نظرتنا للاجانب ( نقاش عقلاني ) والحل الاكيد لانهاء وجودهم
 

ما ادري هذا منتدى ناس ناضجه والا مجرد مراهقين همهم الاكبر الصياح ورفع الصوت ( وهم في الحقيقه مايسوون اي شي ) واول زباين المطاعم الغاليه هم؟؟؟؟

الاجنبي ينقسم لعدة اقسام:

1- الاجنبي المستقدم براتب بسيط: زي السواق وحارس البيت وغيره هذول ضعوف مالهم الا الله ورزقهم على قدهم ويمشون نفسهم بارخص الاشياء ( حبة خبز في اليوم + طبخ في بيوتهم فول وفاصوليا وخلافه + صدقات الناس عليهم ).

2- الاجنبي المستقدم براتب عالي : وغالبيتهم من الشاميين والمصريين تلقاهم مدرسين ودكاتره وغيره وعايشين حياتهم توفير في توفير يمسكوا القرش جنب القرش حتى يرجعوا بلدهم ويأمنوا مستقبلهم هناك.

3- الاجنبي اللي عايش في السعوديه ومولود فيها وماخذ عاداتها وتقاليدها: ماتعرف هو سعودي او لا الا لو شفت الاقامه بيده وهذا يتأثر مثلي مثلك ورواتبهم في الغالب قليله او تلقاهم من ارباب العمل في الخفاء ماشين جنب الحيط.

ياجماعة الخير السعوديين مو ناقصهم اي شي ويقدروا يسووا اي شي ولاتقولوا الاجنبي هوا اللي سوا والاجنبي هو اللي خطف لقمة عيشنا والاجنبي هو السبب في البطاله والاجنبي هو السبب في قلة الوظائف؟؟:mad:

لازم نعترف ان العيب فينا احنا لازم نعترف ان السعوديين انفسهم تعودوا على الترف والدلع الزايد وهذا الشي اللي خلانا نوصل لهالمستوى ( معقول المطاعم اللي يشتغلوا فيها سعوديين بشكل كامل يعني طباخين ومباشرين واستقبال وحساب ونظافه سعوديين = صفر في المملكه كلها )

لاتقولوا الاجانب ماسمحوا لنا نشتغل هالوظائف قولوا اننا احنا السعوديين مانبي نشتغل هذي الوظائف اصلا في وظائف راقيه ونرفض نشتغلها لاننا مانبي الا الوظيفه الحكوميه ( مكتب وراتب يزيد كل شهر ومضمون حتى بعد التقاعد ) ومانبي نتعب.

شوفوا حلقة الخضار من بعد السعودهـ كيف صارت محد صار يروح الحلقه صرنا نشتري من السوبرماركت الكبير ونريح انفسنا لان تعامل السعوديين في الحلقه مقرف بصراحه يعاملك بكبر خشم كانك جاي تشحت منه وغالبيتهم ماخذ الشغلانه قهوه يجلس فيها هو واخوياه وبالاخير يقولوا مافي حركه ( الحركه بركه ) ويشتكوا ويتركوا العمل..

اول شي نصلح انفسنا ونبطل الحسد والتعصب القبلي اللي نهى عنه ديننا والهباله الزايده ( في كل موضوع القى واحد يقول الاجانب الاجانب كأن الاجانب هم اللي يحكمونا وينزلوا القرارات بانفسهم ) ونبدأ نصلح انفسنا ونتمنى الخير لغيرنا قبل مانتمناه لنا وكذا ربنا يبارك لنا في رزقنا.

معظم الردود في المنتدى توضح الحسد للغير ( هم يشتغلون بعرق جبينهم ليه مانشتغل مثلهم ) وبكل صراحه بسأل سؤال:

الحين لو جاء واحد يقول انه شغال جرسون في مطعم ويستلم الفين ريال يبي يتزوج وتقدم لاسرة محترمه ظنكم بيوافقوا عليه والا بيرفضونه بسبب وظيفته؟)

ياجماعة الخير المشكله في الغلاء كبيره لكن الردود في المنتدى ماتناقش هذي المشكله بعقل كل اللي صاير سب وتهزيء وكلام فاضي ما ادري احس نفسي داخل منتدى مراهقين والله المقاطعه عمرها مابتكون كذا.

