اتحـاد تــ عذيب & هيئة الإتصالات & حماية المستهلك ..!! ويـآقلب لاآآآتحــزن ..!!
السلام عليكم ورحمه الله وبركاته يااخوان والله تعبنا من شركات النصب والأحتيـــآآل واخرها شركة اتحاد عذيب (جو) نصب عيني عينك ,, طيب حنا المستهلكيــن وين نروح على ميــن نشتكي ..؛؛ والله تعبنا من معاملتهم الزفت وكأننــا نطالبهم شيء من رواتبهم ..؛؛ انا مشكلتي بأختصــار قدر الله علي وأشتركت في مودم انترنت من عند شركة عذيب للأتصالات من شروطهم اني اجرب المودم 72 ساعة ولي الحق اني ارجعه واخذ اللي دفعته عن طريق التحويل الى حسابي البنكي .. المهم اخذت مودم سرعته 512 بـ 540 ريال لمدة 3 أشهــر بتاريخ 27فبراير 2010 ، ولما وصلت للبيت ماحلصت شبكة عندي لان الحي اصلاً مو مغطى رجعت المودم في تاريخ 28 فبراير2010 يعني ماكلمت حتى الـ24 ساعة قالي موظف الفرع خلاص المبلغ بيتحولك خلال 21 يوم ..؟؟؟؟؟ مع العلم بأنه لم يسألني عن الحي الذي اسكن فيه .. ليش طيب 21 يوم وانا موقع على عقد يفيد انه بيرجع لي المبلغ خلال 7 ايام عمل ..؟؟؟؟ المهم كلمت مركز خدمة العملاء الـ800 وماشفت فيهم اي فااائدة تخيلوا ايش يقلون لي : موظف يقولي مالنا شغل روح للفرع اللي اعطاك العقد وهو اللي بيعطيك فلوسك لانه ماعندنا الا 21 يوم ..<~~ طيب هذا اسلوب بالله :( موظفه تقولي والله ياخوي هذا عقد قديم واتغير كل هالكلام <~~ طيب انا وش عرفني انكم غيرتوا كلامكم وش يثبت لي ..؟؟ وكل يوم على هالحال واللي يرفع ضغطي والله معاملتهم السيئة اللي يسكره بوجهي واللي يحطني على الانتظار فوق الـ6 دقايق ..؟؟ المهم صارلي الان شهر و3 ايام من ياخذ حقى انا ابي فلوسي وهم مالتزموا بالإتفاقية اللي بيني وبينهم يعني انا وين اروح لمين ألجأ مين ياخذ حقــي ..؟؟ - هيئة الاتصالات السعوديه نايمه في العسل لاني خاطبتهم في الايميل والفاكس والتلفون ولاحس ولاخبــر ..!! - جمعية حماية المستهلك برئاسة الدكتور : محمد الحمد راسلتهم عن طريق الايميل ولا حياة لمن تنادي وينهم طيب اذا انا في منطقة بعيدة ماقدر اتواصل معهم الا في الايميل وايضاً عن طريق موقعهم من خلال نموذج الشكوى ولا حتى يردون عليه من يحمينا ..؟؟ -الغرفة التجارية بالرياض جزاهم الله خير تواصلت معي واعتذروا بأن ليس لهم اي تواصل ومشكلتي عند هيئة الاتصالات وتقنية الملعومات . -مكافحة الغش ردوا علي وقالوا حنا بس على المواد الغذائية والمواد الاستهلاكية وجزاهم الله خير ماقصروا . طولت عليكم بس حبيت اوضح اننا شعب مغلوب على امره يعني لازم اذل نفسي وادور لي واسطة حتى يحولي فلوسي ..؟؟ طيب لو صرت انا اللي غلطان ايش بيصير فيني ..؟؟ على العموم كل الوثائق اللي تثبت كلامي ارفقتها لكم حتى ماحد يتوهق ويشترك معهم وهذا موقعهم الإكتروني ايضاً يثبت صحة كلامي https://www.go.com.sa/atheeb-cms/index.php?page=refunds الفقرة رقم 3 الأخيرة http://sub3.rofof.com/img5/03umjyx31.jpg هذه صورة من طلب الإسترجاع تثبت اني اخذت المودم بتاريخ 27فبراير2010 ورجعته بـ 28فبراير 2010 وهذه صورة للعقـد اللي انا وقعته واللي مظلل يثبت انه في حالة اعادة المودم يتم اعادة المبلغ خلال 7 ايام عمل وانا صارلي الآن فوق الـــشهر ..؛؛ http://sub5.rofof.com/img5/03ilrmn31.jpg انتظر أرئكم ونصائحكم ..؛؛ محمد العنزي |
