تحذير الى كل من يذهب للوكاله بسبب الصيانة او لأي عطل كاان..
السلام عليكم ورحمة الله وبركاتة
اما بعد... حبيت اشرح لكم و اوضح بعض الامور الي تتعلق بالوكالات من ناحية الصيانه انا فني ميكانيكي سيارات واشتغلت بشركة التوكيلات العالميه للسيارات فرع الظهران لمدة ثلاث سنوات طبعآ قبل ما اشتغل هالشغله كنت من المحافظين على الصيانه الدوريه لسيارتي ولم اعلم ان الصيانه كذب في كذب واكل اموال على غير فايده وعدم اهتمام في الصيانه بشكل عام المهم لما اشتغلت بالشركه الحقيره الواطيه شاهدت انواع الغش وانواع الاجرام في سيارات العالم والواحد منا يقول هذي وكاله ومابعدها شيئ.. انا اقول والله لو تصلح سيارتك برى انه اصرف من الوكاله بمليون مره وراح اذكر بعض المواقف الي شفتها بعيني هذي ولم يخبرني بها احد.. طبعا لما تدخل السياره الوكاله يستلمها الفني ويحاول انه يصرفها بسرعه ويشتغلها بسرعه لكي يحسب له ساعات اكثر وهذا معروف وخلال السرعه تلقاه لما يفرغ الزيت من المكينه ما ينتظر حتى ينزل الزيت كله لان هذا تاخير له ويقوم يقفل السره ولسى الزيت القديم ما نزل بالكامل وغير كذا انه يطلب قطعه مثل فلتر الزيت ولا يتم تركيبه وهذا بكثره اشوفها مو بس على فلتر الزيت بل على قطع كثيره يتم حسابها على الزبون ولا يتم تركيبها وبعظها قطع غاليه الثمن واتحدى احد فيكم انه يشيك بعد ما تطلع السياره من الوكاله لانه ما يتوقع هذا منهم وكمان لما يضع الزيت تجد انه مو فاضي يشوف العيار حق الزيت ويملى الماكينه زيت فوق المستوى المطلوب او يكون ناقص بكثير ثانيا عند تنظيف فلتر الهواء يقوم ينفظ الغبار داخل المكينه وهذي تسبب اعطال في جدار البساتم لانه راح يدخل حصى صغير ويدمر الجدار حق البستم وتكون الماكينه كلها حصى وغبااااار وانت مسكين قاعد تحافظ غير كذا والاهم يجيك الواحد يلعن والدين الموتر قبل ما يدخل للصيانه والله انا كنت اشوفهم انواع التفحيط بالسيارات داخل ساحة المواقف وتلقاه يعشق القير بين ال d و r و p والسياره ماشيه بسرعه مو بسيطه وانت تحافظ على موترك غير كذا اذكر مره صار حادث داخل الصيانه بين اثنين من اصحابي وصلحوا السياره بدون ما يخبرون الزبون بس ما ادري بعدها وش صار اذا كان عرفوا الزباين ولا لا؟ وغيرها من المشاكل الي انت ما تتوقع ان الوكالات تسوي كذا فانا من بعده خلاص ما صرت اودي سيارتي الوكاله صرت اسوي لها صيانه بنفسي بعد الي شفته والخافي اعظم.... وتقبلوا تحياتي.. |
كلامك صحيح ... في ناس فلوسهم زايدة وصداقين !!!
