حدث معي في مطعم شعبي...
 

بعد ما طلبنا حبتين مع الرز في أحد مطاعم الخبر وجاب الطلب وحطه في الكيسه...

ولأني معود المحاسب على اللبن،،، جاب خمس قواطي لبن وحطها في نفس الكيسه (كأنه مايدري :p :p)

قلت له: عسى ماشر يالطيب؟ قال: ماتبي لبن؟

قلت: كان زمان يا حلو...

والتفت للثلاجه والا هي متروسه عن بكرة أبيها. والعاده في هالوقت ما نلقى نوعية هاللبن موجوده.

وبعدين قال: هل راح تطول المقاطعة؟ قلت: وش ضرك أنت؟

قال: يجي هاللبن ويروح ما نقص ولا حبة.

ثم قلت له بلغة المنتصر وبنظرة فخر: والجايات أكثر إن شاء الله.

للعلم، اللبن هو لبن رياض الخبراء اللي زاد سعره من ريالين لثلاثه والوقت كان الساعه 11 مساءً واللي ساكن بالخبر يعرف وش هالمطعم وضرب العصي على اللبن.

تحياتي،،،

مع احترامي الشديد لك يا اخي الكريم

للأسف مازلت اشوف الكثير يقبلون على شراء منتجات الالبان وكأن هذا الشي لايعنيهم رغما اني اعرف اشخاص معنى في هذا المنتدى يتشدقو بالمقاطعه واشوفهم لايخلو تبضعهم من الالبان ومشتقاته وكل يوم وهم على هذا الحال فلماذا تكذب ايها العضو على الله ثم على اعضاء موقع مقاطعه والكلام هذا لايخصك اخي الكريم يخص الاشخاص الذين اعرفهم تمام المعرفه وهم كل يوم يشربون اللبن ويأكلو مشتقاته
خافو من الله قبل ان يخسف بكم الارض

والله المستعان

الحمدالله ’’’

مؤشر جيد ,,,



اخى حبوب

نعم هنالك من يقول ولاينفذ ولكن بالمقابل هنالك من يقول وينفذ ,,,

واعرف ناس ما قاطعت بس خففت كثير ’’يعنى اللى كان يشرى لين وسط 3 حبات قام اخذ 1

وفي ناس حاولت احاورهم رافضين المقاطعه تماماً ’’’
وكل واحد ورده فعله

انا ما احب احد يستغلنى ’’’

دمتم بود

ومن قالك اخي الكريم ان الشعب ما يقاطع او اعضاء المنتدي

ان شاء الله مقاطعين علي طول ،،،

بعدين ما اعتقد ان احد الاعضاء يتشدق بالمقاطعه ويشتري لبن

حتي لو اشترى لبن اعتقد بيكون غصب عنه ،،، مثل ما حصل معي

اليوم وحنا صيام قبل الافطار دقت امي علي وتقول جيب لبن عندنا الجيران بيفطرون معنا

بالله ايش رايك اقول لامي حنا مقاطعين وخلي ضيوفك ما لي دخل فيمهم

تحياتي

كلامك صحيح اخوي المقاطعه لها اثر ولكن هناك من افراد المجتمع لو خلو اللبن بعشرين ماعنده مشكله

يعني شخص بارد

ورزق القطاوه على الخاملات

انا وبكل صراحه ماقاطعت ولا شي ومازلت على نفس حالتي السابقه والحمدلله رب العالمين ماشفت فروقات كبيره تلقائيا لما اروح السوبر ماركت اقارن بين بعض المواد واشوف فرق الاسعار واخذ اللي يناسبني واترك اللي مايفيدني وبس