غلاء اللحوم واستغلال حاجة المواطن
 

السلام عليكم ورحمة الله وبركاته

أسعار اللحم كل يوم في زيادة وكأنهم يأكلون الغنم كيت كات وسنكرس وما يسقونها إلا باور هورس .

الأسبوع اللي فات أسأل الجزار عن سعر الكيلو يقول أربعين ( الحري ) ريال قلت انت مجنون قال فيه رخيص قلت بكم قال ثلاثين استرالي الحمدلله على النعمة .

قلت أنا باسوي فتك وباروح لسوق الغنم ضربنا المشوار اللي يقطع القلب ونلاقي الخرفان متوفرة ولكن الأسعار خيالية تصدقون الخروف مايكفي أربعة رجال بسبعمائة ريال .

تصدقون أغلى من الجزار !!

قفلت معاي قلت والله مايستغلوني ورجعت بظلفي خروف قصدي بخفي حنين .


وكلمت واحد من الشباب وسألته إذا يعرف أحد يبيع غنم نظيفة ، قال قابلني قرب المغرب ويسير خير .
رحت صلينا سوا المغرب إلا وهو يدخلني ثلاجة قلت له تراك جبت العيد ماعاد إلا ثلاجة قال ذوق وادعيلي .
قلت من الحين بادعي عليك .
وش اللحم اللي بتوهقنا فيه قال باكستاني قلت ماني ماخذ قال لو طلع شين أنا باتحمل القيمة وأنا مسئول قلت خلينا ناخذ كيلو نجرب قال والله إلا ذبيحة .

أخذتها وأنا أقول ياساتر ياساتر



المهم أكلنا وحمدنا الله وعرفنا قيمة تجارنا المستغلين

صدقوني إنه أفضل بمائة مرة من الموجود بسوق الغنم .


ونقول لتجار الغنم

خلوها تخيس في زرايبكم

صدقت باللحم وسعره الحاشي 45 ريال ...وقبل 30 ريال ....إستغلال للمواطنين
المستورد سمعت من البعض إن فيه نكهة يمكن شركة وشركة
حط إسم الشركة المستوردة وبكم سعره

السلام عليكم ورحمة الله

المستورد محل في جدة في شارع الستين وانت طالع جهة المطار بعد التقاطع مع شارع الأمير سلطان بن سلمان في الخدمة على اليمين وأظن اسمه ثلاجة اللحوم التركية .

بس اللحم اللي أخذناه باكستاني وسعر الكيلو إذا أخذت خروف كامل 28 ريال .

لكن والله لحم من سنين ماذقت في جدة مثله .

أما النكهة فلا مافيه أي نكهة أبداً وأنا أقول الكلام هذا عن تجربة .