وسعوا صدوركم بقصيده-- مسمار مسمار
الراس صاير فيـه ورشـة حـداده * قام يتحلل فيـه مسمـار ...مسمـار
قلت الركـاده ميـر ويـن الركـاده * كنّي مع الحجاج في رمـي الاجمـار من عقـب ماجانـا قـرار الزيـاده * من مجلس اهل الجود وافين الاشبار كـلٍ مـن الفرحـة بيقـدح زنـاده * جبنا القروض نضارب السوق وانهار وجينا نبي بـس الرجـا والهـواده * والله وكيلك شبّت اسعارنا .. نـاااار والراتـب الماخـوذ جتـه القـراده * ماينزل الا..صافقه مثـل الاعصـار فاتـورة الهاتـف وعاجـل سـداده * والقرض والكهرب وتسديد الايجـار والتاجـر المليـان جـاب الوسـاده * يبـي يوصّـل راس مالـه لمليـار والا المواطن صار..سهل اصطيـاده * جته الهوامير بوسَط غـب الابحـار واصبح نهار وليـل وسـط العيـاده * مابين طب الراس والقلـب وشهـار يامـن يوصّـل كلمتـي للقـيـاده * للحاكـم المحبـوب والوالـد البـار ماعاد نبغـى فـي الرواتـب زيـاده * اللي نبيه اليوم تخفيـض الاسعـار الله يذكره بخير الي قالها مااعرفه |
صح لسانه ع توصيف وضع المواطن المسكين
وشكرا لكي ع النقل |
شكراً على القصيدة الجميلة التي تحكي واقعنا وحالنا ..
ونقول للشاعر ... صح لسانك ... |
سمعي ردي يا مقاطعتهم
ندعي على اللي زايدً في عناده __ جشع وطماع لابس لبس تجار خله يتهنى اليوم بباقي رقاده __ موعده يوم الحساب عند رب جبار ومن شجرة الزقوم أكله وزاده __ يومها يقول ليتنا ماكنا تجار ناصر محمد |
يالله .. يالمعبـود .. يالنافـع .. الضـار ياللـي علـى امـرك تستخيـل المخيلـه بامرك تسوق الريـح خيـرات وامطـار تحيـي هشيـم القـاع ويسيـل سيـلـه يالله .. بوجهك عـن صودايـف الاقـدار يالواحـد اللـي كلـنـا نلتـجـي لــه يالله .. تلطف ستـر ستـرك يـا ستـار مـا عـاد باقـي فـي يدينـي وسيـلـه افكار .. تقبل بـي وتقفـي بـي افكـار ولاهـو بـغـادي فالطـريـق الدليـلـه صـدري غـدا بـه مثـل نقطـه ودوار هموم تقفي عنه .. واخـرى تجـي لـه كنـي علـى تفصـيـل الاخـبـار رادار سمعت واللي شفـت انـا اشيـا مهيلـه كلـه سبـب زود المعيـشـه يالاخـيـار والزنـد يقـدح فـوق خشـم الفتيـلـه لا والله الا ولعـت نــار فــي نــار عـزي لكـم ياهـل الفلـوس القليـلـه لعبـه محاكـه بالخـفـا بـيـن تـجّـار وعذر الموزّع .. ( زاد سعـره وكيلـه ) من عقب الاسهم .. ضاع مشروع الاعمار وقصرت يديـن اهـل اليديـن الطويلـه ضحايا الاسهم ..( نصهم ) راح للشهـار (والنص الاخر ) .. عاش عيشـه ذليلـه والشعب هـلّ الدمـع مـدرار .. مـدرار كنّـه علـى وهّــاج حــام المليـلـه مـا عـاد يقـدر يدفـع قسـوط واجـار والهمّ .. ياكـل مـا بقـى مـن حصيلـه ماهيـب ملّـي صـارت القصـه امتـار وكبـد المعنّـى مـن غثـاهـا عليـلـه حتـى البهايـم تشتكـي رفـع الاسعـار زاد ( الشعيـر ) ويـن تلقـى مثيـلـه تكفى يا ابو متعـب تـرا شعبـك انّهـار وضعـه تـردّا والـغـلا شــد حيـلـه قايـد مفـدّى عنـد شعـبـك وبيـطـار يالقايـد اللـي مــا رضيـنـا بديـلـه يـا حـر ياللـي جاذبـك ماكـر احـرار مالـك مـكـان إلا بــراس الطويـلـه لا جـات عنـدك تنتهـي كـل الاشـوار يصنـع لـك الممكـن مـن المستحيلـه عاين بعين العطـف وتشـوف الاضـرار شـوف الغـلا اللـي مبتليـنـا بميـلـه يـا سيـدي حنـا لكـم وقـت الاخطـار عون ٍ على الشـدّه .. سيـوف ٍ صقيلـه حنـا قبايـل .. بـس لا ثـوّر غـبـار مـن دوم عـرض الـدار نصبـح قبيلـه مـن دونكـم حنـا متاريـس وجــدار يـوم العميـل يخـون رفـقـة عميـلـه والله يديـم الامـن وطـوال الاعـمـار والله يحفـظ الـدار واهــل الفضيـلـه وسلامتكم جميعا ,, |
صح لسان الشاعر والناقل
|
اقتباس:
|
اقتباس:
مقاطعتهم هذا البيت يسمونه صبه رده خخخخخخخخخخ لا والله يازينها زيادة راتب وتخفيض اسعار |
صح لسانك . . .
ولا هنت . . . |
اقتباس:
https://www.mqataa.co/vb/uploaded/715_01189510591.jpg |
| الساعة الآن 07:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by