أعضاء المقاطعه ( ماذا تريدون بالضبط )
السلام عليكم ورحمه الله وبركاته
بدأت حملة الالبان وانتهت ودخلنا حملة البيض وانتهت ومرينا بحمله الدانمارك والان هولندا قربت غير الحملات الاخرى على البيبسي والكوكاكولا والستاربكس وغيرهم وانتهى بعضها والبعض الاخر مازال مستمرا... في كل الحملات صرنا نطالب ونطالب ونقول غيرنا عندهم واحنا عندنا والتاجر يسكب واحنا نخسر ومن كثر المواضيع اللي صايره والله العظيم صرت احس اننا ضايعين ومثل الذبيحه في غابه ضباع كل واحد يجي ينهش شوي من لحمها... هذا الموضوع فقط واتمنى هالشي يتم فيه ما ابي احد يدخل ويكتب اي شي قبل مايفكر في الشيء اللي بيكتبه.. تبي تقاطع قول وش الشي اللي تبي تقاطعه وليه تقاطعه ( حط اسبابك وخلي غيرك يرد عليك ). حط نمط الحياه اللي تبيه وايش الشي اللي تبي المجتمع يوصل اليه والطرق اللي بتؤدي الى طلبك وامنيتك. هذا الموضوع مانبي القص واللصق ولا نبي النسخ ولا نبي ناس غيرنا تتكلم عننا ولا نبي نتكلم عن غيرنا ابي كل واحد يتكلم عن نفسه وبس عن رأيه هو عن وجهة نظره هو عن تفكيره هو عن احلامه هو. في هالموضوع لاتتكلم عن رايك الشخصي بأي شخص اخر او تطلب رد مني او من اي عضو ثاني على مواضيع اخرى خلي هذا الموضوع فقط لكي نفهم ونوحد اتجاهاتنا جميعا. سواء كنت صديق او غريب سواء قريب او بعيد دع لقلمك فرصه راحه ورتب الكلام بعقلك وفكر بعقلك واحسب حساباتك بعقلك وشاور عقلك باحلامك ومن ثم حط اصبعك على الكيبورد وخله يكتب.. سطر سطرين عشره صفحه مايهم كم تكتب المهم توصل كل اللي عندك للجميع ولما يجيك الرد على كلامك وتفكيرك لاتزعل بالعكس حاول تستفيد من وجهة نظر غيرك ( خذ اللي تبيه والباقي انساه ). شكرا مقدما |
اقتباس:
انا بقاطع كيموس القديم والسبب ماادري ليش مسجل بالمنتدى لا هو اللي يبغى يقاطع ولاهو فرحان بالاسعار الا الان لااعلم ماذا يريد وشكرا مأخرا ;) |
^^^^^^^^^^^^^^^^^^^^^^^^
بشائر الخير هلت بوادينا... الى الان انا ماكتبت شي عن نفسي وتارك المجال لغيري هو اللي يبدأ والردود من هالنوعيه اتمنى مانشوفها بهالموضوع عندنا مواضيع اخرى كثيره نتكلم فيها لكن هنا اتمنى قبل ماتضغط على زر اضافه رد تفكر اول شيء بالشي اللي بتكتبه. |
|
موضوعك بكل تساؤلاته موجه لك أنت !
عقلك الباطن يخاطبك بصوت مرتفع، توجهاتك غير مفهومه وتعاني من اضطراب في شيئ ما ! أما عن نفسي فإليك ماأريده.... أريد أن يفهم الناس ويعوا أننا في وقت ((الذيب نايم وشبعانه حصانيها)) وأريد أيضآ أن يعلم القاصي والداني أن اللصوص والمرتزقة يقابلهم شرفاء ورجال ! وأود أيضآ أن يعلم الجميع أن الأيام دول وأن العبرة بمن نجى كيف نجى لا بمن هلك كيف هلك. كما لايفوتني أن أتمنى زوال الجشع وأهله وفضح كل من تسول له نفسه التلاعب بي وبإخواني من أبناء هذه البلاد الطاهرة التي كثر فيها الخبث والخبثاء وأن رؤوسهم قد أينعت وحان قطافها. وفي الأخير أتمنى من الله أن يوحد كلمة الشرفاء لمواجهة الدخلاء من مدعي الفهم والملبسين في شتى المجالات، من تجار جشع ومتخاذلين وأعداء للدين والوطن. والله من وراء القصد. |
الي في بطنه ريح مايستريح
|
اقتباس:
اقتباس:
يا اخي انت وش اللي تبغى توصل له بالضبط 00 عادي اشرح لي وضح لي يعني نوقف المقاطعه والا عندك طريقه جديده والا تبغى نرشحك تصير مشرف مره وحده عشان بالمره تصير توجهنا للصح والغلط وتراني ما اتتريق لكن كثرة مواضيعك ولا ادري وش هدفك ابغى اعرف وش تبي بالضبط ؟ |
أخي كيموس ...
أعلم أنك تعاني من فهم ثقافة المقاطعة ... صدقني لسنا أول من طبقها ... أتعلم في ولايتي هنا ... زاد سعر الطماطم بــ دولاين إلى خمسة ... أتعلم مالذي حصل ... مقاطعة جميع أنواع الطماطم وبشتى أحجامها ... القيام بمظاهرة تندد بالزيادة ... وفوق ذلك تصريحات إعلامية ... من اقتصاديين ... وتدخل سريع لجمعية حماية المستهلك الأمريكي ... هذا كله لخاطر الطماطم ... نحن لا نريد إلا المقاطعة ... لتعود حقوقنا كمواطنين ... بالتنعم بخيرات البلد ... دون أن نجد أدنى استغلال وجشع ... من بعض التجار هداهم الله ... أتمنى منك أخي الفاضل ... الاستزادة حول ثقافة المقاطعة ... ومدى تلائمها مع الشعب السعودي ... لتجد أن حان دورها هنا ... فهي أداة لأعطاء كل ذي حقٍ حقه ... والله ييسر أمرنا وأمركم ... أخوكم ... الســـ 2008 ــاموراي |
اقتباس:
أنت جالس تطبل لوكلاء السيارات لأمر ما يا إنك موظف بإحدى شركات السيارات أو إنك رايح تستلم من الوكلاء كم سياره مجانا |
كيموس القديم
( ماذا تريد بالضبط ) انشاء منتدى المقاطعة الذي اعتبره صوت المواطن الى المسئول يجيب على كل تساؤلاتك وكفى !!!!! |
| الساعة الآن 09:30 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by