كيف تأخذ حقك من الوكيل ؟
طبعا الطريقة برقية الى الديوان الملكي
واليك التفاصيل : كيفية ارسال برقية للديوان الملكي وشكوى وزارة التجارة والوكيل الموضوع سهل جداً ومجرب ... 1- روح لوزارة التجارة واشتك عليهم وتأكد إن خطابك تم توريده برقم وتاريخ معين وخذ رقم التوريد والتاريخ ولا تضيعه ولا ترجع لهم ابد ولا تروح لهم ثانية. 2- بعد 7 أيام فقط أرسل برقية للملك عن طريق الرقم 969 ومن هاتف بيتك .. واكتب إنك اشتكيت للوزارة ولا تجاوبوا معك. 3- البرقية كل كلمة بريال يعني لا تكثر قرق .. لا أنت عندك قروش واللي يقرأ البرقيات عنده وقت... نص البرقية للملك يجب أن تكون كالتالي: "خادم الحرمين الشريفين يؤسفنا أن نرفع لمقامكم الكريم الظلم الذي وقع علينا من شركة ........... وكيل سيارات ........ حيث اشترينا منه سيارة جديدة وقد تعطلت عدة مرات حتى ولم نجد لديهم قطع الغيار اللازمة علماً بأننا رفعنا الأمر لوزارة التجارة ولم نجد منهم أي تجاوب .. خادم الحرمين ليس لنا بعد الله إلا أنتم في أخذ حقنا كاملاً من هذه الشركة وأمثالها " ولعلمك ترى ما تحتاج تمدح ولا تردح بالبرقية أصلا الملك ما يشوفها ولا يقراها إلا إذا تكررت أكثر من مرة لنفس المشكلة... وعموماً شنبي مهب على رجال إذا ما حلوا مشكلتك بس عشان يفتكون من برقياتك... سألني واحد جربتها ؟ 1- مع الغرفة التجارية وخفضوا رسم تجديد السجل من 900 إلى 300 ريال 2- مع البنك الأهلي استرديت مبلغي بسرعة البرق بعد ما اشتكيتهم مع مؤسسة النقد ملاحظة: لا يمكن تسجن عشان برقية إلا اذا قليت أدبك مع الملك أو ارسلت في أمور ما لك علاقة فيها - مثل ليش ما تفكون الربط بين الريال والدولار - أما مطالباتك بحقوقك بتسكتون على حقكم اسكتوا وخلوا الذيابه تاكلكم:eek: تبون حقوقكم سووا مثل ما يسوي الرجاجيل .:cool: منقول:D |
لله درك على التوجيه السليم
|
وليه نشتكي ؟ وليه لازم نشتكي ؟
اذا المواطن يطالب بحق من حقوقه لازم يطالب ؟؟؟؟ يعني 16 مليون مواطن راح يرسلون 16 مليون برقيه من اجل حقوقهم ؟؟؟ بلد عجيب ... بلد ماتاخذ حقك الا بالشكاوي والطلايب ... |
اقتباس:
في البدايه يا بو عبدالله لازم نتعلم نشتكي حتي يعرف الحرامي أنه إذا فكر يسرق وإلا يخون الوطن والمواطن سيجد من يقف إمامه في الفترات الماضية تذكر يا ابو عبدالله كلنا أو بعضنا حتى ما نعمم في الماضي ما نفكر نشتكي حتى للمشرف على صالة الي أنت جالس فيها وحصل تقصير من موظف عندهم فيكيف بتشتكي لمدير الأدارة أو للوزارة أو للديون الملكي الأن : لازم نتعلم نشتكي من فوائد هذه الأزمات الي أنا أشوف أن فيها خير ان شاء الله حصل تثقيف للمستهلك وللمواطن وكذلك منتدنا الي قدم خير كثير للناس ومشكورر لمرورك على الموضوع |
اقتباس:
ترى يا الحبيب عدد المواطنين في السعودية ماهو 16 مليون هذا في عام 1425هـ الأن22مليون تقريبا تصحيح معلومة فقط |
هذا هو المطلوب اصلا
من لديه شكوى فلا يكتب ويفضفض بالمنتديات وانما ليتحرك ويمسك زمام الامور الف شششششششششششششكر لك اخي العزيز |
ما تتوقعون أن الأوضاع تتغير مع وجود بعبع التجار جمعية حماية المستهلك http://www.dohaup.com/thumbnails/613_100x100.jpg
يعطيك العافية فخري .. واللي له حق لا يتركه سواء برقية للملك أو يداوم عند الوكيل ولا يقصر كل ما دخل عميل جديد يخبره بمشكلته |
مشكووووووووووووووووووور اخي
|
مشكوررررررررررر لمروركم يا أحباب
|
جزاك الله ألــف خيــر
طيــب لــو أبغــا أرسـل رســالة فيهــا شويــة سياســة ممكن ؟؟؟ ولا أحسن لي أقعــد في البيــت أحسن من أروح ورى الشمـــس |
| الساعة الآن 12:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by