زيت + قشطة + جبن مثلثات = منتجات رخيصة وطعم مميز تفضل لتعرف ماهي كبديل أفضل
 

هل البنك يقرض من راتبك ,, وهل الاسهم أكلت كل أو بعض مالك

وقبل هذا هل دخلك قليل وتريد العيش بحياة كريمة ...

اخي اترك المظاهر جانبا وعليك ان تتذكر الأساسيات دائما كلما أردت أقتناء الكماليات , فأذا كانت الأساسيات متوفرة فأحمد الله واشكره ثم أقتني ماتريد ,, ولكن إذا بعض من الاساسيات ناقصة فعليك ان تبدأ بها قبل الكماليات ...

اليوم اجلب لكم بعض المواد التي انصح بها ...والله اني لم اكتبها لكم حتى قمت بتجربتها وذلك لأني احب لكم ما احبه لنفسي وأهلي ليس لأجل انها أقل ولكن أيضا من أجل ان تكون مناسبة للجميع ..

وبعد تجربتي لها انا وزوجتي الكريمة اتفقنا على انها ممتازة ... ولعل الغلا الحاصل جاء خير لنا وكشف لنا بعض المنتجات الممتازة التي لانعرفها بالسابق

وشكرا لما فعلتموه بنا ..فقد فتحتوا عيوننا على ماهو ألذ وأطعم من منتجاتكم



الزيت .. عليكم بزيت أبوزهرة 19 ريال كعرض عبوتين كبار وواحده صغيرة وهذا يعتبر عرض خيالي خصوصا بعد تجربته.. وهو مجرب مع الكبسه وبالقلي ممتاز جدا وانصح به ...


القشطة ... فشطة الطائي

جبن المثلثات ... جبنة المروج

بعض الزيوت كنها غراء . . اذا نشبت في المواعين معد تطلع . .

تبي نصيحتي . . . شوف هذا الترتيب . .وهذا الحاصل في بيتي . .

حاول تخلي راتب شهر لمقاضي البيت . . فقط ... تقلي كيف ... اقلك كيف . ..

أستلم الراتب وعليك بمحلات الجملة . .

خذ طال عمرك . .كيس رز اي نوع انت وذوقك ..تنكة زيت اي زيت أنصحك بعافيه .. كيس سكر اي سكر انصحك

بالأسرة . . على فكرة كل هاذي الأكياس كبيرة ام 45 ك , ثم ماجي 4 حبات ثم ثم التونه خذ كرتون من الحجم

الصغير وكذلك الجبن كرتون من الحجم الصغير العصاير خذ سان كويك كرتون فيه 6 حبات وكذلك التوت خذ نص كرتون , اكياس الزباله أكرمكم الله خذ كرتون بـ40 ريال يكفيك 6 أشهر خذ 4 , 5 ك بن كرتون أندومي اذا عيالك يحبونها , كرتونين سن توب صغير ابو نص ريال أعتقد الكرتون الواحد منه بـ 9 ريال كرتون صابون او كيس بونكس جالون كلوركس مثل اللي يستخدمونه حقين المغاسل كرتونين مناديل او كرتون على اقل تقدير

هذه هي الأساسيات اذا كنت انت وزوجتك وعدد2 من الأبناء تكفيكم 5 اشهر اما الرز والسكر والصابون والكلوركس فخذها مني 7 شهورررررررررررررررررررر . . .

يبقى لك كل شهر تقضي مقاضي خفيفة جداً ولا تتجاوز الـ 100 ريال او بالكثييييييييييييير 130 ريال ..

هذا ما يخص العزبة على قولة جيراننا الزهارين . .فيما يخص مقاضي المدام والورعان ومقاضيك انت

تخصص راتب شهر تستقطع منه مبلغ لإحتياجات المدام وتشتري لها كل ما تحتاجة . .تستاهل والله اكثر

يقول الرسول صلى الله عليه وسلم خيركم لأهلكم وانا خيري لأهلي او كما قال عليه السلام

الشهر اللي بعده تستقطع جزء من الراتب ولتكن 500 ريال او 700 ريال وتقضي مقاضي الورعان كلها

ولا تبخل عليهم . .

الشهر اللي بعده . .الله لا يهينك اخطف رجلك إلى الخياط وقله يخيط لك 5 ثياب وحاول تنوعها خلي شي كبك

وشي ساده وشي مخفي وشي ضاهر وقماش اصفر وقماش قطني وقماش مخلوط وعلى أولك على محل

الأشمغه وشتري لك شماغ من النوع الجيد "ديسار" وشماغ ابيض وسراويل وفنايل المهم خلي ألف ريال

لهذه المهمة . ..

وخلاص هذه الملابس تكفيك سنتين وبعدها كرر الكرة اما ام العيال يمكن تكفيها من3 إلى4 أشهر اما العيال

فتكفيهم ملابسهم ترم كامل بس لا تبخل عليهم ! يعني لا تقضي لهم بـ 100 ريال وتقول يالله هاذي مقاضي

ترم كامل لا حبيبي , ,, كذلك اذا عندك عيال في المدارس قضي لهم أحتياجات الترم كامل بكم يعني الف ريال

ولا شي ادفع الف ريال في بداية الترم ونسى الموضوع بدل مو كل أسبوع ونت تدفع وعطنا عطنا وناقصنا كذا وما أشترينا كذا . ..

