا يا اعزيزي لا تبالغ وتقول ما نلبس نلبس بس لا نكثر في الملابس وعفش البيت ترى فيه اسراف وزيادة في حاجياتنا.........روح المطبخ وشوف ولا غرفة الجلوس والصوالين هناك دوشه كثيرة تشرررد الشغالات.


وبعدين ياحبيب بخصوص الوالدين اللي ماله قدرة جسميه او معنويه اوماديه ماله الا دار العجزة وربنا يعلم بنيته................لاتزودها عاد..............اقتصدوووووووووووا وبس