وين احصل المواد البلاستيكيه بسعر حلو في الرياض
 

سلام عليكم

ناوي اتقضى للبيت من الموا د البلاستيكيه

اكياس صغيرة,اكياس قماما,سماط او سفره,قصدير,تغليف بلاستيك,مناديل

وش احسن مكان احصل سعر حلو في الرياض

المحلات اللى عند سوق خضار الشمال والا محلات ابوريالين والا مركز المنتجات الوطنية

اللى عنده خبره لايبخل علينا

ومشكورين مقدم

تفضل يا اخوي
https://www.mqataa.co/vb/showthread.php?t=24717

حياك اختي
الغيث مايبيع هالنوع من ورق الكب كيك

http://img802.imageshack.us/img802/4...sl500aa300.jpg

هالنوع يباع عند ملتقى الخبازين لكن ابي اشوف ان كان يباع عند الغيث او الصفه اللي جنبه اقرب لي من ملتقى الخبازين

مشكورين وماقصرتوا

بس وين كوبري الخالديه ومحلات الغيث وباوزير

يعطيك العافية يا الغالية

انا كنت ابي انوع الثاني ورق الكب كيك وينفع اكثر للسينابون

لعل ياتي عضو يفيدك بوصفه بالتحديد
لكن اعتقد حول الصناعية

-- للأسف الشديد حتى محلات الجملة تختلف أسعارهم فيجب الانتباه لذلك .

- محلات الجملة للمواد البلاستيكية :

1- بالخالدية ( امتداد طريق الخرج القديم باتجاه الشمال )
(أ- لما تتعدى اشارة مصنع اسمنت اليمامة وانت متجها شمال باتجاه الصناعية القديمة للسيارات )(ب- يجيك كبرى (هذا الكبري على طريق الخرج و بين الخالدية وغبيراء ) خلك تحت الكبرىمتجها شمال ( لا تطلع فوقه) تجيك الاشارة الأولى تعديها - ثم الاشارة الثانية يجووووووووووووونك محلات كثيرة لمواد البلاستيكية والمنظفات على يمينك ) .

- وإذا كنت جاي من الصناعية من الشمال باتجاه الجنوب .
فبعد ماتتعدى اشارة الصناعية تقاطع العنوز طريق الخرج وتتعدى السالم للزجاج
يجيك الكبرى من تحت الكبرى ترجع مرة ثانية شمالا يجونك على اليمين .

2- توجد محلات اخرى في سوق الربوةعلى الدائري الشرقي ( وانت متجها شمال قبل مخرج 14 يجيك الغيث على يمينه خلف الغيث داخل المجمع من الشرق محلات أرخص بكثير من الغيث
من هذه المحلات محل اسمه الخزيم أو الخزيمي - اسعاره رائعة جدا وعليه اقبال - ومايمنع الواحد يسعر .
لأنهم للأسف تجدهم يخفضون اسعار بعض البضائع ويزيدون في اسعار أخرى.
والله يعينا عليهم ونسأل الله أن يمحق تجارة كل جشع وغشاش ,,,,

كوبري الخالدية عند وكالة الجميح لقطع الغيار