منتدى مقاطعة - حقائق الشعب السعودي

منتدى مقاطعة (https://www.mqataa.org/vb/index.php)

- مناقشات المستهلك (https://www.mqataa.org/vb/forumdisplay.php?f=2)

- - حقائق الشعب السعودي (https://www.mqataa.org/vb/showthread.php?t=5830)

حقائق الشعب السعودي

مقال قديم ولكنه واقعي حصلته باءيميلي واحببت ان تقراؤه: (حقائق الشعب السعودي)
للدكتور صعب بن محمد الزعيمر الشراري {عكاظ} 528:
حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم اربع مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .
حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .
حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .
حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .
حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .
حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .
حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .
حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .
حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.
حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .
رغم الحقيقة والألم ..
حنا السعوديين أحسن المسلمين والعرب.(هيّن بس ) .!!

اقتباس:

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل!!!!!!!!!!هل هو انقاص

اعتقد انه ما عاش في المجتمع السعودي للمرأه مكانتها وحقوقها محفوظه وان كان فيه فئه بسيطه لكن لا نعمم

اقتباس:

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!!

الطلاق انفصال زوجين لعدم توافقهم ولا يقتصر السبب على شختك بختك
لاتدف وشلون يعجبك!!!!!!صحيح فيه نقاط نتفق معه لكن فيه جزيئات تحمل تفكير وعقليه جاهله عن وضع ومكانه المرأه السعوديه ليه مايشوف انها اقتحمت جميع المجالات العمل من الطيران والطب والهندسه وغيرها

مشكور لا تدف
بس ترا فيه مغالطات كثيرة للواقع

خصوصاً في حقوق المراة

المقال فيه صحيح وفيه بساطه وفيه مغالطااااااات

لو اني مدرس

عطيته

سته من عشره

مقاطعتهم اناماقلت اعجبني المقال انا قلت واقعي وان جيتي للجد نظرة كثير من افراد المجتمع للمرأة نظره قاصره وجاهله بنفس الوقت انما من يفتش سيجد ان هناك سيدات عن عشرة رجاجيل

اقتباس:

سيدات عن عشرة رجاجيل

فعلا بهالزمن ياكثر الحريم اللي عن عشر رجاجيل

مقال ينظر للسعوديين من منظار ضيق جدا

انا لو مدرس اعطيته اثنين من عشرة واستدعيت ولي امره!!!!

مقال وللأسف يصف واقع الحال بصفة عامة .. و إن كان الحال يختلف من منطقة لأخرى لكن يبقى ماكتب واقع مؤسف.

بس نفسي أعرف .. ليش سبتوا إللي مكتوب في العشرة سطور الأولى وركزتوا على مايتعلق بالحريم بس؟؟

مشكور لاتدف على النقل.

مشكور لاتدف مضمون كلامه صحيح وكلامه به مغالطات اذا نظرنا له نظرة سطحية

للاسف هذا واقع في الاغلب ولكل قاعدة شواذ

تعقيبآ على اراء الاخوه بما يخص المرأه وحقوقها, البارحه في تقرير ب Mbc يقول بان المسلميين ازدادوا بامريكا منذ 1999 بنسبة 30% واكثرهم ذو اصول اسبانيه رغم الحملات الاعلاميه المركزه و الذكيه حسب كلام مسئول الجاليه المسلمه في امريكا. احد المسلمون الجدد يقول ان ماشده للاسلام هو ان الاسلام يصون حقوق المرأه بعكس مايروج له في الاعلام الغربي.

فالحمد لله على نعمة الأسلام وماينقصنا هو التطبيق الكامل لتعاليم الأسلام و بعض مايطبق عندنا هي عادات وتقاليد موروثه..