موضوع من الكـــويـــت
 

السلام عليكم
يعطيكم العافيه على هذا الموقع والي بصراحه دخلته عن طريق الصدفه وحبيت اشارك بموضوعي فيه.
بدايه انا مواطن كويتي... قررت اني اشتري شفرليه تاهو ltz من الوكيل عندنا "يوسف احمد الغانم" حيث انه صدمني بسعرها 14500 دينار كويتي اي مايعادل تقريبا 183 الف ريال سعودي
طبعا السياره حسب كلامهم كامله المواصفات.
وكانت جدا غاليه وقلت يمكن اتكون ارخص بكثير اذا كانت المواصفات اقل بشوي الى ان وصلت الى اقل درجه مواصفات حيث كان سعرها بالضبط شهر 5/2008 بالدينار الكويتي 9500 دينار اي مايعادل تقريبا 135-140 الف ريال سعودي. (طبعا سعر السيارات بالكاش او النقدي) واذا كانت بالتقسيط زياده على ذلك تقريبا 2500 الى 3000 دينار كويتي.
وبعد اسئله واجوبه عرفت ان في كويتيين يشترون سيارات من السعوديه.. قلت اجرب حظي واسال.
اخذت جوازي ورحت باعماق المملكه اتجول وصلت الى احد الوكلاء سالته عن سعر السيارات لما وصلنا للسياره الي انا ابيها tahoe - ltz وعطاني سعرها بالريال 158 الف
قلت له ياريت اتحوله كويتي وتشوف كم السعر ولما شفت السعر انصدمت 11200 دينار تقريبا
وقال لي اذا عزمت انخصملك ان شاءالله
وبعد تفكير طويل قررت اشتريها واخذت خصم الى ان وصل سعر السياره مع التامين ولوحات التصدير وتوصيل السياره من السعوديه الى باب البيت بالكويت 10400 كويتي اي مايعادل 147,000 ألف ريال تقريبا
الصراحه سعر قوي و ولاأروع من سعر الوكيل حيث ان الفرق تقريبا اكثر من 4000 دينار كويتي
وطبعا غير المواصفات.
والحمدلله اخذتها واستخدمها حاليا
والي حاب ان يتأكد مستعد اني اثبت له بالدلائل والبراهين والاوراق الرسميه
طبعا مقارنة الاسعار بين الكويت والسعوديه رأيت ان المملكه اسعارها ارخص بكثير من الكويت
وشكرا