القياده في شوارع الرياض
ادري ان الموضوع ليس له علاقه بالمقاطعه وارجو ان تسمح لي الاداره فمن يسكن في مدينة الرياض متأكد انه سيقول ابصم بالعشر على كلامك يالاتدف..مافتح الموضوع هو كاركتير للفنان ربيع بجريدة الرياض http://www.alriyadh.com/2008/01/05/img/061063.jpg الصراحه ان الواحد صار يتعب ويشيل هم الخروج من منزله والسبب ضكة الشوارع والزحمه الغير مبرره وماينقصها سوى التنظيم والوعي فمثلا المسافه بين منزلي وعملي لاتتجاوز 12كم ولكن يلزمني لهذا الطريق المختصر هو استخدام كوبري الخليج ولان الاخير متربع في كتاب جينيس للارقام القياسيه لابطأ طريق سريع بالعالم!! فأنني اضطر اخذ الدائري الشمالي ومنه بمحاذاة حي السفارات واستلام كوبري الخليج من اخره( قال وين اذنك يا..) و طبعا هدر للجهد والوقت(قالوا عني مخترع عشر كمبيوترات البارح!!!) وهلاك للسيارات الا ان الاسئله المزمنه التي لم تجد جوابا اين مخططي وزارة النقل عن ايجاد حلول؟ المرور ودورهم الهام الذي لايقتصر على فقط على جباية المخالفات وانما دورهم الهام التواجد المكثف في الميدان والتنظيم والتوجيه.. امس طلعت مع عيالي للثمامه والجو كان جميل ورائع المهم طلعت فيهم بعد صلاة العصر تصدقون متى وصلت للي كانت رمال في الماضي والله العظيم باقي على المغرب نصف ساعه والسبب الزحمه المكثفه جدا جدا في الدوارات اللي هناك وقسم برب الكعبه انني لاحظت غياب تام لرجال الامن من مرور ودوريات لم ارى لهم حتى سيارة وحده مع ان سيارات المواطنين كانت بالاف وفي عراك تام والجميع مستعجل طبعا !!!!
|
صادق يا لاتدف شوارع الرياض صارت عقوبة علينا
ودوريات غير متواجده وغير الزحمة عندك هالمفحطين شف الحل سعودي يروح للدوام على دباب https://www.mqataa.co/vb/uploaded/715_01199525062.jpg |
مقاطعتهم صرنا زي حقين شرق اسيا في الصين وغيرها الدبابات على أفى من يشيل طيب هم عندهم مليار نسمه حنا وش عندنا قالوا صفوا صفين قالوا حنا اثنين!! حنا عندنا سؤ تخطيط نهتم بالشكل ولا نهتم بالمضمون والدليل طريق الملك فهد
|
أجل لو مثل جده كان إيش سويتوا؟؟
غير الزحمة مطبات و حفريات و شوارع مقفلة. عادة كنت أخذ عشر دقائق عشان أوصل عملي .. الآن لايقل عن 25 دقيقة. |
ابوهشام هلا فيك اعتقد جده عندها مشكلة قلة الشوارع وكثرة الاشارات يعني الرياض تتفوق عليها بالطرق السريعه يعني مشكلتكم معروف سببها وتحتاج مشاريع ضخمه لحلها كالكباري والانفاق وغيرها انما الرياض مشكلتنا حلها سهل بس مايبون يتحركون
|
| الساعة الآن 09:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by