أحلى رسالة معايدة تتناسب مع الوضع الحالي
 

وصلتني رسالة تهنئة بالعام الجديد حيت أشارككم بها: :)


جعل الله حياتك سعادة ... أكثر من شوق الشعب للزيادة

و جعل الله حياتك هنية ... أكثر من فائض الميزانية

و جعل أيامك كلها عز ... يا أغلى من السكر والرز


و كل عام وأنتم بخير.

فعلا رساله جميله .. بها المناسبه اللي اغلى من اللبن

الله يرزقك ياأبو هشام
يالواحد اليوم شايل هموم ووسعت صدره يوسع صدرك

ياوطن كلن تنعم بخيراتك وعاش
غير انا لاجيت ابي منك قالوا معليش

من ثمان سنين ادور على مصدر معاش
ولا سلمت من الكلافه ولا حصلت عيش

ولا كسبت من الرخاء لا جلال ولاقشاش
يوم بعض الناس لا راجع حساباته يطيش


ياوطن مابغى زياده ولا شي بلاش
بس ابي لي ياوطن مثل ما لاحمد خريش
من هموم الدين عفت المخده والفراش

حازمن بطني وصابر ولا احد قال ليش
ليش يلحقني ظما فيك والدنيا رشاش

وليش اجوع وكل الاسلام من خيرك يعيش
ياوطن لولا محبتك ماطال النقاش

سقت رجلي واستعديت للدرب الوحيش
مير اشوف ارضك بساتين وانجومك فراش

لين صرت امشي على الشوك وكني فوق ريش

ايه احبك والاوادم تحت ستر القماش
يوم بان العيب والغش في القلب الغشيش


كم ضعيف راح يطرد ورا ضوء الفلاش
واستباح مسامر الخمر واستهوى الحشيش

مايبيعك ياوطن غير لاش وابن لاش
والملوك يميزون الاصيل من الكديش

دام حكامك هل الدين حدك مايناش
وكلنا لك ياوطن ساعة الشدات جيش

ياوطن ودي بشي يساعد مير ماش
والسنين تمر والعمر يسرقني شويش

بجاه من ثبت ركونك عقب ماهي هشاش
من سكاكا للحساء للحرم لبو عريش
حطلي نقطة بدايه وعطني منك كاش
دلني واظمن لي العيش ولا احياء من إيش

والختم كل تنعم من خيراتك وعاش
غير انا لا جيت ابي منك قالوا معليش

الخبز تصدقون صار بــ3ريال عندنا بشرقيه

والله حرام

رساله حلووه ومعبره يعطيك العافية ابو هشام

لاتدف .. قلنا رسايل جوال .. مو معلقات.. :)

تحياتي و شكري للجميع.

رساله معبره بصراحه

شكرا لك