مافي بعد هذي يا عبداللطيف جميل !!
|
قرار يطبق فورا
لا بد من إصدار قرار لمنع التصوير
:zx: و ستتم معاقبه كل مصور و سنرفع عليه قضية تشويه سمعه يعتمد و يطبق فورا ً وزارة حماية التجار من المستهلكين :D |
اخوي بنادول شفت المقطع كامل ولا اعرف هل التصوير تم داخل ورشتهم ام في ورشة اخرى في بداية المقطع توقعت انها في حوشهم جديدة وانهم قاعدين يغيرون فيها قطع وهذا اللي نسمع عنه طبعا حاول المصور انه يخلي اللقطات كلوز على السيارة فقط دون اظهار المكان المحيط بها في اخر المقطع قال احتراما لصاحب السيارة مارح اطلع اللوحه معناته السيارة مشريه منهم وانتهينا اي واحد يروح لاي ورشة ويصور سيارات 2011 مفككه للتصليح ويقول هاذي الوكالة تلعب في السيارات المقطع ناقص برأيي .................................................. عموما انا لي تجربة سيئة معهم للغاية قبل كم سنة كان معاي لكزس المهم صدمني ولد صغير معاه كراسيدا وحملوه الخطأ 100% ودفع ابوه عشرة الاف ريال لي دخلت السيارة لورشتهم اللي على طريق الملك فهد وقالوا لي رح تكلفك 14000 ريال قلت اوكي لان السيارة كانت جديدة جلست السيارة عندهم تخيل كم 63 يوم مع انهم قالوا لي 14 يوم وتجهز مليت وتعبت وكل ما اجيهم احصل السيارة على وضعها ماعملوا فيها شي قالي احد الاخوة المصريين في الورشة قدم بمدير الورشة شكوى وارسلها للشيخ احمد عبداللطيف جميل وهذا فاكسه في جده وغير كذا يمكن سيارتك تجلس 3 شهور او اكثر لانهم مزحومين والموضوع داخل فيه واسطات قدمت شكوى وفعلا بعد ساعه جاني اتصال من سكرتير احمد عبداللطيف جميل يعتذر باسم الشيخ ويطلب مني الاذن بأن مدير الفرع ومدير الورشه بيجوني للمكتب ومعهم رضاوه عطيتهم العنوان وجوني في المكتب وكانوا جايبين معاهم باقة ورد وهديه منهم عبارة ساعة وطقم مكتب واعتذروا بشدة وطلعوا من عندي بعد ان واعدوني بعد اسبوع استلم السيارة طبعا مرشوها لي شغل اي كلام حتى نيكل الشكمان معدلينه بالمطرقه رفضت استلم السيارة ورجعوا اشتغلوا فيها من جديد وبعدها استلمتها على مضض وانا غير مقتنع وركبتها وانا اتذكر المثل اللي يقول يورون الواحد الموت عشان يرضى بالمرض لابارك الله فيها من شركة هذا اختصار لمأساة 3 شهور معاهم |
حياكم الله
اخوي لا تدف انا اللي صورت المقطع اليوم وكنت عند وشه اصلح سيارتي قالي الكهربائي شوف سيارات عبداللطيف جميل وعلمني باللي مسويه طبعا انا صورت بدون اللوحه لاني ماعرف صاحب السياره وحبيت ابين اللوحه السياره في وشه في النسيم ولاهي بالوكاله ومشكلتها في الكهرب علشان كذا الكهربائي فك الطبلون وانا مسؤول عن المقطع واسف على ردائه التصوير لاني مو محترف :) |
حسبي الله على ابو جميل
لاكن الشرة مب علية على وزارة التجارة النايمة في العسل |
إلا ألف تحيه لك اخي بندول لكشف هذا التلاعب والضحك على الشعب وإستغفالهم وغشهم , والله لا يوفقه ولا يبارك له في شركته , لماذا يغش العالم ويكذب عليهم على إنها فل , حسبي الله عليهم
مضحوك علينا في كل شئ في جديد , في قديم , في اكل , في شرب , ............................. والقائمه تطوووووول الله المستعان |
حسبي الله ونعم الوكيل
|
بارك الله فيك اخي بنادول و عقبال ماتصير مصور محترف.
|
ماقصرت بيض الله وجهك على الايضاح |
هذا الاحتكار
لو عندنا وكالة اخرى ل تويوتا ماتجرأ عبداللطيف يسوي كذا اخوي خوفتني توي شاري كامري 2011 فل كامل وياخوفي تطلع مثل ذي افكر افتح الطبلون واشوف فل والا سياحي ههههه |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by