الحين لو سافر اليمني حق الفول والمندي والمثلوثه وسافر الهندي والباكستاني حق الكافتيريات وسافر التركي حق الشاورما والمشويات وسافر الشامي حق المعجنات وسافر المصري حق الطعميه وجلسنا احنا يالسعوديين في البلد لوحدنا ظنكم بتمشي البلد؟؟؟؟؟؟؟

والله ثم والله لندفع لهم ثلاث اضعاف الرواتب حقهم ونرجعهم ونبوس رجلينهم والا من وين نلقى سعودي يتنازل ويتكرم علينا ويسوي محل شاورما ويشتغل بنفسه والا من وين نجيب سعودي يشتغل في المحطه يعبي لنا بنزين والا من وين نجيب سعودي ينظف الصحون في مطعم بخاري والا والا والا واول شي من وين نجيب سعودي يشتغل في ورشة سيارات ويحلق لنا شعورنا وينظف شوارعنا وسياراتنا ويمارس عننا كل الاشغال ( التافهه بنظرنا والمعيبه والرديئه والمستوى الواطي ) اذا لقينا هالسعودين صدقوني بعدها مابنحتاج نتكلم ولا بنحتاج وزارة عمل وعمل ولا اي شي لان الاجنبي لحاله بيترك لنا البلد اذا مالقى فيها خير.

مدري الأخ "كيموس" ... ما عندك اخبار أصحاب المحلات السعوديين اللي اضطروهم العماله للخساره لعدم تجاوبهم والموافقه على العمل بنسبه ...
وما عندك اخبار العماله اللي يستقعدون لموظفين المطاعم السعوديين على سبيل المثال في هرفي وبيتزا هت ... وما عندك اخبار عن العماله اللي يستهترون بموظفينا في القطاع الخاص ... وما عندك اخبار العماله اللي من المطار يحط رجله وكفيله ينتظره .. وما عندك اخبار عن العماله اللي سرقوا كفلائهم ... وما عندك اخبار عن جرائم العماله ... ياخي اذا انت شايف العماله اللي تتكلم عنهم مظلومين .. رح وقّف في البنوك وشف كم يحولون هالعماله اللي انت مستضعفهم .. آخر رقم لمجموع الحوالات السنويه كان 65مليار ريال سنوياً وقابل للزياده ... مدري موضوعك هو للمقاطعه والا للأجانب .. وبعدين وين حل إنهاء وجودهم ... وجاي تقول ما ادري هذا منتدى ناس ناضجه والا مجرد مراهقين همهم الاكبر الصياح ورفع الصوت ( وهم في الحقيقه مايسوون اي شي ) واول زباين المطاعم الغاليه هم ؟؟؟؟ ... بالعربي ... إكس كيوز مي ... فتّح عيونك قبل لا تصرّح ...

يااخي ليش فيك معصب مااعتقد طريقة صحيحة لمناقشة موضوع او توضيح وجهة نظر لو كان المنتدى كما ذكرة لما وجدتنا هنا كان رحنا لمنتديات أخرى مخصصة للي ذكرة وبعدين انا ماادري شلون ايقنت اننا من زبائن المطاعم الغالية؟؟؟!!

بالعكس انا اعتقد سوق الخضار بعد سعودتها اصبحت افضل بكثير وافتقدنا غش وتحايل العمالة الوافدة واصبحنا نثق اكثر بجودة الخضار اذا انت يااخي ماتروح هذي مشكلتك !!
ويكفي ان السعودي اذا اشتريت منه( ابتسم بوجهك وقال لك بالعافية)
قبل وجود السعوديين بسوق الخضار اعتقد كان هناك خداع وغش ونصب وتحايل ويقوم ايضا الوافدين ممن كانوا يشتغلون ببيع الخضار الخايسة على ابناء عمومتهم بالمطاعم انا اتعقد انها ظاهرة صحية وجود السعوديين بسوق الخضار وانصحك بزيارة السوق والتجربة بدلا من الانتقاد

يااخي العزيز نحن لانحسدهم كرها لهم بل ننتقد بجرائمهم وخداعهم وامراضهم وغشهم انت انتقد السعوديين بسبب موقف واحد فقط (سوق الخضار) فكيف لاتريدنا ان ننتقد العمالة الوافدة ونحن نشاهد كل يوم ماذا يفعلون بالبلد من خراب وفساد وغش؟؟!!!!

افضل شي يسافرون وياخذوا معاهم امراضهم وقذارتهم ومافي مشكله كل ببيتك ماراح تموت جوع ومنها تنتهي اخبار التسمم

مااعتقد انه فيه احد راح يبوس رجول احد عشان مطعم او غيرة ماادري الى اين وصلت عزة النفس بتصورك يااخي العزيز هل اصبحنا مدمنين على سمومهم لهذه الدرجة؟؟؟!!!

