معاناة الطلاب والطالبات في مدارسنا ..........................................!!!!!
للأسف .. معاناة الطلاب والطالبات في مدارسنا . ------------------------------ الطفله: بابا المعلمه تقول كل وحده تدفع 20 ريال . الاب:ليه يابنتي ؟؟ الطفله:علشان الفصل عندنا حر والمكيف له اسبوع خربان !!! الاب:ابشري يابنتي وهذا 20 ريال في سبيل راحتكم وتعليمكم والتعاون ممتاز في الفصل . بعد اسبوع ................................ الطفله:بابا الفلوس ماتكفي لاصلاح المكيف لان في بنات لم يدفعوا المبلغ المطلوب بسبب ظروفهم. وصراحه الجو حر وموت في الفصل . الاب:طيب ايش المطلوب ??. الطفلة:الله يخليك صلح المكيف في الفصل يا بابا علشاني .وكمان المعلمة تزودني في الدرجات وتهتم فيه . الاب : انتي تامرين امر . وتم اصلاح المكيف والحمد لله . بعد اسبوع ...................... الطفله:تصدق يابابا الكهرباء طول اليوم مقطوعة في المدرسة والحر شديد وطلعونا في حوش المدرسة طول اليوم . الاب:يعني اليوم كله لم تستفيدي شي من المدرسة بسبب الكهرباء . بعد اسبوع ............................ الطفله:المعلمة تقول كل وحده تدفع 50 ريال علشان يعملون مظلات في حوش المدرسة وتحمينا من الشمس . الاب:التعاون ممتاز وهذا 50 ريال . بعد شهر ............................. الاب:هااااا يابنتي كيف المظلات انشاءالله كويسه . الطفله:لا يابابا مافي مظلات ولاشي . الاب : ليه الطفله:لان يقولون المبلغ الموجود حاليآ لايكفي لعمل المظلات ويمكن يعملوها السنه الجايه .. حسب كلام المعلمة . بعد سنه ...................................... الطفله:المعلمة تقول كل وحده تدفع 50 ريال . الاب : ليه ؟؟؟ الطفله : علشان يعملون مظلات في حوش المدرسة . الاب : انا دافع العام الماضي 50 ريال علشان المظلات ولم تركب ليه يطلبون مره ثانيه نفس المبلغ . الطفله : لا يابابا ... تقول المعلمة ان فلوس العام تم اصلاح بعض دورات المياة وضرب بويه في المدرسه من الداخل في وقت الاجازة . الاب : امرنا لله وهذا 50 ريال في سبيل طلب العلم . بعد شهر ..................... الاب : هااااااا يا بنتي كيف المظلات كويسه ؟؟؟ الطفله: لا يابابا مساحتها صغيره مــره والبنات يتزاحمون تحتها ويعملون ازعاج ... والمديرة زعلت علينا ومنعت اي وحده توقف تحتها . وانا ليه اكثر من ساعة انتظرك تحت الشمس حتى تشرف حضرتك وتاخذني . الاب :المظلات على حساب الطالبات باي حق تمنعهم المديرة كيف لو كان على حسابهم الخاص او من اموال الدولة . أكيد يحطون حولها سلاسل لمنع الدخول !!! الطفله : بابا انا عطشانه مره من الحر وابغى مويه. الاب : ليه ماشربتي في المدرسه قبل ماتطلعين؟؟؟ الطفله : يابابا البراده الخاصه لمياة الشرب خربانه من زمان وقبل ماأدخل المدرسة سنه اولى وانا الان في ثالث . الاب:طيب ليه مايصلحونها يابنتي او يشترون وحده جديده وندفع لهم .... سعرها رخيص الطفله : في بنات يقولون البراده مافيها شي ولكن فاصلين عنها الكهرباء علشان البنات مايشربون منها ويروحون يشترون من المقصف اللي في المدرسة . الاب : لاحول ولاقوةالابالله ... مومعقول هذا الكلام يابنتي . ------------------------------- وصدقوني لو نكمل الموضوع ... لاينتهي وهذا بعض المواقف في مدارسنا ... تصليح وتركيب وصيانة على حسابنا وحكاية دفع الاموال من جيوب اولياء امـــورهم . وايضآ لاننسى المعلمين والمعلمات .. يقومون بأصلاح بعض الأشياء على حسابهم الخاص. ونحن في اغنى بلد .. -- |
9مليار ريال لتطوير التعليم والبنات
يطالبون الآباء بإصلاح البنية التحتية للمدارس هل يتحمل المواطن هموم غيره , الا يكفي مانحن فيه من بؤس وغلاء فاحش |
التعليم ككل "حالته مزرية "
اقتباس:
|
سمعت حكاية (و العهدة على الراوي) عن مديرة مدرسة في جده تطلب من أولياء الأمور تجهيز المدرسة .. مكيفات و ثلاجات و خلافه .. عشان تقبل بناتهم في المدرسة عندها (خاصة إن كانت منقولة من مدرسة أخرى) و أخر السنة تجيب دينا و عمال يفككون كل المكيفات و الأجهزة التي تم تركيبها و تنزلها الحراج تبيعها .. و بداية السنة الجديدة مشوار نصب جديد.
