زيارتي لسوق عنيزة للخضار يوم امس
امس وانا راجع للرياض حركت من الرس لاول مرة في التاريخ الساعة 9 الصباح وهذا موعد باكر جدا لان الرياض عند اذني طبعا وش خلاني امشي بدري علوم المطر اللي بالرياض قلت بلحق عليها وكان معاي رفيق لي من الرياض في ضيافتي بالرس المهم قررت المرور من عند عنيزه لاخذ جرعة تنشيطيه:D من ايش والله مدري!! ودخلت وسط المدينه وامر من عند سوق الخضار قلت ياولد خلني اروح اشوف مختبر الخضار اللي يقولون هو الوحيد في السعوديه http://im28.gulfup.com/2012-03-31/1333172231291.jpg مدخل السوق العام http://im28.gulfup.com/2012-03-31/1333172231492.jpg صالة الخضار الرئيسية وبواباتها المتعدده http://im28.gulfup.com/2012-03-31/1333172231705.jpg طبعا كان السوق مدهر من الصباح ماشاء الله السيارات تجلب الانعام من كل جهه سألت عن مختبر الخضار قالوا لي شوفه هناك فعلا رحت له مشي مع خويي http://im28.gulfup.com/2012-03-31/1333172231426.jpg مدخل المركز من الخارج صالة عرض المنتجات بعد فحصها منتجات عضوية صحيه شرحوا لي العاملين في المركز ان الخضار يتم اخذ عينه منها وادخالها من هذا الشباك للمختبر للاسف كنت ابغى ادخل المختبر لكن قالوا لي انه الجمعه مغلق ونلاحظ ان الدخول له والخروج منه عن طريق رقم سري وكل هذا زيادة في الحرص بعد فحص العينات يتم وضع مثل هذا الاستيكر طبعا شكل الخضار الصباح مغري وقلت لابد ان اشتري للبيت منها ما لفت نظري عند الكاشير اصر واحد من شباب عنيزه ان احاسب قبله مع انه سابقني في الدور قلت ليش ملزم قال انت غريب ووراك طريق قلت شدراك قال لانك قاعد تصور وسوقنا من عرفته اول مره اشوف احد يصوره :D شكرته كثير على ادبه وحاسبت تخيلوا عبيت كيسين كبار بمختلف انواع الخضار الطازجه الآمنه بحول الله ب65 ريال فقط يابلاش وتخيلوا فلين كبير كوسة طازجه ب13 ريال وبساتين القصيم بالرياض نفس الحجم ب24 ريال يعني تقريبا دبل السعر اثاري ملعوب علينا من هالاسباب عرفت ليش اهل المدن الصغيرة يوفرون ماليا عكس اهل المدن الضخمة كالرياض وغيرها ودعت عنيزه واهلها الطيبين واتجهت للرياض الغاليه وكان اول منظر استقبلني في العارض هو هذا المنظر الجميل وكان قبل صلاة الجمعة http://im17.gulfup.com/2012-03-31/1333175131981.jpg |
تقرير رائع ابو حصيصة ..
اقتباس:
. |
لو عندنا في جده كان جاك واحد مطفي النور و قال عن تصويرك .. قلة ولف.
تقرير حلو ياريت أكتمل بزيارة المختبر و هو شغال .. نقول إن شاء الله في الزيارة الجاية. |
مقارنة بسيطة بين حبتين من الفلفل الاحمر اللي على اليمين اشترتها ام حصوص من الدانوب واللي على اليسار اشتريتها من مركز الخضار الصحي شوفوا الفرق بالحجم http://im18.gulfup.com/2012-03-31/1333187124582.jpg |
اقتباس:
الله يرفع قدرتس يام الغضا تدرين وش الحلو اشجار الغضا اللي قبل عنيزة اخضرت وكبر حجمها بعد حضر قطعها واتوقع انها بعد عشر سنوات رح تكون غابات محيطه بعنيزة من جهة الغرب والاجمل من هذا كله ان اهل عنيزة عندهم رقابة ذاتيه لحماية هذه الشجرة ياسلام تصدير دروس وعبر جميله للغير |
اقتباس:
لا بالعكس امس وقفت وكانت نجدة الدوريات واقفه قدام المركز ولمن شافني ابغى اصور اللوحة الخارجيه تقدم شوي عشان يعطيني مساحة افضل للتصوير ماسموها باريس نجد بلاش تصدق قبل البارح مجتمعين في الرس حول الجمر ومعنا اثنين من عنيزه المهم صار نقاش حول طبائع بعض الاهالي عندهم في المحافظات المهم كنت بصفهم في النقاش قالي الغريبه انك ما اخذت من عندنا يعني ماناسبتهم قلت شرف لي اكيد بس تعرفون االنصيب يارجال هالبلد انهبل عليها الريحاني قبلنا تعال يابوهشام انا عازمك فوق طعوس الغضا متأكد انك تقول لام هشام الوعد الجنه:lol: |
http://im9.gulfup.com/2012-03-31/1333196466721.jpg ننتظر نهاية هالاسبوع مثل هالمنظر بالرياض بحول الكريم |
والله المختبر الفمروض في كل سووق
تشتري وانت متطمن ويكون الفحص علي اساس علمي |
اقتباس:
المفروض غير والواقع غير الواقع يقول ان العمالة تسيطر على اكلنا وشربنا |
| الساعة الآن 12:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by