شركه بالصين اطلب اثاثك و وفر 50% و شغل عدل
 

السلام عليكم و رحمة الله و بركاته

اخواني

قبل اسبوع جاي خويي من الصين و هو رايح يجيب بضاعه لمحله

عموما يقول لي .......

ان فيه تاجر هنا يجيب بضاعه ملابس من الصين و انا اشتري منه جمله و ابيعها بمحلي

عاد انه على اساس انه يعتبر صديقي ها التاجر فانه احيانا يقول لي عطني فلوس اروح اجيب بضاعه و الا جيت رجعتهن لك

و خويي يوافق لان ها التاجر يبيع له القطعه براس مالها و ما ياخذ منه فايده غير حق النقل و الجمارك

عاد يقول لي خويي انه يشري منه قطع ملابس ( لانجري ) على ستين و بزيادة خمسه ريال للقطعه حق النقل و الجمارك

يقول خويي يوم رحت للصين و القا القطعه اللي كنت اشريها من خويي بــ 65 ريال سعرها هناك 6 ريال فقط لا غير !!!!!!!!؟؟؟؟؟؟؟؟؟

هذي وحده

و الثانيه يقول رحت اتمشى بمحلات الاثاث يوم لميت راسي من اللي شفته !!!

يقول اثثت بيتي من جديد من الاسعار الخياليه اللي شفتها بالكنب و الاجهزه الكهربائيه و التحف و غيرها

طقم جلد طبيعي يقول و انا زايد عليه قطعتين لانه المفروض ثلاث خليته خمس للمجلس

يقول عقب زيادة القطعتين طلع علي بــ 1200 ريال سعودي مع النقل الى السعوديه و الجمارك

لانه يقول كل شي اشريه احسب كم بيكلف واصل الرياض

عموما هو اخذ له كونتينر كامل 20 × 20 طلع عليه تقريبا 4000 الاف ريال و حط كل عفشه و بضاعته بها الكونتينر و يقول باقي بعد لو بزيد باقي حول الربع على الرغم من انه حط بضاعته و اثاثه و التلفزيون lcd سامسونق اصلي لانها عندهم 3 انواع شرى الـ 52 بوصه بـ 2200 ريال و هنا عندنا في اكسترا 10000 ريال تخيلوا ؟؟؟

عموما


جبت لكم موقع شركه بالصين ممكن انكم تطلبون اللي تبونه و شوفو الفرق بيننا و بينهم بكل شي

لا بالاسعار ولا بالجوده ولاا بالفن و الاشكال الحلوه ولاا ولا ولا ولا ولا الا مالانهايه

الله لا يجزاهم خير ها اللي عندنا و بس


http://www.roland88.com/

و اذا عجبتك قطعه ادخل على اليمين مكتوب detels يعني مواصفات و فيه رقم واحد يقال له ابوناصر و ايميله و رقم الفاكس و عنوان الشركه


ادخلوا الرابط و احكموا

تجارنا يجبون السلع ذات الجوده أقل من متوسط هذا إذا تكرموا علينا وبعد رافعين سعرها :mad:
جاري الإطلاع عليه

مافي بالعربي

يسلموووووووووووووو

معروف شغل الحرامية
وش نقول بس

نوريت اروح الصين بهالصيفيه
تجارة وتمشيه :)

وعساه خير

هلا يا حربي

جرب هالرابط لنفس الموقع مترجم عن طريق قوقل

ادعيلي :D

http://translate.google.com.sa/trans...istory_state0=


دم بخير

عندي ملاحظات

اول شي تقول انك اخذت طقم كنب جلد ولا بعد زايد عليه قطعتين بمبلغ 1200 ريال

لكن حسب الموقع

هالأريكه بالف وخمس مائه ريال 1500 ريال




http://www.roland88.com/images/lss/lss1.jpg

بصراحه شي مبالغ فيه:lol:


واثاث الحدائق شي فوق الخيال اقصد السعر

سعر هالجلسة 2500 ريال الظاهر ابو نصار لاعبها صح :thumbsup:



على فكره ابو نصار وطقته من الاردنيين والسوريين والفلسطنيين الي بالصين نصهم
نصابين وسلنتح يشتغلون على ظهور العرب والخليجيين الي مايعرفون اللغه البصينيه
يعني شغل سمسره وانت ماشي
:mad:

اخوي كيف اقدر اشتري تلفزيون ال سي دي من سامسونج لان السعر مرررررررررررررررررة رائع؟؟

بعد كم يوم تلقا الموقع محضور
تدري ليش؟؟
لانه بيخسر ربعنا!!!!!