هااااااااااااااااااااااااااام (بندة + العثيم)
 

يا اخوان موقف صارلي اكثر من 5 مرات واللة يعلم

الاسعار المخفضة المعروضةليست اسعارها الحقيقية يختلف سعرها عند الكاشير (المحاسبة ) ليسة كلها بل البعض منها

تأكدو من كل قطعة تشتريها

بندة المكرونة الايطالية عليها عرض وعند المحاسب بسعر اغلى ولما سألتة قال معليش العرض كان الاسبوع السابق طيب ليش ما شلت لوحة العرض ؟؟ قال معليش؟؟؟ طيب شلها الحين؟؟؟ قال طيب؟؟؟ ولم يستبعدها
كذالك العرض على كرتون الببسي معة شيبس لوحة وش كبرها وعند المحاسب قال العرض خلص
والقشطة كذالك

اما العثيم الاسبوع السابق كان عندة عرض على الحليب السائل حاطة على برشور وعرض مغري يوم طقيت مشوار عشانة لقيتة كرتون كامل نفس الشركة الموضح الاعلان فيها قلت عطني نفس العرض اربع حبات قال خلص قلت لة طيب شفة قدامك كراتين ومفتحة ونفس الشركة قال لا
مع العلم ان الكرتون يجي فية ثلاث شدات كل شدة فيها اربع حبات مستقلة مع العلم ان العرض كان في ثاني يوم لة ؟؟؟؟؟؟

اتوقع واللة اعلم ان العروض وهمية علشان لما تطق مشوار وتجي ولا تلقا طلبك أوتلقاة بسعر مختلف تتحسف تطلع ما شريت شي فتشتري ؟؟؟
وبذالك صار الاعلان مجرد طعم علشان تدخل المحل (ليست كل العروض وهمية بعضها المطلوب والمغري في سعرة)


السؤال ........ من يجبر هذة الشركات على الألتزام بعروضهم ؟؟؟؟؟

هلا بك اخي الكريم

انا نفس الشي صارت معايا بسوبر ماركت بدر الدين اللي بأرض الكردي بالمدينه المنوره ،، لما راجعت ورقة الحسابات للاسف اكتشفت اسعار مكتوبه اعلى من اللي موجود بالبضاعه

يااخي نشوف عجايب

واللي يجبر هذه الشركات بالإلتزام القانون الصارم المطبق على الصغير قبل الكبير

ووزير التجاره يقدر بس ماهو مشتهي

ترى هذه الأمور صايرة موضة عند هذه المحلات.

قبل أسبوعين أشتريت شوية مقاضي من هايبر بندة في جده و وجدت إن الكاشير حاسب لي حاجات بزيادة في العدد يعني أكون ماخذ 4 حبات يحسبها 5.

المهم طلع لي فرق 60 ريال في الفاتورة .. يوم طبيت في حلوقهم جابولي نفس الكاشير و أعتذر لي على الخطأ و غنه كان في تعبان و مصدع في وقتها و إن إللي حصل كان بالغلط و رجعولي فرق السعر.

بس أكبر نصاب في مجال السوبرماركتات هو الصواري... أكثر من فرد من أفراد عائلتي تعرضوا لمواقف هناك ادت لمقاطعتهم لهذا السوبرماركت تماما.
غير إن أسعاره أعلى من الباقيين تجد في حالات كثيرة أن السعر إللي على البطاقة مختلف عن السعر الذي يحسبه الكمبيوتر بالإضافة إلى المشتروات إللي بالكيلو .. تشتري ربع كيلو يحسبوها نص كيلو.

لذلك فالحذر مطلوب عند الكاشيرات في هذه المحلات .. أقرأ سعر السلعة على العلبة (إن وجد) أو تذكره من على الرف وقارنه بالسعر الذي يسجله الكاشير في الفاتورة .. إن كان صحيحا فـ "يادار مادخلك شر" و إلا طيح في بطونهم و طب في حلوقهم عشان يعرفوا غن الناس بدأت تصحصح و تخلي بالها.

صادقين والله انا تعرضت لعدة مواقف مشابهه وكل مره اكفشهم ما تسمع الا اسفين.............. صرت اكتب المقاضي في ورقه واسجل السعر قدام كل صنف من الرف واما احي عند الكاشير اقارن واوقفه ....على طول فيه غلط ....وفعلا هناك فرق كبير وفرته بهالطريفه...جربوا وشوفوا بعيونكم

لاننكر أن لديهم عروض مميزة وخلافه.

النقطة هنا أن هناك تلاعب يذهب ضحيته المواطن الغلبان.

على سبيل المثال.. توضع إعلانات يوم الأربعاء عن تخفيض على المنتج "س" وتأتي أنت يوم السبت لتشتري (و الإعلانات لازالت موضوعة) فتفاجأ بأن السعر ليس كما هو مذكور في الإعلان .. إذا مرت عليك وما أنتبهت راحت فلوسك في بطونهم... و إن أنتبهت لها و أستفسرت يقولوا لك التخفيض كان من الأربعاء للجمعة و قد إنتهى و اليوم سبت .. طيب وليش ما نزعتوا الإعلانات .. يقولوا لك نسينا و معليش حقك علينا.
و لو تيجي بعد يومين تلقى الإعلانات لازالت في مكانها والأمور ماشية كما هي .. إللي يوقع الله يعوض عليه و إللي يخلي باله يعتذروا له.

من الحركات التي تتم أيضا .. وضع منتجين متشابهين في شكل العبوات في أرفف متلاصقة أحدهما مخفض بشكل مغري جدا و الأخر سعره عادي.. بحيث يخطيء الزبون فيلتقط عبوة أو إثنين من المنتج الذي لايقصد شرائه.
وقد حصلت في رمضان الماضي في أحد السوبرماركتات عندما عرض أحد أنواع عصير التوت المرغوبة بسعر 95 هللة للعبوة و وضع صناديق العبوات متلاصقة مع صناديق نوع آخر جديد و غير معروف عبوته مشابهة لحد كبير للنوع الأخر و سعر العبوة 6 ريالات (أحد من كاد أن يتورط في هذا الموضوع كان والدي و هو من نبهني لهذا الأمر).

اشكر الجميع على التفاعل الطيب والاغلبية يقرون فارق الاسعار بين العرض والواقع عند المحاسبة في بعض البضائع
(لا يكتشفة الى القليل من الناس )

واعتقد ان من اسباب جرأتهم ان اغلب السعوديين يدفع وهو مغمض اهم شي عندة المبلغ معة اولا مايدققون في المبلغ ......يحس انة عيب اناقشة في الفلوس ؟؟؟؟؟؟؟

صدقت والله يا ابو هشام .. انا سمعت سوالف كثيرة بنفس الخصوص ولكن ما حصل لي موقف شخصياً او بالاصح ما قد راجعت وراهم للأسف .. لكن من اليوم ورايح راح اطبق كلام boycut

ولو كل واحد سوا مثل ابو هشام والله ما تشوف أي محل يسويها بعدين

شكرا لك مرة اخرى ابو انس على التنبيه

حسبي الله عليهم ..

يعني زود على غلاء الاسعار صاروا يسرقونا بكل قواية وجــه ..

كارفوور حليب الاطفال سميلاك غين 900جم 53 ريال

وفي الصيدليات مثل السقاف والتي تعتبر من أغلي

الصيدليات49 ريال يعني فرق 8% والله فرق كبير....