مطعم صبه عرفه يرفع الاسعار ويحرض من بجنبه 
 

الاشوام شر وطوام وبلد ملعوب فيه والسلام
صبه عرفه كبير 4 ريال
وتبعه بذلك جميع محلات الفلافل التي بجانبيه
للمقاطعه ... ولن يكون ترك الفلافل سبب في هلاكنا
تكفون اتحدوا ..

وين مكانه ؟؟
المشكلة الحين يزيد مع تقليل الحجم
مثل ابو عدنان والاخ الثاني اللي جنبه بشارع الزبير بن عوام

صبة عرفه في الملز بالرياض

فلافل عرفـة الملز ( شارع زيد بن الخطاب ) قريب من شارع الكهرباء
فلافل عرفـة الملز مخرج 16 مقابل وزارة التجارة والصناعة
فلافل عرفـة النسيم شارع الأربعين مقابل بنده

هذا اللي أتذكر من فروعهم ..

أتمنى إن المقاطعة تأثر فيه مثل ماصار لحمص أبو فهمي وعرف إن الله حق ورجع ..

كلامك صحيح كل مره اروح لهم ولاهم زايدين ريال على السندوتش








****والبديل فلافل النقا مقابل مخابز العجاجي (الملز) أفضل وأنظف وأرخص

السلام عليكم....

أنا كتبت ردود قبل أسجل بالمنتدى، ياجماعة أنا رايي نرجع لأيام زمان ونتجمع بحارة ونمشي على المطاعم ناكل ونضرب وكلها طعش سنة وأنت طالع ونتجمع ناكل ونضرب لين يحصل أمر الله أما النصر أو الشهادة.

أنا اللي قاهرني وباط تسبدي أن التجار يرفعون والأكيلة يزيدون والعقار يطير والناس تتطاق على الأراضي والفلل وأحيانآ الشقق، وين العقول؟؟! ماأدري.. يحس المشاهد أنهم روبوتات يحركها المخرج!!! الله المستعان...

البلد صاير يحوم التسبد ودي أرجع لخوالي بالنرويج وأرتاح من ديرتكم....

فعلا له غرعين في الملز

الثالث نفى صاحب محل عرفة انه لهم وحاط اعلان علىمحله ينفيه

وابشركم الحين وصلت الفلافل ب5ريال

خذني معك يبو خالد تكفى ترى من زمان وفكرة الهجرة تراودني ، ودام عندك خوال بالنرويج أمورنا تبي تسهل:)

طيب ولاك سعر طبق البيض زادوا سعرو وسعر البازنجان كمان زادوا سعرو ولاك كمان سعر الطحينه والزيت وكل اشي زادوا سعروا حتى أجرة الدكان، كيف مابتكو نزيد الأسعار علموني كيف ولاك أنه حتى بستة ريالات مابيخارج لكن بعض الدكاكين تبيعوا بخمسة ريالات وهاي خسارة لكن بيعوضو بأشي تاني

السلام عليكم

رفع الاسعار غير منطقي ...والآن نزلت اسعار المواد يعني مافيه اعذار
- في حي السلام يوجد عدة محلات فلافل
واحد منهم فقط رفع الاسعار
والاثنين الاولين بقوا على الاسعار القديمه
فلافل مشكل 2 ريال صغير والكبير ثلاثة ريال

ولما سئلت صاحب المحل السوري طار فيني طيره عجيبه
وقال مابدك مع السلامه
وسؤالي الوحيد اللي ماقدر يرد عليه ليش انت بالذات رفعت السعر والمحلات اللي بجنبك واحسن منك مارفعوا اسعارهم ؟
وطلعت وطلعوا معي كثير من السعوديين وكاد الامر يصل الى مضاربه :mad:


- من أهم عوامل شهرة الفلافل الصبة هو رخصها ...يعني ينتفي هذا السبب ويزيد سعرها الى خمسة ريال
سوف يدخل في قائمة المشتري خيارات اخرى مثل الشاورما مثل الهمبروغر مثل ربع حبة دجاج مع الرز والايدامات

اذا تغير السعر يتغير معه خيارات المشتري وتزيد مساحة المعروض
يعني ستكون هناك منافسة بين الاسعار وسيدخل الفلافل في قائمة خيارات اخرى مطروحه منافسه