ارسل عبر قروب مقاطعه
|
السلام عليكم ورحمة الله وبركاته
عندي إنتداب بعد اسبوعين للخميس لمدة 3 شهور وكنت ناوي اشترك معهم بالخدمه بس بعد قصتك ومماطلتهم وسوء تصرفهم وعجرفتهم الزايده يفتح الله لابد من التفاعل مع هذه المشاكل حتى يرضخوا للواقع.سوف اشترك بموبايلي أو الانفصالات السعوديه. أسأل الله أن يسلط على الظالم ويمحق ماله. |
السلام عليكم ورحمة الله وبركاته
الحقيقة اتعاطف معك في هذه المشكلة ومثيلاتها والتي وبكل أسف اصبحت ظاهره سرت في المجتمع شرقا وغربا شمالا وجنوبا والغريب أن النظام يكفل للكل حقوقه لكن التطبيق مفقود والخوف كل الخوف أن تتحول هذه الظاهرة الخطيرة لبدء موجة من العنف المضاد لاسترداد الحقوق المسلوبه بالقوة وبالتالي تتفشى الجريمة والعنف . نرجو من المسئولين توخي الحذر وتطبيق اللوائح والأنظمة على الكل بلا استثناء وإلا فإن الأمور ستخرج عن السيطره والدلائل في الوقت الحالي تشير لمثل ذلك الحذر الحذر |
اعادو لي فلوس اشتراك لمة سنة
وجدتهم في احد لاسواق شريت الجهاز وقعت العقد 2475 اخذته للبيت كان الاتصال ضعيف والخدمة سيئه وبعد اتصالات مع رقم 800 لم يفعلو شىء اعدت الجهاز لهم خلال 24 ساعه
وراجعت مكتبهم في طريق الملك عبد العزيز جنب قاعدة الرياض قالو بترجع لحسلبك وبعد مدة اكيد اكثر من اسبوع رجعت لي فلوسي لازم اقول لكم الصراحه بس انا استغرب انهم مايدرون لهم اشاره في الموقع والا ا قصلرت الدعوى تجارب بس ليتهم يجربون قبل ماياخذو الفلوس ......؟؟؟؟؟ |
السلام عليكم ورحمة الله وبركاته
اخواني انا للاسف مشترك معهم من زمان ولما خلص الاشتراك سحبت عليهم لسبب بسيط لما كلمتهم على شان اجدد الاشتراك طلبت طلب واضن ان الطلب يعتبر شي من حقي وهو تغيير المودم القديم بالجديد وكانت هنا المفاجه المضحكه المبكيه وهي انه قيمة المودم 420 هذا سعر المودم القديم الي بدون ويرلس وقلي الموظف لزم تدفع الفرق حتي تاخذ الجديد ولما قلت له كم الفرق قالي 420 وناخذ القديم معه (قمة الاستعباط من الموظف) والان شوفو العرض الجديد تشترك يعطوك قطعة اليو اس بي الي هي الكنكت (((((ملاحظه هامه)))))) كانت الشركه مواعده عملاه بتعوض سمي تعوض مشتركي 1/6 وهي القطعه هذي ولكن الطمع اعما عيونهم وجعلهم يطنشون المشتركين في هذى الوقت ويعرضون قطعة الكونكت على اساس انه اشترك جديد ولان هم يعرضوه مجاني حتي يعيدون نفس الحركه القديمه وهي تصريف الموجود من قطع الكونكت حتي ينزلون القطعه الجديده بعد نفاذ الكميه على فكره لا يغركم كثرة الابراج حقت عذيب لسبب انه اكثره مو شغال والي اكدي