خلوها تصدي - منع اقل من خمس موديلات - طيب كيف نشتري
 

السلام عليكم

كلنا مع حملة خلوها تصدي
ولكن اشيروا علي وعلى الي مثلي

كيف نشتري

اذا منعوا الاستيراد اقل من خمس موديلات
والاسعار عندنا نار

والقروض فوائدها تقص الظهر
وشركات التأمين منتهي بالتمليك حرام


كيف نشتري


اشيروا علينا

شف يالغالي انا مثلك باشتري سياره وفكرت زين وحطيت لي اولوليات

وخطوات اقوم بها قبل كل شئ

1_ احتياجاتي وش هي بالظبط سياره عائليه سياره رياضيه سياره عاديه
والمواصفات الي ترغبها في السياره

2_ نوع الشركه اللي بتاخذ منها السياره يابانيه امريكيه كوريه و خدمات الوكيل مابعد البيع ممتازه او جيده او سيئه وقطع الغيار وتوفرها واسعارها

3- المبلغ المالي اللي انت تقدر تدفعه

وهو يشمل اما مبلغ متوفر معك او قرض من البنك او تقسيط او تأجير منتهي بالتمليك
طبعا ابتعد عن التأجير مليون سنه ضوئيه لمساوئه ومشاكله
وخلك في التقسيط وقروض البنك اذا ماكان عليك قروض
قرض البنك افضل من التقسيط لانك بتشتري السياره كاش
وفائده البنك اقل من شركات التقسيط

ولكن نصيحتي الشخصيه لك ابعد عن القروض
طبعا بتسمع كثير بيقولك ابعد عن القروض لكن ماراح تحس بقيمة هالنصيحه لين
تطيح بالقرض لخمس سنوات تسدد سياره كان بامكانك توفيرها
وحاول اذا تقدر توفر مبلغ من 30 الى 45 الف

بتشتري فيها سياره موديلها حديث وتخدم معك وممتازه

يعني موديل 2004 او 2005 وتلقى كثير نظيف بالمعارض

بمعارض المستعمل تجد غايتك بإذن الله ..
وحسبي الله على من احتكارنا وضيق علينا

اقول يا غالي شف لك احد المعرف في امريكا يرسل لك سيارة استخدام شخصي ولا عليك منهم