اذا كنت تبحث عن الكمال في المنتدى فهذه مشكلة اغلب مواضيع المنتدى مواضيع جميلة جدا ويستفاد منها بشكل كبير جدا ماادري انت ليه ركزت على نقطه معينه واخذت المواضيع من مناظر ضيق جدا جدا ولااعتقد انه منتدى مراهقين وانما منتدى ناس واعية وفاهمه وعن انا شخصيا استفدت كثيرا من الاخوان الموجودين هنا وتصححت لدي كثير من المفاهيم فيما يخص المستهلك وغيرها واكتسبت منهم حب الوطن والغيرة عليه

اخي العزيز انت متحامل بشكل كبير على المنتدى وتكتب بتعصب مادري هل سببه الغيرة؟او الانتقاد فقط لاغير؟

واخيرا سوف ننتقد كل من يسعى للضرر بالوطن والمواطن من باعة السموم والامراض وغيرهم
واذا جعلت من نفسك محامي دفاع عنهم فهذا من حقك

وانا سااجعل من نفسي شرطي وباقي الاعضاء سوف ننتقد كل تصرفاتهم التى تضر بنا وسنفضحهم ليعي المستهلك حقيقة عملهم انهم لايبحثون عن الجودة او الاجر وانماء الربح بااقصر الطرق الممكنه حتى لو كلفتهم ان يكونوا اقذر من الفئران حتى لو كلفتهم ان يصبحوا لصوص وقطاع طرق وقتلة وسفاحين ولايكاد يخلوا يوم من الايام من جرائمهم

ارجوا منك قراءة المواضيع المفيدة والتركيز عليها وان لاتركز على موضوع او اثنين واذا وجدن مواضيع مراهقين كما تقول فلست بحاجه لقراءتها الكل هنا يبحث عن الفائدة فقط ياعزيزي

وان تشكر الادارة والاعضاء على مجهودهم ووقتهم واهتمامهم بدلا من التهجم المتعصب

تقبل تحياتي اخي الكريم

إذا كنت في كل الأمور معاتباً **** صديقك لم تلق الذي لا تعاتبه ...

رغم الكثير من الحقائق فيما ذكرت أخي الكريم kemos (من واقع خبرة مع ناس أعرفهم) عن كسل السعوديين و دلعهم إلا أن هناك الكثيرين ممن لايتوانون عن العمل في أي شيء يوفر لهم لقمة عيش حلال.

ألم ترى مؤخرا إزدياد عدد سائقي الليموزين من السعوديين ؟؟
ألم تمر على ورشة سيارات يعمل بها سعوديين .. وغيرها من المهن التي كنا نعتبرها عيب.؟؟

رأيت بعيني في أحد الفنادق في جده شاب سعودي وظيفته مسؤول مسبح الفندق .. يجيب مناشف و ينظف الموقع و يحط الكلور نهاية الدوام .. وهناك الكثير غيره في وظائف مختلفة في الفندق بل إن هناك منهم من يعمل في خدمة الغرف .. ينقل عفش النزلاء و ينظف الغرف و يرتبها .. هذا غير إللي في خدمة العملاء و الإستقبال.

بدأ الحال يتغير و أصبح الشباب يقبل بأي وظيفة تعينه على العيش بكرامة.

في المقابل ماذكره الأخ كاش من محاربة الأجنبي للسعودي في مجال العمل..

أعرف شباب سعوديين عملوا في وظائف سكرتارية في شركات كبرى .. تركوها أو طردوا منها بسبب الشكاوى الكيدية من السكرتارية الأجانب الذين كان من المفترض أن يتم إستبدالهم بهؤلاء السعوديين . فتجد الأجنبي يتعمد أن يعطي السعودي معلومات خاطئة أو يتركه بدون تعليم إلى أن يتورط فيبدأ بالتشكي للإدارة بأن هذا السعودي كسول لايرغب في التعلم و يتم نقل السعودي أو طرده.

شخصيا تعرضت لمضايقات من بعض الأجانب عندما فتحت مشروع تجاري صغير و أحضرت عامل و قمت بتدريبه على أصول المهنة .. من حسن الحظ أن العامل كان امينا و صارحني بأن بعض أصحاب المحلات من بني جلدته (هنود) التي تمارس نفس النشاط في المنطقة تقدموا إليه بعرض يشمل زيادة عن الراتب الذي كنت أعطيه إياه مع سكن و وجبات مجانية و خارج دوام لو عمل أيام الإجازة .. إيش رأيكم؟

إلى الآن .. صار لي خمس سنوات .. و أنا أدفع لهذا المحل من جيبي في محاولة لكسر إحتكار الأجانب لهذا المجال.

اقتباس:

ما عندك اخبار أصحاب المحلات السعوديين اللي اضطروهم العماله للخساره لعدم تجاوبهم والموافقه على العمل بنسبه ...

وليه يجيب عامل من الاساس ليه هو مايوقف في محله بنفسه والا مثل الغالبيه المحل باسم سعودي والعمل اجنبي.

