الحل الجذري للرقابه على الاسعار..
 

بسم الله الرحمن الرحيم ..

اسعد الله اوقاتكم احبتي بكل خير ..لاحظت بأن الكثر من الاخوان يدورون على حل لمشكلة الرقابه على السلع والاسعار ..وجت في بالي فكره وهي :

الان يوجد في كل حي مكتب مادري وش يبي..( لاني ماشوف لها اي دور تقوم به )... اسمه اهالي الحي الفلاني ( كل حي باسمه ) او للجنة الاهالي ماني مركز في الاسم بصراحه ..

المهم رايي هو ..ليش مايتم تفعيل هاللجان في الاحياء وتكون مراقبه من جهه حكوميه كوزارة التجاره او الداخليه..

تقوم هاللجان بدور الرقيب الذاتي للحي ..يعني يتم تقسيم كل حي الى مربعات وكل مربع مسؤل عنه شخص او شخصين ..وبكذا يكون غطينا الاحياء كلها وريحنا وزارة النجاره قصدي التجاره من اعذارها اللي ملينا منها وفي ماعندها مراقبين يكفون..

وتخيلو يصير فيه سيطره على جميع المحلات هل تتوقعون فيه احد بيفكر يتلاعب بالاسعار ؟؟

مجرد فكره وحبيت اطرحها عليكم ..


.

فكرة رائعه , ولكن لا تكون وزارة التجارة هي المسؤلة عنهم , لأنه ما راح نستفيد شئ , تكون جهه مستقلة ولها صلاحيات تنفذها في من يرفع سعره حتى تكون الفائده .
ولك أجمل تحيه اخي بدر

100% فكرة رائعه

هل تقبل وزارة التجارة بالتعاون ؟

اكيد بتتعاون غصب عنها لانه خلاص مالها عذر بقلة عدد المراقبين ...بس من اللي يوصل هالحل للوزير او عضو في مجلس الشورى يقترحه كحل لمراقبة الاسعار.

بالمناسبة بكرة السبت جريدة المدينة

وصلني نسخة من طبعة السبت ومكتوب على العنوان الرئيسي

(( ماني متذكر لكن فحواه )) تشديد على كبح الأسعار والرقابة << توه جاتني ونسيته :)

المهم حبيت أذكركم ولو أني غاسل يدي من مسؤولي الحكومة بس نشوف

فكرة ممتازة وياليت النشر والتعميم لهذه الفكرة في الصحف الدورية والاليكترونية