أين أجدمحل جمله للمواد الاستهلاكيه في الرياض رخيص؟؟؟دلوني
 

احب أتقضى للبيت مره وحده حق مده طويله لأني ما أحب الأسواق والدوران فمن يدلني على أرخص محل جمله للمواد الاستهلاكيه وفي الرياض وله من الجميع الدعوات الصادقه ...ففي مثل هذا الشهر من العام الماضي تقضيت من رامز حق سنه الله يجزى من دلني عليه خير ولكن أخاف أعني له ويكون رفع أسعاره.. فمن راح له من قريب يعلمنا الله يرضى عليكم..وان كان فيه بديل يدلنا عاجل..

وش تقصدين ياشموووع بالاستهلاكية
ان كان مواد تنظيف وبلاستيك افضل محل جملة هو الخزيم عند سوق الربوة للخضار خلف الوسام
فعلا سعره من حيث النسبة وتناسب ارخص من الاخرين ,,, والاخص ارخص من ابو ريالين
رامز سعره مالاحظت عليه تغير

شكرا
 

شكرا أختي الغاليه على الرد . فعلا أريدمنظفات وبلاستيك ونحوه.

منظفات والبلاستيك اذا بتاخذين بالكرتون لا تتعدين الخزيم
جوده وسعر ترا بعض المحلات تبيع التقليد وسعره موازي للاصلي وكمية اقل
انصحك مثلا الصابون السائل فيه جوالين كبيرة سعرها على حسب النوع ,,,
اذا فرغتيها بجوالين صغيرة ام 16 ريال تاخذ 6 جوالين يعني اوفر لك غير انها افضل بكثير
ايضا فيه كمفورت وكلوركس بنفس الحجم
وجميع انواع المنظفات والبلاستك عنده ارخص من الاخرين وحتى ارخص من الغيث للبلاستك

ابتعدوا عن ابو ريالين | || يتلاعب بسعر والكمية
الخزيم وباوزير افضل محلات الجملة

شكرا جزيلا أخواتي جمرة عضا وjulina