لاتتهم الاجنبي بقدر ماتتهم صاحب الشركه السعودي او غيره لان معظم الشركات ماتوظف السعودي اصلا الا بسبب ضغط مكتب العمل ويكون اعتمادهم الاساسي على الموظف الاجنبي والسعودي هو الي يقبل انه يكون مجرد صورة وقت ماجاء مكتب العمل حطوه في الواجهه.

سعودي يشتغل في ورشة سيارات ويحلق لنا شعورنا وينظف شوارعنا وسياراتنا ويمارس عننا كل الاشغال ( التافهه بنظرنا والمعيبه والرديئه والمستوى الواطي ) اذا لقينا هالسعودين صدقوني بعدها مابنحتاج نتكلم ولا بنحتاج وزارة عمل وعمل ولا اي شي لان الاجنبي لحاله بيترك لنا البلد اذا مالقى فيها خير.

الغش اول والحين السعودي يعطيك براس المال :D ارتحنا من الوافدين اللي يبيعوا الخضار الخايسه على ابناء عمومتهم حاليا والسعودي اول مايلقى بندوره قربت تفسد يرميها الزباله حتى محد يتضرر :d ترى الوضع نفسه وزيارتي قبل فتره بسيطه ماتتعدى شهر ولقيت الاجانب رجعوا الحلقه وشغالين على احلى وضع والسعودي جالس في قهوته برضه مع اخوياه ماغير يصيح يافلان جيب صندوق :D

والمواطن السعودي مايغش ولا يفسد ولايخرب ( حشى شعب كامل من اتباع الله الصالحين ) :D:Dاحلى شي الحين اننا صرنا متأكدين ان سبب الخراب هم الاجانب اما السعوديين اللي كل يوم نشوفهم في الاسواق والغزل والمياعه والجنوس والفساد الاخلاقي سواء بنات وشباب ( وصور الشباب في مراقص سوريا وافلام البلوتوثات وووو ) والكثير كله بسبب الاجانب اما شبابنا من العمل للبيت وطبعا لاننسى الخمسه صلوات في المسجد مع النوافل :D:D ما ادري انتوا تحطوا روسكم في الرمال وتعودتوا رمي اغلاطكم على الغير دايم ( شوف في واحد من شبابنا في الشاتات مثلا يتناقش في مواضيع هادفه والايفيد غيرهـ ) بتلقى الغالبيه همها البنات والتعارف شوف انت البرامج في التلفزيون من اغاني واشرطه التشات في القنوات وشوف شبابنا القادم وش اكبر همومه طيب انزل واجلس في مجمع شباب وشوف عن ايه يتكلموا ( بنات جوالات سيارات مباريات فرق لاعبين بطولات وبلوت )

ما اعمم ولا اقصد هالشي في كل محل في الصالح والطالح بس انا موجه كلامي بشكل عام ( الخير يخص والشر يعم ).

واتفق معاكي في الكثير لكي كل الشكر لمرورك انتي والاخوان كاش وابو هشام وجباية المستهلك

بعض الكلام ماله سنع في بعض الاحيان .. عسى ماتكلفت بالرد بس :D

وماتشوفهم يلفوا قريب الاسواق واول مايشوفوا لون اسود وقفوا عنده وانا اخص الشباب اما العجيز كديش يدوروا لقمة عيشهم. ( طبعا في الطيبين وهم كثر بس انا اتكلم عن الوجه السيء هنا )

هذي امنيه الجميع والله يوفقهم

ليه تنظر للموضوع على اساس اجنبي ووطني ليه ماتنظر على اساس تاجر وتاجر انت تبي تمشي سوقك وهم نفس الشي ولقوا عامل نشيط لازم يغروهـ ( يعني الحين في الشركات الكبيره لو لقوا عامل مميز في شركة اخرى مايغروه يجيهم مفروض انت تعطيه اغراءات تخليه يوقف معك اكثر والا تبي العامل يوقف معاك وقفة رجال طول عمره <= :D:D
سؤالي لك ليه جبته وعلمته كل شي وانت وينك وفي الاخير لما يصير المحل مايمشي الا بوجوده تشتكي وتقول ياخساره ولو هو جمع قرشين ولقى اللي يدعمه ماديا وفتح نفس نشاطك جنبك وش بتسوي بتقول خانني والا بتقول دور رزقه؟؟؟؟

ياجماعة الخير لازم نعترف اننا نعاني من مشكلات خطيره وكبيره ونحن السبب الاساسي فيها والغلاء اللي حاصل مشكله كبيره لكن لو ناظرنا بعيد شوي بنلقى ان سعر البترول وصل الى 100 دولار وكل الدول تتاثر بهذا الارتفاع السبب اللي خلى كل شي يرتفع سعره ( احنا نستورد من الخارج وكل شي ارتفع عليهم اكيد لازم يرتفع علينا شوي ) والا لا

الله اعلم