هل هذا حلال
 

فرحت اول مره افوز قاللولى انك فزت بعضويه المرسى وشرفنا انت والاهل عشان تستلم المهم رحت وليتنى مارحت سحبونى بكلام لك خصم على المطعم والشاليه وصاله الاحتفالات مقابل اشتراك سنوى ثمان الاف وينتهى العرض مجرد خروجك مافيه مجال للتفكير او المشاوره المهم المبلغ مره كبير على لكن قلت حنا لانسافر ولاشى خلنا نرفه عن انفسنا خليت العيال ورحت ادبر المبلغ عشان مايضيع العرض-بعدين عرفت انه تسمى عضويه مفتوحه لاي شخص يبي بلمبلغ نفسه-وسلمتهم وليتنى ماسلمتهم وبعدين تعال شف الذل اذا جيت تحجز تمرالايام والاشهر ماتلقى حجزمره لازم حجز بتلفون ومره لازم رساله جوال وان جيت اطلب من المطعم قالو ما نقدر خارجى عندنا ضغط وبعدين قللولى خلاص باى انتهت عضويتك خلصت السنه لازم تجدد او انت لست بعضو طيب والالاف الى باقيه قال هذا النضام حسبي الله ونعم الوكيل وش الحل

كله نصب في نصب ، لكن يا ليت نرفع عليهم شكوى وما نسكت ، المشكلة فينا يا ناس ، حنا الي عطينهم فرصة يستغلونا .. يجب ان نطالب بحقوقنا ، كما انبه اننا لا نقرأ الشروط ، وقع وعلى الله وبالله .

اما عن الحلال فالحلال عندهم ما حل في الجيب ، وغيره حرام
وبالله التوفيق .

أخوي ذكرتني بالمصاريا يشتغلون في مكتب سفر وسياحة اللي يجلسون عند الدرج في هايبر جيان
يقولون انك فزت معنا وتعال الى مكتبنا واذا رحت .... خذ اسئلة عن راتبك وكم مرة سافرت والى وين.. مرة ثانية لانهم يسالونك في جيان قبل
ويقولون ان العرض ينتهي بمجرد خروجك!!!!
الخدع والسرقات في بلدي متطورة .. لكن استغرب إن لهم مكتب ولهم مقر وين الغرفة التجارية عنهم
أي مسابقة أو جوائز أو عروض لابد أن تكون مصرحة من قبل الغرفة التجارية وعليها شروط
إن أمكنك اشكيهم ولا تترك حقك

اي تجارة واي خرابيط ، اين الجهات الأمنية عنهم ، هذولا عصابات نصب وسرقة للمواطن

قرينا شروطهم لكن وعدنا شفويا انه غيرملزم العقدالسنوى وبالامكان تمديد العضويه من قبل الاداره بيسر وسهوله والله النفسيه تعبانه جدا من هالموضوع

وشش السوات ....؟؟؟الله العالم كيف دبر المبلغ حسبي الله عليهم

اطلب من الاشراف نقل موضوعك الى هذا القسم ( الاستشارات القانونية )
https://www.mqataa.co/vb/forumdisplay.php?f=37

في المدينة المنورة عندنا مكتب سفريات نصاب نفس حكاية المصاريا اللي قالت عنهم جمرة غضا،واحد من الجيران دقوا عليه ونصبوا عليه والضعيف صدق دفعلهم الفلوس بعدها باإسبوعين رجعلهم (حس أنهم نصبوا عليه)وقالهم عطوني فلوسي قالوا له في أحلامك،المهم بعد محاولات رجعوله فلوسه بس خصموا منها ألفين ريال،وأنا أحذر الجميع من التعامل معهم ومكانهم في أبراج الداودية أعتقد الدور التاسع وعندهم موظف يضحك عليك زين(كلامه حلو) أسمه خالد حزام.

وأنت أخي يشر الله يعوض عليك...

ااة بس اتمنى القى جماعات المرتزقه المعفنه هذي والله لاشرشحهم مثل ماسويت وانا في شهر اول زواج بالطائف غسلت شراعهم ...يطلب من بكل وقاحه ان تجلس جلسة المتهم انت وزوجتك ويوجه عليك اسئله مدعيا انها جائزة تنتظرك والله لم ينل واحدا منهم ثانية من وقتي الثمين ناهيك عن ريالي الاثمن

هولاء موجدين الايام هذي بكثره في الاسواق بجده . وهم من الجنسيه المصريه واللبنانيه .
وقد مريت عليهم في سوق الروشان عند الكوره الارضيه... وحاول يضحك عليه ولاكن هربت وانا متردد لان كلامهم حلو وعسل .... والله عندهم اسلوب خطير جدآ في اقناع الناس.
أحذروهم