وش ذنبنا حنا من الزيادة اللي صارت
 

بسم الله الرحمن الرحيم

يا إخوان موضوع زيادة الأسعار تراه ماهو سهل
يعني المقاطعة بصراحة اشوفها ضرورية جدا
وبعدين اذا الزيادة في الرواتب اللي صارت 15% واخذها الموظفين الحكوميين واللي بسببها زادت الأسعار وراح ضحيتها الموظف العادي اللي بالقطاع الخاص اللي لم يتم زيادة راتبه ولا واحد من الف بالمية ,, وش ذنبنا تزيد الاسعار واحنا مازادوا رواتبنا ولا ريال واحد , والرواتب أصلا متدنية لا تتعدى 2500 ريال أو 3000 آلاف , وش بنخليها له , للأجار والا السيارة والا الفواتير اللي كل وحدة تقول الزود عندي ,,,,,

الاسعار ترتفع ولا حد من المسؤولين متحرك , ليش يعني هالإهمال

انا اقول ما حد عارف لنا احنا يالمواطنين الا التجار ,, يرفعون بالاسعار وحنا نشتري , حتى السكر ابو 10كيلو رفعوا سعره ولما شافوا الناس ما تشتريه بكثرة نزلوا له أكياس جديدة أبو 5 كيلو عشان يعني السعر يكون حليو .....

المقاطعة لابد منها , وانا اولكم , وارجوا من اي واحد عنده اي سلعة يدري ان سعرها ارتفع يحطها بالمنتدى وانا اول المقاطعين ,,,,

وسلامتكم يالربع

حياك الله معانا اخوي ..

معاً بأذن الله نخضع التجار ..

بالمقاطعة ترجع الاسعار ..

التجار اكلوا الاخضر وبياكلون اليابس حسبي الله عليهم

صدقت انا موظف قطاع خاص ولم يزيدونا ولا هلله

علما القطاع الخاص الذي اعمل فيه هو القطاع الاهم

والمرفق الحيوي في حياتنا

ولكن حسبنا الله ونعم الوكيل

نحن الضحيه الكبرى وال 15 % اخذوها عشرات الدبلات