زياره لوكالة الجزيرة ( فورد ) << قريبآ تخفيض الأسعار
 

السلام عليكم ,,,

قبل يومين تقريبآ قمت بزيارة لوكالة الجزيره ( فورد ) والتي تقع على شارع حيوي جدآ بالرياض ,

والمعرض عبارة عن صاله كبيره ومن كبرها عارضين من كل سياره لونين ثلاثه ,,

واحد الزملاء له علاقه قويه بأحد مستشاري المبيعات ,

وعند دخولي سألت عن الشخص وتوجهت اليه ,

طبعآ صالة العرض لايوجد فيها ولا زائر غيري

وقابلت الشخص وهو موظف مستشار المبيعات في الفرع

المضحك في الموضوع , بعد ماجلست معاه ,,

قال هذي تراها فرصه الان للشراء موديل 2009 وكلها شهر وراح تنزل 2010 وترتفع الاسعار

ولايهمك كلام الناس ان الاسعار بتنزل هذي شركه كبيره !!

طبعآ خليته يتكلم الين خلص كلامه

قلتله طيب والمعلومات اللي نسمعها من الشركه الام وأخبار الصحف الاجنبيه اللي تتكلم عن الافلاس وعن التخفيضات ..... الظاهر انهم يلعبون عليكم ولا يلعبون علينا ... صح

والتخفيضات الموجوده الان في دول المنشأ ليش مايطبقها الوكيل هنا ؟

هل في نضرك عروض التأجير بدون دفعه وبدون مصاريف اداريه وعروض التأجير بأنواعها كافيه للتخفيض ؟

طبعآ حاول يكابر في اجوبته ويبتعد عن صلب الموضوع ,,

قلت له انت مستشار مبيعات وانا مجرد زبون راغب في الشراء ( هل سيتم تخفيض الاسعار ؟؟؟ )

قالي وهو يضحك ( والله شوف يابن الحلال نقول ان شاء الله فيه تخفيض لكن لااعلم متى وتبغى نصيحتي اصبر شوي وراح تبان امور كثيره )

قلت له اذا تخفيض 5000 او 10000 هذا انا اعتبرها ضحك على الناس لان تخفيض الشركة الام اكبر من الرقم هذا ,, وليش الوكيل متمسك ويكابر بأسعار وهو يعلم ان مبيعاته في نزول ,,

والامر الاخر ابشرك ان المستهلك الان صار يعي مايدور حوله واصبح واعي لكل مايدور خلف كواليس الشركات

ومن المستحيل ان تقنعه بالشراء مادام هو يعلم ان هناك غش وخداع في الاسعار ,,

وفي نهاية لقائي معه قال : نحن هنا مأمورين وننفذ مايطلب منا وليس لنا علاقه بوضع الشركه , ,

وماأستخلصه من هذه المقابله ان هناك تخفيض في الاسعار وقريب جدآ بأذن الله

لكن كم سيكون التخفيض , الله اعلم

لكن بناء على مشاهداتي لوضع السوق لديهم جدآ سيء , وخلال ساعه وربع لم يدخل زائر واحد للصالة

والمقاطعه مستمره حتى نزول الاسعار للرقم المنطقي ,

والله يحفظكم .

لو عندي وسام الموضوع المميز لاطخه هنا :clap_1:
كثروا من الذهاب لهم
ليس لشيء ..
فقط توسعون صدروهم "الفضاوة تجب الغلقة " :lol:
وتسمعون أكاذيبهم :blink:
وتصححون معلوماتهم :thumbsup:

مشكور ياخوي قوانين واصلن فيه تلاعب بالأسعار
وكلها اسبوع وبتوصل موديلات 2010 في المعارض

شكرآ لك اخوي صيت ,,

بصراحه تحليل فني للموضوع بطرقه رائعه ,,

شرفني مرورك وردك ,, والله يحفظك

- - - - - -

شكرآ لك عميدتنا جمرة غضى

ردك هذا هو وسام شرف لي ,,

والله يحفظك .

- - - - - -

شكرآ لك اخوي بدون اسم

وكلامك في محله ,

والله يحفظك .

- - - - - -

شكرآ لك doom4444

ولك مني كل تحية وتقدير

والله يحفظك .

انا زرتهم قبل اسبوع تقريباً
ما غير متبطحين بالمعرض
ولا حولهم أحد
حسيت كل اللي يدخلون اعضاء مقاطعة
المشكلة عارضين فكتوريا والله اني شكيت انها موديل 2008
وقايلين انها 09
والله ان الصدأ في الهوب يوم مسحت اصبعي عليه

بصراحة مساكين
اسعارهم غالية
ويبون الناس تشتري
في المشمش ان شاء الله
الين تنخفض الأسعار بقوة ونفكر ان شاء الله

الله يبشرك بالخير يالغالي
ونحن صامدون بانتظار التخفيضات