من امن العقوبة


اساء الادب

بسم الله الرحمن الرحيم ...

أول شي يا شباب لا زم تعرفوا إني واحد من الشعب .. يعني زي زيكم زيادة الأسعار تأثر علي ..

بس أبغ أقول كلمة حق في الشركة لكني أحد العاملين فيها وبقربي من الأحداث :

بسم الله نبدأ :

في البداية لازم نعرف كلمة طبيعي .. لإن في ناس كثير ماهي فاهم ايش تعني الكلمة :

طبيعني في الصناعة يعني : مدخلات المادة طبيعية 100% يعني ماتدخل فيه مواد صلبة أو مواد ضارة بالصحة أو كيماويات . هذا المقصود بالكلمة في الصناعة ( أتكلم عن صناعة الأغذية)

إثنين : كل منتج له مدخلات إذا زادة هذه المدخلات شي طبيعي إنه السعر يزيد وعادة النسة طريدة زيادة مدخلات ==> زيادة سعر المنتج .

ثالثا : السعر النهائي لإي منتج يتأثر بعدة عوامل مثل تكلفة الإنتاج , تكلفة المواد الخام , تكلفة مواد التعبئة و النقل . يعني بالعربي (Supply chain ) .

و بحكم قربي من المواد راح أتكلم عنها على فرض إنه تكلفة العوامل الأخرى ثابة وهو إفتراض خاطي .


المنتج زي ماقلنا يتكون من حاجتين : المواد الخام + مواد التعبئة .

1. المواد الخام للبن : حليب + خمائر + فيتامينات

خليني أشرح لكم شي يمكن كثير منكم عارفة و يمكن لأ :

الحليب ==> بقرة ==> بذور ذرة + فول صويا + شعير + بذور قطن ..

طبعا : كل السابق ذكر ة أرتفع إرتفاعات من 10 - 35 % .

هذا غير إنه سابك زادة من أسعار الأسمدة و المواد الكيماوية إلي تستخدم في الزراعة والري خلال السنوات السابقة لإكثر من 200% . والسنة إلي فاتت زادت أكثر من 40% و السنة هذي الله يستر . ( طبعا كثير يقولوا هذي إيش دخلها في البقر , لا هذي تدخل بصورة غير مباشرة ) .

2 . مواد التعبئة :

طبعا معظم مواد التعبئة من موردين داخلين و بعضها من موردين خارجيين .

طبعا في حلتنا نتكلم عن اللبن : مواد التعبئة المستخدم هي : علبة ((PET)) + السليف + الغطاء + كرتون التحميل .

علبة الـPET و الغطاء : جميع مصانع المملكة تشتري المواد الخام لها من سابك و سابك ماشاء الله ماقصرت زادت من أسعارها لإكثر من 40% في السنة إلي فاتت يعني السنة إلي فاتت جددنا عقودنا من الموردين لإكثر من 3 مرات بسبب الزيادة و السنة هذي الله يستر .

كرتون التحميل : مصانع الكرتون الكبيرة والصغيرة زادة أسعارها 36% - 50% .


بعد هذا بالله مو من حق الشركة تزود والله في شركات لو زادة عليها أسعارها بـ5% جاتنا تجري تقول غيروا أسعاري المواد الخام أرتفعت ,

ومع ذلك الشركة حاولت بكل الطرق تقلل التكاليف لكن هذي موجة علمية بسبب أسعار النفط . و الشركة ماهي سبيل الشركة لها مساهمين يعني فلوسها في الأخير لمساهمينها .. إحنا الموظفين مظلومين في الشركة لابونص ولا هم يحزنون .

يعني تجي تطالع في مبيعات الشركة تلاقي ماشاء الله .. بس من ناحية ثانية تلاقي المدخلات زادة بشكل مجنون ....

عموما هذي بس غيض من فيض .. والله لو لا إنها من أسرار الشركة كان أوريكم العقود و الأسعار قبل وبعد و بالنسب ....


في الأخير إذا أخطأت فمني ومن الشطان وإذا أصبت فبتوفيق الله وسامحونا .

طبعا الموضوع مفتوح للحوار .. بشكل حضاري ..