|
أبناء المسؤلين في الدولة والتجار واصحاب المناصب يدرسون في مدارس خاصة جدآ وكل شي فيها متوفر وأبناء الشعب مدارسهم شبه مباني مهجورة والمكيفات عطلانة ولايوجد ظل في فناء المدرسة وحماية الطلبة من الشمس . ------------------------------- ومع ذلك أرباح المقصف داخل كل المدرسة تعتبر بالألاف يوميآ لكن أين تذهب ؟؟؟ |
ما شاء الله .. أطفالنا و ابنائنا ما يحتاجون مدارس نموذجيه .. متعودين على الجو و العطش و الحراره الزائده لأنهم ظبان ماهم أطفال
حرااام لازم الفلوس تستثمر في بناء مدارس في الأردن لأنهم نعومين و مو متعودين على الحراره حرااااااام الشمس تخليهم سمر بعدين و كذلك بناء مدارس و ووحدات سكنيه في باكستان يمكن يفكنا الله منهم كثروا عندنا في البلد و ........................... ؟؟؟؟ لا حول ولا قوة الا بالله ... |
اذا شفتها مصخت السالفه ما الله حادك ترى قل لبنتك زي ما قلت لبنتي الراتب ما يكفي اصرف عليكم على اساس اصرف عالمدرسه بعد وعلى طاري البراده والمقصف تراها تتكرر السالفه خل امها تعبي لها غرشه مويه من البيت وريح بالك من مشى وراهم ترى صفى نهايه الشهر وهو متدين ما صارت ؟؟؟
|
اين ذهبت ميزانية التعليم 00000 المفروض يفتح قسم خاص بالصيانه للبرادات والمكيفات بالمعنى الاصح ورشه خاصه بالتعليم لكل منطقه تعليميه واي جهاز عطلان
يبعث لاصلاحه اعتقد الورشه ماراح تفضى من كثر الاجهزه العطلانه في المدارس0 ويضعون فيها مهندسين متخصصين وليس عمال الله بالخير مايفهمون شي مايمدي الجهاز يوصل المدرسه الا ويخرب مره ثانيه غير كذا الجهاز العطلان ولايمكن اصلاحه يتم استبداله من قبل الوزاره 0 |
اين ذهبت الفلوس والمليارات ؟؟؟
سؤال المليون هذي دوروها في جيوب المستحين الطيبين اللي قلوبهم على البلد اللي ما ينامون الليل مساكين يفكرون في الوطن والمواطن والله حالنا من ردي الى أردى الله يرحم حالنا وضعفنا وحسبنا الله على كل من توكل بامانة وما اداها على الوجه الأكمل |
و الوزارة ترصد 100 مليون لشراء المعقمات والكمامات !!!
عمركم سمعتوا بحاجة تستحق هذا المبلغ؟؟ |
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by