تغير الزيت والفلتر في الشركة يكلف على الأقل 600 ريال . وعلى حسابك مايكلف 100 ريال وكل شي أمامك ومضمون . |
حياك اخوي
بصراحة فتحت عيوننا على موضوع مهم .. كواليس الصيانة ماذا يحدث بها ؟؟!!! |
فيه ورش صيانة أفضل من ورش صيانة الوكلات جودة وسعر يعني ( تصلح سيارتك بما يقارب 20% من سعرالوكاله ) واذا ما عندك خبرة في الصيانة أو من يساعدك الله يخلف عليك منهم كلهم في المنتدى اطلعت على موضوع تخبيط الاوريون(الكامري) وشاهدت المقطع وأذكر لكم أسباب الدخان اللي شاهدته في المقطع وكم عانوا منه ملاك اللكزس موديلات التسعينات ومنهم من تخلص منها بالبيع أو الصيانة المكلفة لهذا السبب. وفي الحقيقة أن هذي المشكلة ليست في المكينة وأنما العطل غالبا يكون في قطعه صغيره بجانب علبه الدريكسون(حساس زيت الهيدروليك) ويخرج منها عدد 2 ليات صغيره الى مقدمة الماكينه (الثلاجه) ففي حالة تعطل الحساس يتم ضخ كميه بسيطه من زيت الهيدروليك(زيت الدكسون الاحمر) الى السرندل ويحترق مع البنزين ويخرج من العادم دخان أبيض كيف نعرف انه من زيت هيدروليك(اسحب الليات من مدخل الثلاجه ولاحظت زيت أحمر ) أغلب فنيين الوكالات غير مؤهلين ( الفنيين اللي عليهم الكلام لا يعلمون في صيانة الوكالات ) وتخبيط المكينة هو معروف في بعض سيارات تويوتا ما هو بخروج دخان من العادم ( المكينة بالكامل تجيم ) وأكثر شهرة فيها سيارات الكامري ( الديهاتسو ) 2003 فمآ فوق وعذر الوكيل استخدام فلاتر زيت مقلدة والمشكلة هي جنزير المكينة فيه عيب مصنعي أتمنى تعقيب من الفني الميكانيكي hmooodeasiri على ماذكرته أعلاه و كواليس الصيانة ماذا يحدث بها |
والله انك صادق
انا عديلي موظف شركة ارامكو في المعامل وارامكو توزع للموظفين اقلام فلومستر صعب تنمسح الا بالحك وبعد تقدر تكتب بها تحت الموية المهم الرجال عنده جيب لاندكروزر وقبل ما يوديه للصيانه اخذ القلم وسجل حرف A على السير وعلى القماشات وعلى فلتر الزيت ودخل السيارة الوكاله وقالوا له تكلف فوق 2000 ريال وارجع بكرة لما رجع وقبل ما يستلم السيارة سال الموظف خلاص قاله الموظف خلاص قاله افتح الكبوت ولما فتح الكبوت بعد استغراب الموظف ساله قال له انتم السيور اللي عندكم عليها حرف A والاقمشه والفلتر بعد يقول كان الموظف انضرب على وجهه كف طلعت الصيانه كلها مغيرين جلدة المساحة الخلفية فقط يقول بعد ما سويت لهم فضيحة اخذت سيارتي وشقيت الفاتوره ورميتها في وجه الموظف ومشيت |
الحمدلله اخوي الوكاله اللي اروح فيها شكلها عندها ذمه وضميره خخخ واثق الاخ
انا الصيانه عندي في السياره ماتكلف من حدود 80 إلى 130 ريال وكل هذا طبعا تشييك وتغير الزيت والفلتر وزيت القير والمكينه وغيره وغيره وغير ذلك يقومون بتنظيف السياره والمكينه بالبخار للمحافظه على نظافتها وبصراحه ماعندي استعداد اوديها لورشه فيها عامل بنقالي اوغيره لسا مبتدئ ومايفهم شي وبالنسبه للي ذكرته انا ما استبعده في الوكالات كل شي جايز وصحيح والله يعيننا على الايام الجايه ايش راح تسوي الوكالات من خدع |
انا معاك اخوي ALI3LLAWI بس مو كل الوكالات . اخبر قبل سنتين اخذت سيارة اخي وطلب مني اوديها للصيانة السريعة في الجميح .. طبعا قام العامل بفتح سرة الزيت وبعدها قام بفتح غطاء زيت المكينة واخذ الهواء وقام ينفخ المكينه من الغبار ،، سالت العامل وقلت له كل الغبار دخل في المكينة ، وناديت المسؤول واخبرته باللي حصل . وجلس يتأسف المهم اخذت السيارة واخبرت اخي وقال والله ما عاد اودي السيارة عندهم .
وفعلا تركهم ، والحين يتعامل مع فلبينين حقين بترومين ، ما شاء الله عليهم ، نظافة واهتمام في السيارة ،، كان السيارة لهم بس الوكالة يمشون على النظام هذا ~ جلد مو جلدك .......... إلخ ~ |
بارك الله فيك اخوي حمودي وفي جميع الأخوة على هذه الملاحظات
وانشاء الله توبة يا وكلاء السيارات نجيكم |
بارك الله فيك
وجزاك الله خيرا |
طيب ليت تذكرون الورش المتميزة اللي تم تجربتها وخصوصا بالرياض
علشان اللواحد يقدر يشيك عندهم الوكالة مشكلة والورش مشكلة اجل ايش الحل |
| الساعة الآن 03:58 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by