لي هذي المعلومه انهم يقومون بستاجر سطوح العمائر ويبدون بالتركيب بدون توقيع عقود ثم بعد ما يخلصون تركيب وقبل التشغيل تبداء مشاكلهم مع صاحب العماره مما يجعهم يتركون البرج بدون تشغيل وايهام للناس بوجود ابراج والي مو مصدق كلامي يروح لشارع ابن ماجه في حي السلام بالرياض ويشوف اول برج على اليمين وانت متجه للجنوب لم يكتمل لسبب انه تم توقيف العمل حتي توقيع العقود والله على اما اقول شهيد |
اقتباس:
اهلين اخوي انا حاولت ارسل بس ماعرفت :wounded1: سجلت في القروب بس كيف ارسل:think: |
اقتباس:
وعليكم السلام ورحمه الله وبركاته اهلين اخوي ابو جاسر وحياك الله في الخميس ورقمي موجود في الطلب المرفق وخلنا نقوم بالواجب معك اخوي وحياك الله ..؛؛ |
حياك اخوي .. ويعينك ..
متى تكون عندنا جهة واعية صاحيه تصفع المتلاعيبن وترد حق المستهلكين :crying: اقتباس:
لان هو المسؤول الوحيد على القروب والارسال |
اقتباس:
يعطيك العافيه اخوي وبالفعل هي اصبحت ظاهرة وحنا ماحنا عارفين من وين ناخذ حقوقنا المسلوبه ..؛؛ |
اقتباس:
اهلين ومرحبتين اخوي ..؛؛ زين انها رجعت فلوسك بوقت قياسي لاكن فيه مثلي كثييييير وصدقني انا لما بحثت في المنتديات حصلت ناس اقسم بالله يشيب راسك من مماطلة الشركة فيهم الله يعننا ويعن المسلمين وشاكر تواصلك اخوي ..؛؛ |
اقتباس:
وعليكم السلام ورحمه الله وبركاته اهلين اخوي لاا عزالله انك صادق وبالفعل انا لما اخذت المودم مافيه تغطيه مع اعلم بأن البرج حقهم قريب جداً ولما سألتهم قالوا الحي اللي انت فيه قريب لمركز مكافحة المخدرات وهي اللي سبب لنا مشكله :lol: لاكن نروح للشركة نصابه ثانية افضل منهم بكثيييييييير |
اقتباس:
اهلين اختي ..؛ ويقلون ان الجهه حماية المستهلك :think: مادري وينهم عن الشكاوي اللي ارسلت لهم ويعطيك العافيه اللحين عرفت قصد اخونا المشرف وجزاه الله خير |
اخوي ياليت تراجع فرع وزارة التجارة بابها
انا الان متواجد بالباحه والله عندي رجال من وزارة التجارة ( مكافحة الغش التجاري ) ولما شرحت له قصتك كامله كال خله يروح يراجع فرع وزارة التجارة قسم الغش التجارى وان شاءالله تنحل مشكلتة تقبل عزائي في جميع شركاة الاتصالات عندنا |
اقتباس:
اهلين اخوي نواف وجزاك الله خير يالغالي وبيٌض الله وجهك ..؛؛ بس يالغلا انا اتصلت على خدمة العملا الـ800 التابع لوزارة التجارة وأخبروني ان هالشيء هذا تبع هيئة الإتصالات وهم جزاهم الله خير تجاوبوا معي ..؛؛ ومع هذا بروح لوزارة التجارة إن شاءالله بكرة ..؛؛ وبقولكم على المستجدات ..؛؛ |
اخوي نواف انا رحت لمكافحة الغش في فرع التجارة في ابها
ودخلت على المدير وماقصر بس اعتذر يقول مالنا دخل في الاتصالات هذي تبع هيئة الاتصالات وتقنية المعلومات وهذي صورة من جريدة الوطن تاريخ اليوم تم نشر المشكلة فيها لعلى وعسى فيه احد يتكرم من هيئة الاتصالات ويتابع المشكلة http://www14.0zz0.com/2010/04/05/11/546205411.jpg |
