ابي الحل
السلام عليكم هذا اول موضوع اكتبه في هذا الموقع وصراحة انا ماكتبت الموضوع الا بعد ان قريت اغلب المواضيع السابقة وبصراحة انا انفجر راسي من اللي قريته يعني مافيه احد من التجار الا وماخذ حقه دبل الدبل وانتم والله ماقصرتوا في فضحهم ولا وبالصور بعد يعني بالدليل القاطع بس انا الحين في مشكلة وابغى الحل اذا كارفور ---- العثيم ----- جيان------ المخازن الكبرى ------ بنده ------ بلشرف ----- السدحان ----- الهايبرات بأنواعها كلهم نصب في نصب وين اجيب مقاضي رمضان منه من البقالة البقالة يالله يالله قشطة وانت ماشي وعساك تحصلها قبل ماتخلصِ |
والله ابوي هالمره اشتراها من المستودعات اللي تبيع بالجمله
وربي توفير على كيف كيفك وبأسعار ماحصلتش وتكفيك سنه كامله بعد |
شف العروض في كل متجر وخذ منه لكن انتبه بعضهم يخادعون حتى في العروض خلك مفتح عيونك وعقلك وصكر جيبك
|
خذ العروض، كارفور بعدين روح، لمتاجر وطني، بعدين روح للدانوب، بعدين جيان، والرز من بنده
|
ايه عندك يابو الشباب الثلاجات والمستودعات الكبيرة حلوووة يعني اقل من غيرهم وعندك
النصابين العثيم وطقته فيها بعض العرووض على سلع محددة والباقي دبل تحياتي لك |
مثل ما قالوا الأخوان خصص يوم بعينه وخشمه:p وقبل لا تخرج من البيت خذ معك جميع العروض اللي تلقاها مسدحه قدام البيوت وعلى السيارات وسوي لك قائمة بأرخص المنتجات التي تحتاجها من كل هايبر وخليها نزله واحده |
الله يسلمكم على المرور وعلى التفاعل والنصائح
|
| الساعة الآن 08:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by