هامور الخليج
 

السلام عليكم
طبعا اغلب اهل الشرقيه يعرفون هامور الخليج وما فيه شك ان السمك عندهم طيب لاكن لو تلاحظو خلال الاشهر الماضيه زادت اسعاره بشكل كبير وبدون اي اسباب.
على سبيل المثال الهامور كان سعره 28 للكيلو بدون تنظيف او قلي وبعدين بدا في الزياده ووصل للثلاثينات اما الحين 46 واذكر في فتره وخصوصا مع موسم الاجازه وصل لل56 هذا غير التنظيف والقلي او الشوي يعني 8 ريال زياده للكيلو!!!!

يعني بحسبه بسيطه تاخذ لك سمكه حق شخص ب 52 ريال تقريبا!!!

سجل عندك مؤيد لكلامك

بارك الله فيك

بس يا خوي لا تنسى أن السمك له مواسم والأسعار يتحكم فيها سوق السمك ماهي راجعة للمطعم بس.
لا زم نتأكد من سعر السوق أول
بارك الله فيك

صح عليك 100%
انا مقاطعهم اصلا من قبل ما تبدا المقاطعه

وبالنسبه لكلامك اخي مزدحم على العين والراس بس والله انا مره في نفس اليوم مشيك على سعر الهامور في الكبره وهو طازج كان ب 18 ريال وعندهم وهو رجيع لك عليه كان ب 36 من غير طبخ يعني الدبل وعينك ما تشوف الا النور

السلام عليكم
اخي مزدحم حاول على الاقل تشوف اسعارهم وسط الاسبوع ونهايه الاسبوع وشف الفرق كم بيطلع بينها

نعم للمقاطعة
لا للغلاء الاسعار

للمعلوميه صاحبه شامي يعني اخر شي يفكر فيه الحس الوطني...
وبالمثل فان اسعار الشركه السعوديه للاسماك في ارتفاع ولا تخضع لمواسم الاسماك فاسعارهم طول السنه موافقه لاسعار المواسم السمكيه. ويضحكون علينا بالعرض الاسبوعي مره هامور ومره شعري ومره كنعد وغيره وحتى مع العرض فان السعر مبالغ فيه.