منتدى مقاطعة - السماح باستقدام الخادمات من أوروبا الشرقية

انا اجزم ومستعد للمناظرة بأن 75% من البيوت ليست بحاجة لخادمة ولكن الله المستعان على الجهل والتخلف اصبح عدد الخادمات اكثر من عدد النساء في المملكة بسبب التخلف.

والله اني اعرف كذا بيت الام نشيطة وبصحة جيدة وعندها بنات اعمارهم من 16 حتى 22 سنة والبنات ما غير تبطح وتسدح وشغالتين في البيت وثلاث. (اين التربية واين العقول ... ما يدرون ان هالبنات بكرة بيتزوجن وما ظنيت الزوج بيسمح بالتسدح والتبطح ولا يرضى بوحدة ما تعرف تطبخ ولا تعرف تداري عيالها ومتعودة على الشغالات وترجع البنت تطيح في كبد ابوها وهو السبب)

واعرف ناس ما غير هو وزوجتة في (شقة صغيرة) ومع ذلك الشغالة من الديكورات المهمة في الشقة.

والي يقهرني الي يجيه اول مولود وينقز يجيب شغالة والسبب يقول علشان تمسك الورع ... طيب والام وش فايدتها وليه تخلف اذا هي مالها نفس تشوف ولدها (قمة التخلف)