منتدى مقاطعة - قصيدة لمواطن يرد فيها على دكتور طلب حضور ابنه المتوفى لأن جاه الدور لاجراء العمليه

هذي قصيدة قالها الشاعر / عقاب الربع الشمري , من محافظة رفحـآ , بعد وفاة إبنه ( يوسف ) الذي كان مريضاً وكانت مستشفيات رفحـا والحدود الشماليه عموما سيئة ولا تستطيع ان تكون خير مشفى لمرض إبنه , وذهب الى إحدى المستشفيات الكبيرة لعلاج إبنه ولكن وجد أن هذه المستشفيات تقوم بإستقبال المرضى بالدور , ورضى بالأمر واصبح ينتظر الإتصال من المشفى ليقولون له أتى دور إبنك بالمراجعه.

يقول الشاعر / عقاب الربع الشمري ... بعد شهرين .. من وفاة إبنه :

إتصل علي الدكتور من مستشفى كبير ليقول لي ان ابنك يوسف جاءه الدور.

وهذا ماقاله الشاعر : عقاب .. الربع ...

ألـو مرحب..هـلاوالله تفضـل معـك انــا ‏اهلـيـن
‏أخوي ابغى ولي امـر يوسـف عقـاب انـا الدكتـور
‏تنهـدت ودريـت انــه مـولـم طعـنـة ‏السكـيـن
‏وانـا مـن دون سكينـه ياكـم سكيـن بـي مكسـور
نعـم آمـر يادكتـور وتلفـظ لـي : (بعـد يوميـن)
‏تجي معـك الطفـل يوسـف ولاتفـوّت عليـه ‏الـدور
سكـت ‏وقلـت ‏يادكْتْـوْر ‏انـا ‏وينـي ‏ويوسـف ويـن
‏يادكتور وينكم ‏عنّه ‏وانا اصـرخ لـي ‏ثـلااااث ‏ شهـور
تجاهلتـوه ‏يـاابـن ‏الكـلـب ‏طنشـتـوه يالوسخـيـن
‏علشانه ‏شمالـي ‏أو علشانـه مـو ولـد هامـوووووور؟
حبيبـي مـاات يادكتـور قـدامـي قـبـل ‏شهـريـن
‏قبـل شهريـن كفنتـه انـا فـ( يدينـي ‏) يادكـتـور
زهق من ‏(مجـزرة رفحـاء) وغذايـه وخبـث ‏ ايديـن
‏وتعب من( اجهزة عرعر) ومستشفى كل ابـوه قصـور
نخاكم بـس يبـي منكـم سريـر ينـام فيـه ‏ شويـن
‏وكسرتـوا خاطر الطفـل وغـدا مـن خبثكـم ‏مخطـور
تكاثرتـوا علـى يوسـف ‏( هـوا الله ) ليـه ‏ ياشينيـن
‏كأنـه مـن كثر غبنـه بكـم واااادع وهـو ‏ مقـهـور
حـرام إنتـم بشـر واذا بشـر فانتـم مـن الضاليـن
‏بـلا رحمـه بــلا دم وضمـيـرٍ فـاسـدٍ ‏مقـبـور
يابيخـك حيـل بايـخ يااستشـاري المسخـره والبيـن
‏فـبرودة دم تبغاه يحضر؟ مـن ويـن؟ مـن ‏هالقبـور
قبـل مـده وقفـت وشـافـوا وقـوفـي هكالغالـيـن
رجعت ولا معي يوسـف وعّمـر هالحـزن بصـدور
رجعت لبيتنـا ضايـق حزيـن ولا دمعـت لـي عيـن
‏لأني لو بكيت امه تمـوووووووووت وجيتهـا مسـرور
واقـول اليـوم لاتبكيـن غيـره نُــرزق بعشـريـن
‏ويُملا البيت يا ( أم يوسف ) وانا فـي داخلـي ‏مذعـور
الى هالحين ماسكرّت؟؟ علامـك ؟ وش تبـي هالحيـن
‏عطاك العمر يادْكْتُوُرْ ولا قصّرت به مشكوووووووووور
يابايخ ... ضـف وجهـك ولا ابغـى تتصـل بعديـن
حبيبي مات من شهرين فمـاااااااان الله يادكتـوووووور

للشاعر : عقاب الربع الشمري

تقطع القلب.. :(