منتدى مقاطعة - عروض لأسواق يجب علينا نشر إسمها

بسم الله الرحمن الرحيم

السلام عليكم ورحمة الله وبركاته

إخواني تعاهدنا فيما بيننا بأن التاجر الذي يعمل على مصلحة المواطن

نكون معه في نشر إسمه

أنا من سكان محافظة الجبيل والسلع الإستهلاكيه الله لا ويريكم نار موقده علينا

وعلى مدار فتره وأنا أتسوق من مختلف المحلات في المنطقة الشرقية

ولا كان فيه ذاك الفرق مره أنزل اشتري نهاية الشهر بإجمالي وقدره 300 ومره 350

وهي طبعا حسب الأغراض مره من المرات نصحني واحد من أخوياي بأسواق المزرعه

اللي بالجبيل البلد وروحت وندمت إني روحت نفس الأغراض اللي كل تقريبا اشتريها

كل 3 شهور او شهرين حطيت فيها 600 ريال وكسر

المهم ماعلينا من طول السالفه

ونهاية كل شهر إذا نزل الراتب أروح زياره للأهل في الرياض وقلت خلني أجرب أتسوق من مدينة الرياض

وروحت كذا محل وتقريباً قريبه من بعض مع إن الرياض أرخص بشوي

المهم أنا أخوي في الرياض يتسوق من أسواق الرجبه وبصراحه عندهم عروض مررررره حلوووووه

وأيضاً أسواق العثيم عندهم عروووض مررررررررره ممتااااااااااازه

وأنصح الكل لا يتسوق الا منها والباقين يحطونهم صفر على الشمال لأن كثير ماعندهم الا زرق للعميل

وإحداهم اسواق بنده وهي معروووفه سرقه عينك عينك

هذي عروض العثيم لشهر الخير ( أهله الله علينا وعليكم باليمن والمسرات )

بالنسبة لأسواق الرجبه اللي أشتري منه

وأنت جاي من اشارة الدار البيضاء بإتجاه صناعية الشفا

تجيك إشارة الصناعية روح يمين كأنك رايح للمعارض

اول ما تاخذ يمين ناظر يسارك بتشوفها على يسارك لوحه زرقاء ومكتوب بالأبيض

بس إنتبه فيه كذا محل إسمه الرجبه ( وردة الرجبه ، زهرة الرجبه ) هذي ما ادري عنها

لأن كثييير ناس يقولون عنها بس أنا ما أعرفها والله

أسأل الله للجميع التوفيق

أرجوا التثبيت ليستفيد الجميع منه

لكم خالص التحية والتقدير