العثيم هاذا الشهر وعروضه الأفضل
|
السلام عليكم
السؤال هل جرب احد نوعية الرز التي هي الارخص في حد علمي بين العروض اطلاقا ... ولا يعني الاغلى كما نعلم الجوده ولا يعني الاقل سعريا قلة الجودة فهناك الكثير من انواع الارز الغاليه ولكن ليست ذات جودة بعض الانواع الاخرى الاقل سعرا |
ما اعرف هالرز بصراحة
لكن العثيم يقدم عروض على الأقل جودة ! وخاصة منتجاته "هالي" تصريف بتصريف محب البساطة نصيحة فقط شف عروض هايبر بنده " السلع معروفه بأسعار ممتازة "... وقارنها بالعثيم |
هالي ...كان افضل من افضل انواع الرز التي تذوقتها في حياتي مع العلم اني لست من هواة ماركات الرز الا مؤخرا ...بسبب الفضوه .
المهم هالي كان قمة في الروعه اول ما نزل وكان رخيص كنت مداوم عليه ومستحيل اغيره لكن هم اللي تغيروا نوعية الرز نفسها تغيرت ! للأسف هاذا حال الكثير من الماركات المشهوره في البداية تكون ممتازه ثم مع الانتشار والنجاح تتحول الى رديئه بالنسبه لبنده لم اجد عروض وهاذا الرز ابي اجربه 19 ريال اخو البلاش واعطيكم خبريه مخبرية ههههههه |
لكن على مستوى الاسعار فاز العثيم واخذ الاوله على جميع العروض في حد علمي
وكذلك عرضه عل الدجاج خيالي وكذلك على الزيت !!! العثيم قمة في العروض هااذ الشهر بلا مبالغة ... |
بالنسبة للرز .. للأسف يتم خلط أنواع ردئية مع نوع الرز في كيس واحد وذكر هذا في الجرائد
وأنا حصل لي من فترة أن أخذت الوليمة وبعد فتح الكيس لقيته مخلوط.. واضح إن الرز لونيين ! هذا غش وتلاعب من المورد وليس منافذ البيع وين الوزارة عنهم ؟؟ فيه رز رخيص سعره.... إسمه المضياف كان عليه عرض ببندة .. جربت البسمتي منه ممتاز الزيوت احرصوا منها أكثرها خطرة .. وبعضها مهدرجة .. وبعضها خسارة شرائها من قليه وحده الزيت يحترق خلكم على الأنواع المعروفه مثل نور المنارة عافية مازولا ... |
الاخت جمره
عروض بنده لم اجد فيها اي شئ عن الرز مكافئ او مقارب لما في العثيم كذلك في جيان وفي كارفور الزيت الفرس معروف ويباع وسعره لا مثيل له ، ان كان مثل مافي الاعلان 1.8 لتر بالسعر المذكور فوقه وعموما الزيت ما يطول والقلي ليس مستمر مره مرتين في السبوع بالنسبه لمخاطر الزيت المهدرج انا بحثت في هاذا الموضوع وجدت ان المستويات متقاربه بل ان بعض الزيوت الأقل سعرا بواقع عشرة ريال للجالون قياسا 23 للغير هو أفضل في تكريره وتصفيته من البقيه قرأت مره موضوع او بحوث في النت عن هاذه المشكله الا وهي الزيت المشبعه وغير المشبعه وخطورتها على الصحه وهو موضوع يستحق البحث والادراج في التثقيف الاستهلاكي ان لم يكن مدرج اصلا |
يا اخوان ... اشوفكم طولتوها وهي قصيره
للفائده فقط أحذروووووو نصبهم واحتيالهم. لأنهم يستغلونك بالطريقه هذي. يعني إذا جيت علشان العروض تطلع وانت ماخذ اشياء ماهيب في بالك. ثانياً انتبه لشاشة المحاسب على السعر احيانا يتلاعبون بسعر العرض والسعر عند المحاسب يكون غير. صحيح ان العثيم اول كان من افضل الاسعار رخص وجوده الغذاء لكن الحين صار مثله مثل غيره هدفهم قروشك فقطططططططط. تبون نصيحتي إذا نويت تشتري بالكراتيين انصحك تروح لأسواق الثلاجات لانهم يحسبون لك الكرتون بسعر الجمله وتطلع بفائده = كرتون + حبه مجاناً والله ولي التوفيق |
الصراحه ما اثق بأسواقنا بس على بلاطه |
والله شوف بعض العروض فعلا تشعر انها ذات قيمة وبعضها مجرد ضحك على الدقون
|
الساعة الآن 05:59 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by