تصرف جيد منك ان نشرت المشكلة في الجريدة , وياليت ترسل صوره لعذيب :)
يمكن تخاف على سمعتها وتحل مشكلتك |
اقتباس:
بالفعل انا اخذت نسخه من الجريدة واعطيته الفرع :D وارسلت على الايميل نسخه للإداره :zx: |
هههههههههههههههههههههه
والله مصيبه حسبنى الله ونعم الوكيل وعذرا اخوي اني تعبتك بالمشوووار بس كان عندي امل ان الله يسهل امرك وتنحل مشكلتك |
اقتباس:
اهلين نواف ترى هم اللي طاحوا فيني >>> مصيبه :lol: ولايهمك ياعسل كله مشوار على هالسيارة:D ونبي نشوف اي حل ينفع بس مشكلة ماحدن معطينا وجه :crying: وجزاك الله خير يااعسل ويكفيني بس مشاركتك موضوعي ولي الفخر يااعسل ..؛؛ |
انا عندي المودم (اشتركت معهم من 7 شهور) 6+2 شهور و باقي لي اقل من شهر. الحمدلله ماشي، يقطع شوي و السرعة معظم الوقت زي الدايل اب، لكن ماشي والحمدلله على كل حال.
لكن و الله صحيح انه الواحد يدفع فلوسه و الا يوقع و هو حاط يده على قلبه و يقول يا ساتر. مالنا الا الإستخارة و الدعاء، و الاّ اذا صار ما صار من الغبن و الظلم، ما عندك احد تشتكي له غير ربك. اللهم غير حالنا الى احسن حال. حسبنا الله و نعم الوكيل. |
اقتباس:
مشاءالله تبارك الله ، بس انصحك ماتجدد معهم لاني قريت الكثير عن هالشركة خصوصاً من اللي جددوا وبأمكانك تخش منتدى اذا تحب برسلك الرابط (عشان مايكون دعايهم) وتشوف المواضيع عن الشركة ..؛؛ :mad: على العموم وانت قلتها الحمدالله والشكر ع كل شيء بس انا ماريح اسكت عن هالشركة النصاااابه :D |
آخر التطورات http://www.adslgate.com/dsl/images/smilies/z-attack.gif اليوم الأحــد 11/04/2010 تم نشر الشكوى في صحيفة برق الإكترونية http://www.adslgate.com/dsl/images/smilies/new17.gif انتم تفاعلتم مع موضوعي بالمنتدى هذا وانتظر تفاعلكم في الشكوى عليهم http://www.adslgate.com/dsl/images/smilies/57.gif والكل يكتب مشكلته في الموضوع خلونا نرج هالشركة التعبااانه http://www.adslgate.com/dsl/images/smilies/icon11.gif انتظر دعمكم http://www.adslgate.com/dsl/images/smilies/new8.gif http://www.albarg.org/inf/articles.php?action=show&id=548 http://www.adslgate.com/dsl/images/smilies/z-attack.gif ولاااااااااااااايوقف http://www.adslgate.com/dsl/images/smilies/z-attack.gif |
تم نشره بمقاطعه على الفيس بوك
|
اقتباس:
اهلين اخوي ويعطيك الله الف عافيه وجزاك الله خير اخوي :D |
اقتباس:
|
قبل شوي وأنا خارج من صلاة الجمعة
لقيت واحد موزع أعلانات عذيب أخذت الورقة وعفطته أمامه ومشيت جمعة مباركة |
اقتباس:
اهلين اختي الله يجزاكـِ خير إن شااءالله :D ومشكور على المرور والتعليق >> والله يستر على البنوته اللي بالصورة:thumbsup: |
اقتباس:
هههههههههههه يستاهل ماجاه ناس مااحترموا العملاء هذا جزاهم ..؛؛:lol: ومشكور على مرورك تعليقك اللطيف ..؛؛:D |
