صدمت سياره حكومية مالحل ؟
السلام عليكم ورحمة الله إخواني أريد شوركم ... :crying: اليوم صار لي حادث بسيط :D بس كان الطرف الثاني يقود سياره حكومية تبع المباحث العامه :crying: والسياره تابعه لمنطقة الرياض والحادث صار في المنطقه الجنوبية :think: المهم في السالفه:thumbsup: .. أنا المخطي صادمه من الخلف ورفض التنازل :zx: بس الي محيرني هل اصلح السياره على طول ام لا بد من مخاطبة جهة عمله وذلك لمعرفة ماإذا كانت السياره مؤمنه تامين شامل ، ولتجنب المساءلات لاحق والي أعرفه إن ما عنده تفويض بقيادتها خارج منطقة عمله ؟ أريد من لديه خبره إفادتي بأسرع وقت ممكن ؟ لأني مواعده على الساعه العاشره بعد صلاة التراويح ؟ لا أحد يبخل علينا بشوره . |
مقرود ما حصلت غير المباحث شوف اذا ما حضر المرور روح وقول لقيتها مصدومة وخلص الموضوع بدون دوشة
شوف يعني اذا كان هو يحتاج فلوس استغل الرجال دام خارج منطقة عملة قدر السيارة وعطه بيرضى اكيد بأي شي اذا ما رضى يصلح بينكم المرور ، بس لا تعطيها اكثر من حقة اذا كان المبلغ كبير اكثر من الف يجب توثيق ذلك عشان بكره لا يجي احد يطلبك او يكتب لك ورقة بخط يده انه ما يطالبك بأي شي وتاكد من بطاقة عملة فزعة اذا ما تبي له مضره حقك |
الله يعين بس والله إني طاقة بـ 2200 ريال
لأننا سوينا اوراق من ثلاث ورش وصلحنا على الألفين وميتين وقلت سو الي تبغى |
اخي الكريم بحكم خبرتي في السيارات الحكوميه
السيارت الحكوميه غير مومنه الشخص اللي صدمته غير مفوض يعني المفترض مايطلع خارج الرياض يعني هو مخطي لازم يصلح السياره هو لانه المفروض مايطلع بالسياره وانت المتسبب في الحادث تتحمل خطاك يعني 50 /50 اما مساله مخاطبه عمله مارح تخلص من المراجعات يعني اصلح مع الرجال وخله يدبر نفسه |
اخوي انت خايف من ايش ؟؟ تطمن مانت في حكومة بشار النعجه يعني الدوله كلها محكومه بعصابات امنيه ...هو الغلطان طالع بسياره رسميه خارج الحدود الاداريه للجهه اللي تتبع لها ادارة السياره.. خاطب جهة عمله ولا عليك من اكبر راس واي شي يصير لك خاطب الامير محمد بن نايف ببرقيه او دق على الآمر المناوب في المنطقه وبلغه اذا صار لك تهديد من هالشخص اللي صدمته..تطمن وانا اخوك
|
فيه جهات حكومية مؤمنه على سياراتها ...
بالرغم من تأخري في الرد .. اذا ما انتهى الموضوع احسن شىء اخلص مع الرجال عطه 2200 وخذ اثبات بذلك ولاتنسى....وخل معك اوراق التثمين من الورش وتقريرالمرور ان وجد |
| الساعة الآن 02:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by