برنامج المستهلك - على التلفزيون السعودي
 

السلام عليكم ورحمة الله وبركاته


من فكرة وإشراف الإستاذ/ عبدالعزيز الخضيري , يبدأ التلفزيون السعودي (قناة الإقتصادية) ببث برنامج (المستهلك) يومياً ابتداء من يوم غد وذلك في تمام الساعة 05:45 عصراً.

البرنامج مكون من 24 حلقة (مسجلة مسبقاً) ويناول في نصف ساعة قضية من قضايا المستهلك في جولات ميدانية ,, مع القاء الضوء على رأي خبراء المستهلك في هذه القضايا.

لو الله يفكنا من خبراء المستهلك فحنا بخير لان مصيبتنا من هالخبراء اللي كل واحد له مصلحته مع شركه معينه وتلاقيه يبرر لها رفع الاسعار ...اذا البرنامج صادق يسوي مقابلات مع الناس في الشارع ويناقشهم وجه لوجه ويشوف مشاكلهم مع التجار ويستضيف التجار عشان الناس تتكلم معهم مو يجيب لي كم واحد ويرزهم قدام الشاشه وهات من الحكي اللي لايغني ولا يسمن ...المستهلك العادي هو المتضرر الرئيسي من الغلاء مو هالخبراء اللي تلاقيه شغال بشركه ولا مستشار فيها وله راتب وقدره ولا يدري عن الغلا اصلا زي الوزير اللي يقيس دخل المواطن على دخله ويقول المواطن بخير ....ياعمي طير اي خير والناس رايحه فيها غلا وقل رواتب وبيوت ايجار ...الله يعين بس .

له برنامج في قناة الاقتصادية
الشخص مهتم بالمستهلك و لكن يحتاج الى دعم معنوي ( أن يتكلم بصراحة دون تحفظ و لا خوف من تعارض مصالح المعلنين على التلفزيون السعودي مع مصالح التلفزيون السعودي ).
يعني ودي أنه يكون مثل داوود الشريان أو علي العلياني في طرحهم للمشاكل بكل جرأة .
و أقول وفقك الله يا عبدالعزيز الخضيري على جهودك

موفق يا ابو فيصل وكثر الله من امثالك ..
باذن الله سنحرص على متابعة البرنامج (هل فيه اعادة للبرنامج )...

انا معك يا بدر 11 في كل كلامك . عموما يعتبر خطوه جيده .لكن لوكان صادق لكان مباشر مش مسجل ولا وش رايكم ؟؟؟

كذابين هم وبرامجهم كلها تصب في مصلحة التجار 1 - التجارة الزمت التجار بالابقاء على السعر المرتفع أصلا 2 - برنامج مخصص لمتصاص غضب الزبون من التاجر ووضع اللوم على الغلاء العالمي أو على الزبون وخداع وتدليس كلها لتبرير والترقيع للتجار بالله عليك من دفع حق البرنامج أسأل نفسك

يا أخوان اللي مضايقني أنهم مازالوا يعتقدون أن الزبون لا يفهم وأنهم بأقل كذبه يمكن يلفون المواطن في عباتهم

مع احترامي لكل الخبراء الحريصين على المستهلك فقط
انا اقول خلك خبير نفسك اذا غلا الشي قاطعه لو طبق كل واحد هذه النظريه ماحتجنا لفلان وفلان
شرط تشوف التجار هم اللي يدورونك ... مشكلتنا احنا اللي نجيب الغلا لنفسنا
مثال سعد الدين للحلويات وصل الان كيلو الفطائر ب70 ريال وتلاقي الناس تشتري تقول بيموت اذا ماشرى لكن لو اتفقنا ان نتركه عنده هو اللي راح يدورك وقس على هذا ....

الأخ سلطان أبو أسيل يعطيك العافية
1 - التجارة الزمت التجار بالابقاء على السعر المرتفع.
تصويب:
التجار الزموا التجارة بالابقاء على السعر المرتفع . هذا عندنا
فقط لأن التجارة ليس لها مكان .
أولاً : من المستحيل مواطن يلزم أمير .
ثانيا : من المستحيل وزارة التجارة يتولاها أمير
حتى لا ينفذ القرارات عليهم
وحتى لا يحدث تصادم بينهم.


2 - برنامج مخصص لإمتصاص غضب الزبون من التاجر هذا صحيح .
للجميع تحياتي