العباد للعود والعطورات تخفض اسعارها وقوفاً مع زبائنها
 

بس ع المخلط العرض؟؟

العرض على العديد من المخلطات وكذلك دهن العود والعود الطبيعي والعود الصناعي وانا بصراح اجبتني الشنط الخاصة بالهدايا رخيصة وشكلها راقي جداً والتعبئة من عندهم بسعر مغري جداً

العرض ارسل للزبائن الخاصين لكن انا سألتهم نفس السؤال هل العرض خاص بالزبائن الخاصين قال البائع كل من يدخل المحل يكون زبون خاص وصديق لنا على طول ( كلام جميل بصراحة )

اسمح لي اخي ابو ريوف بحكم معرفتي التامة بتكلفة الخلطات والعود والعطور وما يتعلق بها فالمحلات من قديم تربح اكثر من 300% وزيادة كمان والحركة هاذي تسويقية بحته والا وش عنده لا عباد ولاغيره واعجبني ان كل من يدخل المحل هو زبون خاص.....

على كل حال مشكور على عرضه ولكن مخلط عبدالعزيز منتشر ونفس الرائحة وتختلف الاسعار حسب قناعة وطمع التاجر لكن اقل واحد ربحان اكثر من 300% والله يخلى ابويمن يدبل ويلعب علينا

اخي الغالي ( اخصائي اجتماعي ) بالنسبة لارباح اصحاب المخلطات فالله يرزقهم وبين البايع والشاري يفتح الله وبعدين بالنسبة للمخلطات والعطورات فهي كماليات وليس ضروريات مثل الاكل او الشرب .
اما العباد فأنه محتكر العديد من الخلطات ولم يستغل هذا الاحتكار ....
وله قاعدة كبيرة من الزبائن

ومخلط عبدالعزيز الخاص بالعباد انا كنت اخذ منه من زمان وهو يختلف عن الاخرين وعلى فكرة مخلط عبدالعزيز اول من انتجه محمود سعيد بمناسبة المؤية وكان سعره على ما اعتقد 340 ريال , بعدها كل محل حاول يقلده ومنهم العباد ولكن العباد قلده على اصول وكان المخلط حسب وجهة نظري والعديد من الزبائن رائع جداً وكان سعرة مناسب 150 ريال , وصدقني انا بحثت عن الماجد والدخيل والعديد من المحلات المتخصصة ولم اجد نفس خلطة العباد .

اما ابو ريالين فأن انصح وخصوص العطورات فهي مقلده 100% .

هههههه
لييه يبي يزيد الاسعار حق العطور بعد
لايكون ارتفع العود ولا الخشب ولاالقوارير وايش
ولايمكن يحط في العطر حليب بودرة .............................!!!!!!!!!!!!!!!هههه

ياخي حلو انه مايزيد اسعاره
بس لايقعد يسويلنا انه يحب المواطن وماراح يزيد السعر لعيونه ، وبينما ممكن ان يزيد سعر عطورات اخرى
لانه لو زاد فليس هناك مبرر لزيادته
واذا يربح خلوه يربح وبين الشاري والبايع يفتح الله

والتاجر اللي بيزيد اسعاره خلوه يشبع بعطره ويبخ بخ فيه لين مايقضي

شكرا لك أبا ريوف ..

وزي ما قال أخي الاخصائي الاجتماعي ..

أعجبني مرة مخلط عبدالعزيز ووجدته عند محل بشارع الاربعين بحدود 400 ريال .. فاتصلت بصاحب لي وذهب بي إلى المعيقلية واشتريت علبة كاملة من هذه العلب المعدنية ما أعرف وش يسمونها علب العود الأصلية ليست التولات يعني تقريبا 7 تولات بحدود 100 ريال وعبى لي صاحبي ربع تولة واخذتها بجيبي والباقي صنع لي منه بخاخ وأستعمله إلى الان بشكل يومي ولم ينتهي وانظر في النهاية الى سعره ..

صدقني العطورات فيها لعب كبير وزيارة واحدة لمحلات العود بالمعيقلية عند كبار السن هناك ستجد حقيقة ما أقول ..

الجميل بصراحة يبقى جميلا .. وأعجبني محل عرار في شارع العليا عطورات راقية واسعار جميلة ايضا ..

كل الشكر ..

اخي حبهان شكراً للمشاركة
بس انا اعرف ان العباد كل منتجاته محتكرة اي ان مخلطاته خاصة به ومخلط عبدالعزيز الخاص بالعباد انا بحثت عنه في المعيقلية وعند الماحد والدخيل والشرهان وغيرهم ولم اجده . وعلى فكرة الان العباد مسوي تخفيضات حقيقية لمدة شهر وانا شاهدتها بالفعل وخصومات حقيقية وانا زرت فرع اسواق العويس بالرياض وبالفعل كانت التخفيضات حقيقية . والله يبارك في رزقهم ويكثر من امثالهم وبالنهاية المستفيد المستهلك .