ياجماعة والله العظيم شئ يقهر..
مدري وش اقول احس ان بلادنا مختطفة عن جد بقولكم هالسالفة اللي بطعم العلقم قبل شوي كلمني واحد من زملائي في العمل سعودي الجنسية يبغى واسطة يسجل بنته في مدرسة قريبه من بيته في النسيم يقول ان زوجته راحت للمدرسه الابتدائية 258 وقالت لها المديرة المدرسة مكتفية .. راحت للمدرسة اللي وراها تصوروا وش قالت لها المديرة : لان بنتك سعودية اعتذر عن قبولها لان الاسبوع هذا والاسبوع القادم مخصص لتسجيل البنات غير السعوديات في مدرستنا !!! بنت البلد مايتم تسجيلها والمصريه ولا السوريه ولا الفلسطينيه او غيرهم تحظى بالتعليم المجاني.. مدري وش اللي صاير في ديرتنا من جفرة لدحديرا |
اخوي كلامها صحيح انا اداري بمدرسة
بس انتم مافهمتم السالفة السالفة هي انها قبل الاجازة الصيفية يتم قبول الطلاب السعوديين فقط وبعد الاجازة يتم قبول الاجانب يعني بختصار الاولوية للسعودين قبل الاجازة تكون وغلطت زميلك انه تاخر في تسجيل بنتة وين كان قبل الاجازة |
الرحال حتى لو تأخرت ستبقى المواطنه السعودية صاحبة الحق ها قرار جائر من وزارة التربية ومنحاز للاجنبي ياحبيبي السعودية اولا خلوا الاجانب يدفعون في مدارس اهليه تراهم ياخذون دبل رواتبنا |
^^^^^^^^^^
صدقت اخوي بس هاذي هي الالية المتخذة لدى الوزارة انة للاجنبي وقت وللسعودي وقت ولوكانت ولد كان فزعتلك وسجلتة عندي |
ليست عنصرية ولكن المفترض الاجنبي لو اراد ان يدرس بمدارس الحكومية فعليه ان يدفع رسم ولو كان رمزي ..
لاتدف خلها تروح للتوجيه ومعها مايثبت سكنها قرب المدرسة وهم يعطونها ورقة لتقبلها المدرسة .. |
اقتباس:
ماتقصر ولكن هالاليه المخيسه انه لابن البلد وقت وللاجنبي وقت اليه عقول مخنزه الاجنبي ماجالنا علشان سواد عيوننا يجب ان تطبق وزارة التربية ماتطبقة وزارة الصحة على الاجانب بمنع العلاج المجاني |
اقتباس:
الموضوع بسيط لايحتاج الى واسطه لانه حق محفوظ لكن العقول التافهه هي اللي وضعت العراقيل ليكون لها اهمية في المجتمع سبحان الله حتى قهوجي القاضي صار له قيمه |
اقتباس:
وانا شخصيا استعنت بواسطه تحججوا ان الامكان فُل !:) |
حسبي الله ونعم الوكيل ....
لازم الأولوية لإبن البلد .....والمصيبة كبيرة ...... فحتى في بعض المدارس الأهلية يفضلون غير السعودي ؟؟؟؟ ومرة مدير مدرسه قال ... تجينا أوامر نقبل غير السعودين غصب ..... واللي يقول منع غير السعودي من المستشفيات الحكومية فهذا الكلام غير صحيح 100% ... اذا فيه له واسطة يدخل غصبن عن اكبر لحيه ...... والا حنا السعوديين حتى بالواسطة صعبة.............. |
نخله عوجاء
|
| الساعة الآن 09:20 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by