منتدى مقاطعة - من زمان قايل بعض ربعنا مصرقعين ...!

قناة بداية التي انطلقت باسم زواج صورة أخرى للإعلام السعودي الـفاشل , لا سيّما و منظر أكوام الشباب المتكدسين الذين انصرفوا من حياتهم الخاصة و مهنهم لمعاشرة الفراغ بانتظار ( الزفّة ) مع البالونات الساذجة و إبريق عصير ( تانج ) , و زين ما جابوا ( طراطيع ) .

دعونا من شرذمة الفارغين على الهواء مباشرة , لنرى ما يحمله شريط المحادثة أسفل الشاشة و إليكم بعض مُفرقعات الكبت السعودي الذي يُسفر عما يحمله هذا الشعب بين جدران جماجم مواطنيه المُتهالكة :

*****

سارقة جوال زوجها : أنا عندي فستان إسلامي طويل و أكمامه طويلة و لونه أسود مرصّع بالألماس شريته من القصيم بألفين و أبيعه بـ 3500 .
( فستان اسلامي !! هالمصطلحات المُغلّفة كثرت و نهب عيني عينك http://www.al-hora.com/images/smilies/confused.gif ! )

فاقدة الأمل : تكفون أبغى أنحف بدون ريجيم و اللي يرحم والديكم أبغى حل الله يسخر أزواجكم لكم .
( تبي تعبّي و تنحف !! و الحين ما فيه دعوة غير تسخير الزوج ! الظاهر ربي ما خلق
اهتمامات غيره http://www.al-hora.com/images/smilies/mad.gif! )

مقهور جداً : يا ناس يا عاااااااااااااااالم , زوجتي قاهرتني أتمشى فيها دول الخليج كلها - مكة جدة الطايف أبها الباحة الشرقية - و يوم رجعنا و لا كلمة كله مادّة البوز و لا قالت و لا كلمة حلوة وش أسوي تكفوووون و هل كل الحريم نفس الشي !
( الحين هالمدن صارت دول الخليج , عبروا عن أنفسكم مثل الخليقة و لاّ انكتموا و راجع
حساباتك زين http://www.al-hora.com/images/smilies/thumbdown.gif )

دق البخت بابي : وراكم يالحريم ما تبون الرجال يسافرون ما يجي لحم على لحم يخيس , بالعكس لازم شوق و حنين .
( حسبي الله على المصطلحات اللي تغم , تعلموا ! http://www.al-hora.com/images/smilies/icon28.gif )

المعذّبة : يا بنات أنا زوجي أول مرة يضربني البارح بسبب خلاف بسيط و اليوم جاي يكلمني عاااااادي و يوم طنشته و قفيت قلي طالعي فيني و يوم طالعت عطاااااااني كف حاااااااااامي !
( ما وراكِ رجال http://www.al-hora.com/images/smilies/showoff.gif ! )

أسيرة القلوب : لو سمحتوا بغيت اسأل اللي نسبتها 60% لها قبول بجامعة الملك عبدالعزيز ؟
( ايه يقبلونك بس برتبة عامل نظافة , و بعدين هالخلق ما لهم في التعليم أبداً http://www.al-hora.com/images/smilies/biggrin.gif )

طفلة زوجها : قولوا لي وش أسوي , أنا زوجي كذااااااااااااب , يكذب علي و يقول أنا صغيرة و يعاملني على إني صغيرة و كل ما تكلمت يقولي انطمي و إذا سمعني أضحك قال حشا عندنا في البيت أراجوز و قدام أهله يفشلني و قدام أهلي يدلعني و إذا عنده مشكلة ما يقولي و إذا
قال شي و ما صدقته يقول ليش ؟ أقوله إنك كذاب , يزعل , وش أسوي تكفون اللي عندها حل لا تبخل و أنا عندي كريم للركب السود .!
( كثري من هالكريمات لأنها تحل الأزمات http://www.al-hora.com/images/smilies/biggrin.gif )

أم الحلوين : أنا يخرج من سرير بنتي نمل و أنظفه نهاااااااائي و بعد شوي يرجع قولوا لي وش أسوي !؟
( وش تاكل البنيّه http://www.al-hora.com/images/smilies/confused.gif! )

راعي الوايت : زوجتي لسانها طويل و تغلط و ما تعتذر و مع هذا مقصرة في واجبات البيت و دايم الحق لها و تنام من بدري و إذا خرجت زواج أو مناسبة تقعد للفجر .
( حطها في الوايت و مشيها يمكن تعقل http://www.al-hora.com/images/smilies/shiny01.gif )

اليزابيث السعودية : يا بنات أنا مخطوبة لولد عمي و مملكة , ولد عمي الثاني أزعجني على جوالي شسوي الله يرحم والديكم !
( دامك اليزابيث , بتلقين الخليقة كلها وراك , و الله مشكلة تافهة والظاهر الجماعة متسلين http://www.al-hora.com/images/smilies/cool.gif ) .

*******

مجموعة من النساء و الرجال ( و الغالبية العظمى للنساء ) يظنّون أنّ حلول مشكلاتهم يتم بـ (sms ) لـ أشخاص مجهولين لا يعلمون من حلّ المشاكل إلا أن يضيفوا عليها من جعبتهم بأخرى حتى تنتج خلطة مُعقدة تشابِك أحلامهم بسفاهة الآخرين , مع تباين هذهِ المشكلات التي يغلب عليها التفاهة بكل المقاييس و لا حل لها سوى ملء الفراغ عِوضاً عن متابعة الفراغ في أذهان لم تعرف من العلم شيئاً سوى قرأ ( تهجئة ً) و كتب ( بإملاء يغلبه الخطأ الفادح ) و هو ما تعلمته في مرحلةٍ عُمرية مُبكرة من الدراسة و توقفت بعده http://www.al-hora.com/images/smilies/redface.gif.

و غالبية الإناث المُتابعات هم ممن لا اهتماماتٍ لهنّ و لا همّ سوى عرض معضلاتهنّ النفسية البسيطة أو طلب المساعدة بأمر بمقدرتهنّ تنفيذه بوسيلة أسهل و بثمن ٍ بخس و ما أبخس من فكرهنّ أمرا ً .

هذه القناة , كشفت الغطاء عن المستوى الفكري للقائمين عليها و المتابعين لها ممّن يحملون هوية هذا البلد .
و لا نملك إلا أن نصفق بحرارة و ( اووووووووه يا سعودي http://www.al-hora.com/images/smilies/clap.gif ) و نهتف ( ارفع راسك إنت سعودي http://www.al-hora.com/images/smilies/biggrin.gif ) ..
و إلى مزيد من الهبوط يا إعلامنا .

مدعس القواطي
الساحات
الحقوق محفوظة