مشورة
 

حياك اخوي.. والشهر مبارك ...
فيه فريزرات عامودية وفيه افقيه
العامودي افضل من حيث الترتيب .
عندي كلفينيتور ممتاز .. لكن فيه منه نوع يكون الكمبرسور تحت متقدم وياخذ مساحة من اخر رف هذا بصراحة ما بغيته اخذت اللي راجع شوي ..
وسبق لي تجربة سيئة مع hot point اعطاله كثيرة ومراوحه تنكسر وتجميده ضعيف ..


وفيه فيزرات تجي على شكل ادراج هذي من سماعي للكثيرين مايمدحوننها .. اللي شكل ارفف افضل


المقاسات بصراحة الغسالات والنشافات والفريزرات والثلاجات دايم افضل اكبر مقاس ومن الشركات المشهورة وابعد عن الصيني , الواحد مشتري ودافع فلوس لو يزود شوي ولا يقعد كل كم سنه يشتري ..
لا تنسى الضمان واعتقد برمضان يعملون تخفيضات .. لف على كم محل وسجل الاسعار والمقاسات وقارن بينهم

تعبت وأنا أكتب جب خمسة ريال
 

علمك عندي
أنا لفيت السوق قبل فترة لأجل شراء فريزر قبل إعطاء رأئي يجب التنبه للتالي
1ـ لا تدور في غير حراج بن قاسم لأنك راح تلف وترجع ( أما من غير الرياض ما أدري )
2ـ يوجد الكثير من الصناعات التي تسوق من وقت قريب مثلا فريزر بحريني أو فيتنامي تخيل أما الصيني يا كثره
3ـ الحجم المناسب هو 12 قدم مناسب جدا للمنازل
4ـ لابد أن يكون الكبروسر أمريكي
5ـ ضرورة التأكد من وجود مروحة صغيرة خارجية خلفية للتبريد على الكمبروسر حال ارتفاع درجة حرارة الغرفة أو المطبخ يعني مافيه حاجة لوجود مكيف أو مروحة عند الفريزر
6 ـ هناك نوعان ثلج وتأتي تلبيسته الداخلية استيل وهذا مناسب للأماكن التي تتكرر فيها انقطاع الكهرب أما النوع الثاني بخار وتأتي تلبسيته الداخلية بيضاء اللون وهو معروف

بعد الحوسة السابقة أجد أن ماركة هاس أو هاي كول وجميعها من العيسى سعرها مناسب لوجود الميزات السابقة من مروحة وغيره وسعر 12 قدم من 950 إلى 1200 بحسب المحلات عاد عارفين الرقابة وإذا تبي شوري روح لمركز البضائع المخفضة التابع للعيسى مباشرة تجد لديهم فريزرات بأسعار مغرية يعني حجم 12 قد بحدود 850 ريال وحجم 8 قدم بحدود 700 ريال

ملاحظة : أنا أتحدث عن الفريزر العادي الصندوقي ليس الواقف
بعدين تعبت وأنا أكتب عطوني خمسة ريال عن كل مشاهدة :lol:
من الصبح ماسكة معي ردود على كثر الشغل إللي عندي لكن تستاهلون بس الخمسة ريال الله لا يهينكم لا تنسون :D

جمرة غطا

واخوي قاعد لهم

يعطيكم العافية على الافادة الرائعة
لكن يبي لي اتروى شوي