للأسف خدمة ما بعد البيع صفر ............!
|
ستجد الطقم بالسوق بسعر اقل كثيرااااا
|
طمني هل لقيته
اقتباس:
|
والله موضوع مهم جدا
بارك الله فيك اخ نبيل هل بالامكان ذكر مواقع لبيع قطع السيارات لتعم الفائدة على الجميع |
في جده
طريق مكه القديم مقابل المحطة التي قبل مركز ك2 للكفرات والزيوت قبل البيك علي الجهة الاخري محل متخصص بالسيور تجد لديه تقريبا اي نوع ومقاس وصناعة ياباني والماني وكوري وباقل من نصف سعر الشركة مركز قطع الغيار بعد الفندق علي يدك اليسار تجد كل شئ في محلات متخصصة والمركز الذي خلفه ايضا قبل ديما مساعدات جابريل رمان البلي قطع التوضيب الخ.... اقتباس:
|
ارجو من الاخوة الكرام افادتنا بتجاربهم في موضوع القطع وانا مستعد للمساعدة لمن يواجه مشكلة ما ولوجه الله تعالي
|
شوفوا قطع المرسيدس
السلام عليكم بصراحة اهنيكم على هادا المنتدى الرائع وحبيت اسردلكم بعض الحقائق عن قطع المرسيدس بحكم تجربتي خمسة سنوات أولاً. معظم قطع السيارات الالمانية تصنعها شركات خارجية والفرق بين قطع الوكيل وبين قطع الشركات انو بس عليها ختم شركة السيارة . اعطيكم بعض الامثلة المساعدات : المساعد الواحد عند الجفالي تقريبا 800 ريال ولو فكيت مساعد الوكيل تلاقي مكتوب عليه SACHS وعليه ختم مرسيدس، ومساعد SACHS نفسو عند قطع الغيار قيمتو 250 ريال. وعلى فكرة ترى كل كم سنه تتغير الشركة لأنو أول كانت مساعدات الوكيل من Bilstein الدينمو : دينمو الكهرباء قيمتو في الوكالة تقريبا 1900 ريال وماركتو بوش ومختوم عليه ختم بوش ومرسيدس ، أشتريتو من محلات قطع الغيار، بوش نفس الامبير ب 950 ريال. حساس الهواء (Air Mass Sensor) : وهادا يخرب كتير في سيارات المرسيدس والبي ام دبليو، قيمتو في الوكالة تقريبا 1600 ريال وبرضو بوش، اشتريتو من محلات قطع الغيار ب 750 ريال. الكومبريسور : قيمتو في الوكالة قريب 2800 ريال طبعا تصنيع شركة DENSO اليابانية وفي منو DENSO تقليد كمان ، المهم انا اشتريت دينسو الأصلي ب 1500 ريال من محل متخصص في قطع غيار التكييف في جدة ، وفي وكالة لشركة دنسو كمان في جدة تبيعو بسعر قريب. البواجي وفلتر الزيت : الفرق مو كبير في السعر بس المهم انو في فرق في السعر بس عشان العلبة والختم. البواجي مثلا اشتري الاصلية ب 12 ريال الحبة ومختوم عليها بوش واشتري بوش من محلات القطع ب 8 ريال نفس البوجي وكمان الفلتر موجود منو بوش وموجود منو ماركة اسمها KNECHT طبعا الاسعار دي صرلها فترة، عاد دحين كلهم رفعوا الاسعار بحجة انو اليورو طلع واليورو نزل . وغيرو وغيرو زي السيور وطرمبة الموية وفلتر البنزين .. نصيحة لكل واحد يبغا يشتري قطعة مرسيدس. على نفس القطعه تلاقي رقم القطعه حق الوكالة وتحتو بالزبط تلاقي BOSCH PART NUMBER مثلا اللي هوا رقم القطعه حق الشركة المصنعه اللي هيا في دي الحالة BOSCH، وانا اتكلم عن معظم قطع السيارة مو كلها. بالرقم دا تقدر تروح تشتري نفس القطعه بس مايكون عليها ختم مرسيدس. وغير كدا في محلات تجيب نفس قطع مرسيدس بس من المانيا مو عن طريق الجفالي يعني تلاقيها بكرتونة مرسيدس وعليها ختم غريب زي الاكس كدا ، يمكن علامة الوكيل عندهم وسعرها طبعا ارخص بكتييير. وانتبه تشتري أقمشة فرامل غير حقت مرسيدس لأنك حتسمع اصوات ناس بتزعق جوة الكفر. :p طبعا لا تستغربوا الاسعار شوية رخيصة بالنسبة لمرسيدس بس سيارتي قديمة موديل 96. :D يلزمنا شوية وعي ونقدر ندمر اللي مايخافوا الله اصحاب الوكالات. آسف عالاطالة واتمنى من اخواني التصحيح ليا اذا في اي غلط. وصلى الله على سيدنا محمد وعلى اله وصحبه اجمعين |
اقتباس:
أخي العزيز تقدر تلاقي مواقع بيع قطع الغيار سواء الاصلية أو المعدلة في النت بس روح Google واكتب Auto Spare Parts وان شاء الله تلاقي اللي تدور عليه حتى في مواقع تقدر تشحنلهم بعض القطع الغالية وهما يصلحوها ويرجعوها لك بربع سعر القطعة الجديدة. |
اقتباس:
الله يعطيك العافية ،، ماشاء الله عليك من لهجتك من الكتابة ،، سوري :p |
شاكرا ومقدرا اضافاتكم الثرية الرائعة والمفيدة ومعا في مشوار الالف ميل
|
| الساعة الآن 01:30 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by