المهم أنك تاخذ الأساسيات اي اساسيات بالجملة وبعد كذا تقدر تتمتع براتبك شهرين ثلاثه شبه كامل اذا ماعليك أقساط . .وحتى لو عليك أقساط تقدر توفر من اللي يتبقى لك من راتبك اكثر من النص ,,

وأعذرني على الإطاله . .

أخوكم فاضل . . .

استاذ فاضل
كلامك صحيح لاكن مشكلتنا التخزين

بالنسبة لرز والسكر شاري لهم براميل اللي تجي بأغطية أعتقد الواحد بـ 10 ريال ومخزنهم في البلكونه
مع الصابون والكلوركس

الأشياء الثانية تكفيها المطبخ . . .

جرب هالطريقة وراح ترتاح من روحة السوق كل شهر ...يمكن تنزل السوبرماركت اللي تحتكم تشتري بعض
الأشياء الخفيفة . .فقط . . .واذا تبي تتمشى روح كار فور تنزل تكلفة مقاضيك 35%

أخوي فاضل

لك كل التقدير .... بصراحة هذا مانريده ..كل شخص يضع فكرة

وأرى ان فكرتك جميلة يا فاضل

وعن الزيت فزيت أبوزهرة جميل جدا

وأرجو ان تضع هذه الفكرة في موضوع مستقل مع ترتيب باللوان ..حتى يكون مرجع للاخوة ..والله لايحرمك الاجر يا اخوي فاضل

فاضل انت استاذ

انت رااائع

ربي يهنيك ويحفظ لك غالينك

اخوي فاضل قد اتفق معك في بعض الاشياء مثل الارز و المنظفات والمواد البلاستيكيه

ولكن هناك اشياء تتجدد وتتغير وكذلك اذواق الناس تتبدل

يعني مثلا مثل الثياب ليش اخذ 5 يكفي اخذ 3 بالكثير وكل 6 شهور اجدد لبسي اخذ 2 ثانيه او مثلا اخليها مع كل عيد او كل عام دراسي

وبعدين ممكن نصيحتك تكون مناسبة في مثل هذا الشهر عشان العروض
لانك تقدر تاخذ اشياء مثل الزيت والصابون وبعض المواد باسعار ارخص بكثير من الايام الثاني بس اهم شيء حرص انك ما تقع في مصيدة الاسعار يعني تلقى العروض على عبوة معينه (500 جرام مثلا) او كان عليها عرض وخلص او تشدك اشياء ثانيه اسعارها عاديه.... احسن شيء انك تحدد احتياجاتك قبل لا تروح للسوق

ولا تنسى بالنسبة للعيال وام العيال فاكيد راح يحتاجون اشياء ونواقص فانا دائم اخذ قد حاجتي وبس ولا احاول ان اخذ ملابس واشياء من هالقبيل حق مدة طويلة الا في الاشياء الثابته مثل ملابس المدارس من مراييل وبدل وجزم (وانتم بكرامه)
اما الاشياء الاخرى فاخليها لوقتها بدون ما ازنق نفسي لان في بعض الاشياء نشتريها وتتخزن عندنا ويمكن ما نستخدمها ووتتلف لاي سبب ... او ممكن انها تزحم البيت وتضيق علي وفترة استهلاكهاراح يطول والفرق ما يكون كبير يعني 200- 300 ريال طوال 6 -7 اشهر ( وهذا شيء مجرب) يعني انا اشتري راحتي بهالمبلغ
وبعدين كثر الاشياء وتوفرها عندك بشكل مستمر وهي ماهي ضرورية جدا يخليك ما تقتصد بالعكس تدلع نفسك بزيادة وحتى اهل بيتك يتعودون على هالشيء (طبعا ما اقول انك تصير بخيل او ما تكرمهم ابد) يعني مثال:
بعض المواد البلاستيكيه كثرتها عندك يخلي استهلاكها يزيد ....لكن لو كانت بشكل معقول راح تستخدم في وقت حاجتها....

وعلى العموم المقاضي تختلف من شخص لشخص ومن بيت الى بيت وحسب الاستهلاك

فلكل واحد جهة نظر

انا وجهة نظري باختصار لا تشتري دائما كميات بالجملة الا في حالة الاستهلاك لها او في وجود عرض مغر مع امكانية استهلاكها قبل ان تنتهي صلاحيتها او تتلف لاي سبب (بسبب التخزين مثلا)

وحاول ان تشتري قدر حاجتك فقط وابتعد عن الاسراف وحب التخزين

وشاكر لكم جهوكم في هذا الموقع

صدقت أخوي فعلا فيه منتجات كنا غافلين عنها

أنا جربت زيت زاكي سعة لترين 7 ريال طيب وممتاز
ويليت كل من جرب منتج وشاف إنه جيد يكتب عنه لجل الأخوان

صدقت أخوي فيه منتجات حنا كنا غافلين عنها


أنا جربت زيت زاكي سعة لترين بـ 7ريال الزيت طيب وممتاز


وياليت أي عضو يجرب منتج وشاف إنه طيب يكتب عنه لجل الأخوان

بارك الله فيك