بسم الله الرحمن الرحيم امل من جميع الاخوة الاعضاء الحذر وتحذير كل مسلم . لما تقوم به هذة الشركة من النصب على الناس وكلي اسف بان اطلق عليهم هذا اللقب . وتكمن معانتي معهم عندما انسقت وراء دعايتهم في الجرائد المحلية . فقد اشتركت معهم لمدة ثلاثة اشهر بمبلغ 950 ريال وبلغوني في حالة عدم رضاي عن الخدمة ان اعيد لهم الموديوم واسترجع المبلغ . وللاسف لم تشتغل الخدمة معي واعدت لهم الموديوم من اليوم الثاني واعطوني نموذج لجميع بيناتي ومن ضمنها رقم حسابي ووعدوني باعادة المبلغ خلال سبع ايام واقصى حد عشرة ايام والان لي معاهم اكثر من شهرين واستمع لنفس الموال وخلال الشهر الاول شاهدت غيري يشتكي بجريدة الوطن وكان له حوالى ثلاثة اشهر واخر في النفس الجريدة اشتكى على هيئة الاتصالات ولم يحصل على نتيجة ومن هذا المنبر الاعللامي و تحذير المواطنين ولن اكل او امل من التنبية في جمع المنتديات ايضا لن الو جهدا في تحذير اكبر شريحة من المجتمع من هذة الشركة للاسف وللاستفسار ابو محمد 0********** alkodae@hotmail.com |
وانا كنت ناوية اشترك معاهم
بالله ايش نسوي حسبي الله ونعم الوكيل |
لعنة الله عليهم ماتعاقب الليل والنهار .. شركة جو أصلاً يطبقون سياسة الاستخدام
المحدود |
اسأل مجرب
اشتركت معهم اول 3 اشهر سريع النت 100% = تمويه عشان تجدد الاشتراك معاهم وبعد الثلاث الاشهر انواع التقطيعات بالنت + بطء شديد بالتصفح + الموضف اذا ماعرف يخدمك يقفل بوجهك |
يوجد لدي مودم لشركة النصب والاختيال go بالسطح شبيه الدش صغير موصل بسلك للشقه الغيت اشتراكي معهم اللي يبيه يجي يشيله بريال فقط |
افضل السيئين stc لان الخدمة تتم عن طريق الهاتف وهذا يجعلها مستقره السرعة
وباقي الشركان انسا نصيحة مجرب كل الشركات |
http://sub3.rofof.com/img4/012vupkn28.jpg السلام عليكم ورحمة الله وبركاته تحية طيبة ...... للجميع لآ أعرف ماذا أقول لكم ....... دائما ..... العملاء يشتكون ويشتكون ولكن مماذا نشتكي ,,,,,,,,,,,,, بعد إنتقالي لمنزلي الجديد وكنت مشترك في stc أفاق شامل وأدفع 399 ريال شهريا لغيت الاشتراك ... لعدم وجود كيبل للشركة في نفس المبنى ..... ولم أجد طريقة لمتابعة المنتدي .... نصحني أحد الاصدقاء وهو يسكن جنوب جدة ومشترك في go في الاشتراك في الشركة ... وهو دائما يأخذ جهزه المودم من مكان إلى أخر ولم يشتكي فقمت بالاتصال بالشركة .... ووصل إلى منزلي عن طريق شركة ارامكس زيادة 50 ريال ركبت الجهاز وأنا الآن جددت الاشتراك مرة آخرى .. بسرعة 512 .... ليس دفاعا عن الشركة ... لأن قبل الاشتراك كان جهاز الاب توب يكشف الشبكات من حولي فوجدت عدد من الجيران يستخدمون go >>>>>>>>>> أدفع 166 ريال شهريا لجو ........... ولا أدفع 399 ريال stc والتصفح عندي والحمدالله آخر حلاوة |
تسمع بالمعيدي خير من أن تراه
وشي عذيب هذي وش شغلته ؟ وين هي فيه؟ عسى ما هي عندنا في القصيم ؟ |
| الساعة الآن 09:40 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by