شركة كيا (الجبر ) والتلاعب بالأسعار
 

السلام عليكم ورحمة الله

طبعاً حبيت أشاركم بالمنتدى الطيب وأوضح للشعب طمع وتلاعب وكالات السيارات ، طبعاً بعد عرض شركة كيا الجديد في شهر رمضان أدفع دفه ومثلها علينا وبدون رسوم وبدون وبدون العالم أنكبت عليهم طبعاً أنا من الناس ألي ما معي سياره رحت بشوف العرض أنا ولد خالتي شفت الأوبروس وحطينا عنا عليها رحنا لموظف مصري في شارع الثلاثين بالعليا الرياض طبعاً ولد خالتي أقتنع بالسياره وقال بخذها كاش وخوكم مطفر قلت أنا أقصاد طار فينا المصري حسب علي السياره بنسبة فايده لمدة 60 شهر 10,000 ريال قنا كويس هذي العروض ولا بلاش ولد خالتي قال بدفع كاش دفع كاش وقالوله خلال 3 أيام تستلم السياره ألى الحين الوضع مقبول ..... أنا قالوي انتظر الموافقه وبعد أسبوع جت الموافقه اتصلو علي وقالو تعال وقع اوراقك الحين أنتبهو وركزو معاي جيت أوقع العقد والكمبيالات طبعا المصري يقولي وقع ويالله وانا أقوله عطني العقد بفصفصه وقعت أول ورقه وفتحت الورقه الثانيه لقيت حاطين القسط غير ألي تفقنا عليه طبعاً انا قلت بدفع أولى 17.850 ريال والقسط 813 والأخيره 13.000 يعني طلع سعر السياره بعد الاقساط 79650 ريال ألي لقيته 1170 ريال طبعاً قلت للمصري قال أسف وهذا غلط راح وعدله وجابلي العقد الجديد قلت يمكن غلط وما درى عنه وقعت الاوراق وقالي أدفع الدفعه الاولى دفعة الدفعه وبعد ما دفعت دخل المصري عند المدير وطلع هو ومدير الفرع وقالي ترى أرتفع سعر السياره أرتفاع بسيط وأنا مانقدر نمشيك زي القسط ألي قبل هذا الكلام كله بعد ما دفعة الدفعه الاولى وأنا معه شد وربط قال عطني فرصه ورد عليك بكره وترى الزياده 30 ريال بس ,رجعت من بكره للوكاله ولقيت المصري ها وش صار قام يقنعني الزياده بسيطه ووو قلت لو ريال مدام أني وقعت العقد قال لا ودخلت على المدير قال المدير الزياده 150 ريال قلت خلاص أنتو أخليتو بالعقد رجعو قروشي يقولي ما فيه ألى بعد العيد طبعاً كل هالكلام مادري عن ولد خالتي أتصلت عليه وقلتله أستلمت السياره طلع حتى هو أنضحك عليه وصاره المسكين أسبوعين وراهم كل شوي يقولوله السياره بالشرقيه ومره بجده ومره بالحوش وعلى الموال هذا ولمدة أسبوعين , طبعاً من غير أختلاف الاسعار بين كل فرع و فرع والله ثم والله على ما أقول شهيد من غير ألي لقيت عندهم عميل يحلف أنه صارله 6 أسابيع ما وصلت سيارته .


أسف أني أطلت عليكم يا شباب بس وش رايك بالوضع ألي صاير والله صار النصب عليني عينك وأكل الحقوق عيني عينك ، طبعاً وأنا عندي كافة الأوراق وأيصال السداد للي مهو مصدق

حياك .. مازلنا نحذر من تلاعباتهم ..

لو كل واحد فصفص العقود .. لأعتدل حال الوكلاء ....
والفلوس ليه ترد بعد العيد !
يتوقعون منك أن راح تغير رائك ..


==========
أخوي ياليت
ما أن تضع صورة للورق هنا..... أو أن اردت ان لا تظهرها وتريد أن تكون سرية بأمكانك ان ترسل صورة من الأوراق للإدارة او لأحد المشرفين ..
او تضع صور الورق والإيصال في موضوع بهذه القسم
قسم الاقتراحات والأفكار او الشكاوي والملاحظات

حتى لا يأتي أحد بعد فترة ويكذب الموضوع
فالمطبلين لهم حضور في مثل هذه المواضيع !

صدقت أخوي واذا حاب أرسلك أيصال السداد ما عندي مشكله ألهو الدفعه الأولى ورسوم أخذوها ويقولون بدون رسوم أداريه وووو

يعطيك من طرف اللسان حلاوة .. ويروغ منك كما يروغ الثعلب

لكن خلك إنت الثعلب

وخذ فلوسك منهم والله أنصب وكالة كيا .. لأن يكفي سياراتهم غير مرغوبة سوقيا ولا عالميا..

أعتبر كيا وهيونداي وستروين أسماء حلاوة مصاص للأطفال

بإمكانك ارسالها لي أو وضعها بقسم الاقتراحات
"المواضيع هناك لا يطلع عليها غير كاتب الموضوع والادارة "

إذا قدرت أخي الكريم .... فضحهم... ففضحهم حلال عليك
هم لا يعرفون الحلال ولا الحرام

همهم فقط كيف ينصبون على الشعب السعودي المخضرم

ياريت لو يوصل هذه المواقف للشركة الأم
حسبي الله ونعم الوكيل

تشكر أخوي على ارسال الفواتير للإدارة المنتدى ...
لكن ابي استفسر منك
هل الأقساط عن طريق بنك أو من شركة كيا
وأن كانت الأقساط من بنك .... فاي بنك أخذت منه الأقساط ؟

الشكر موصول لكل الأخوه

أخوي : جمرة غضى الأقساط عن طريق الشركة الجبر

حراميه نصاااااااااابين

شوفو شلون ياخذون الناس


يقول الفائده فقط هي عشرة بالميه وانت تستانس على بالك العشرة بالميه من قيمة المبلغ الكلي

اثاريهم يحسبووون العشرة بالمية كل سنة

تطلع بالنهاية ثلاثين بالميه

السيارة قيمتها ستين تطلع بتسعين الف يخرب بيوتهم