كيف تتحكم في اسعار البطاريات (جديد)
 

البطاريات كلها تشغل السيارة وعملها بس تشغيل السيارة خصوصاً في اغلب السيارات اليابانية.

البطاريات تجي بارقام (امبير) مثل 50 او 55 او 60 او 70 الخ



مثال: لما يقولك الكهربائي سيارتك مقاس بطاريتها 55 فهو يقصد ان القاعدة الي في السيارة الي تركب عليها البطارية تركب عليها بطاريات مقاس 55 لان ال 50 قاعدتها اكبر وما تخش في المكان المخصص في السيارة (القاعدة). وال 50 او ال 55 كلها تشغل السيارة ومافي منها اي مشاكل الفرق يجي معاك في الحجم فقط.

لكن ال 50 وال 55 وغيرها كلها تشغل السيارة وما عليها اي مشكلة ومدام انك بتشد البطارية بالمثبت الي فوق ما عليك من القاعدة اذا دخلت فيها البطارية بالضبط او لا.

ليش اقولكم المعلومة هذي؟؟

لان بعض السيارات مثل الكامري والاكورد بطاريتها ال اي سي دلكو مقاس 55 بسعر 280 ريال بينما البطارية مقاس 50 ب 210 ريال والفرق في القاعدة بس يعني 50 اكبر من 55 شي بسيط جداً وتركب مدام انك بتشدها من فوق ولا تتحرك نهائياً والفرق حوالي 70 ريال تدفعها بدون سبب مقنع ولا انت بمجبور عليها.

تحياتي.

بس لاتنسا فرق الجهد والامبير لاانة اذا كانت الطاقة زائدة احتمال انة تنحرق الفيوزات واذا كانت اقل حتكون عديمة الفائدة

اكييد في فرق الله يحفظك ماهو القاعدة وبس
في فرق في الامبير والقوة

اللي يبي يوفر يشتري نوع غير اي سي ديلكو لانه سيئ مايتعبا وترميه بعد سنه يعني ماهو عملي نهائيا بس حق دلع وتلعب فيه الشركات حق الزباين علما اني مجربه مرة وكرهته كل مرة

انا شخصياُ مجرب وما عندي اي مشاكل ولله الحمد وكلها تشغل السيارة ودنمو السيارة عليه الباقي البطارية مالها شغل.

لا يا أخوان لا أنصح بهذه الطريقه الا لمن لديه سيارات قديمه يمكن لا يؤثر وعلى شرط ان يكون بالنقصان ولكن السيارات الجديده فاكثرها حساسه فالزياده يمكن تخليها فحم

السيارة ماتحتاج البطارية الا في تشغيلها فقط والباقي من احتياج كهرباء (اضاءة ,مسجل,الخ) يقوم به الدينموا
والسلف يحتاج بطاريه قوية لانه ينشيء الحركه الأولى ويحرك (الحداف)
ولا أظن انه إذا ركبت مقاس اكبر (امبير) يضر او يؤثر فكل البطاريات 12 فولت
ولكن إذا كان اقل فإن البطارية سوف تجهد بسرعه ويقل عمرها

والبطارية يفضل ان تثبت بصورة جيده في قاعدتها ,فعدم استقرارها او ارتجاجها يؤثر على الخلايا التي بداخله وربما سقطه قويه كفيله بدمارها داخليًا

وانا جربت البطاريه التي تعبأ والبطارية التي لاتحتاج إلا تعبئه وكانت الأفضل التي تعبأ بشرط متابعتها وتجنب نقص الماء فيها , وألا تأثرت الخلايا داخل البطارية وقصر خدمتها .
والله اعلم..