لن اقاطع هذة الشركات
 

انا من الناس الذيت قل ما يشتري اللبن والحليب


ومع مقاطعة الالبان حبيت هذة الالبان وصرت اشرب لبن وحليب واشتريهم بعد


هذة الالبان


الهناء

العزيزيه

الخرج

لله دركم ياشعب

المصافي والمراعي ونادك حتى نجدية الدايخه

تكاد الثلاجات تقول خلاص كفايه خستوا بكبدي

بس الالبان اللي ما رفعت يالله تلقلك حبه والاحبتين

شئ يثلج الصدر

وصورت لكم صورتين من اسواق التميمي طريق الملك فهد تبين كيف نجاح المقاطعه

رغم ان التميمي من اغلى الاسواق في اسعاره ومكانه في شمال الرياض

يعني اللي بيتقظى من عندة داعس على الريال

على فكره ترى ما اشتري من التميمي الا اللبن وبس

اما المقاضي فأنا ادخل على عروض الاسواق الكبيره في النت واخذ اللي يناسبني

فين الصور؟؟

على طاري الصور

توني متصل بالقاصي يقول ابنزل صور جديده عن مقاطعة االالبان اليوم.

هذي الصورة الاولى

وهذي الصورة الثانيه والصورتين تبين تكدس الالبان ذات السعر المرتفع

بينما لا يوجد سوى حبه حليب الهنا اللي شرينها

وثلاث حبات لبن الهنا اللي شريتها بعد تخبرون بكره وبعده صيام

باقي وحده الحقوا عليها

وقت التصوير بعد صلاه العشاء

يعني على اخر اليوم اتوقع انها على حطه ايدهم من الصبح

اقووووووول واصلوا المقاطعه مدى الحياه مدام فيه هنا وعزيزيه وخرج

احلي البان لبن الخرج
ليتهم يوصلوه جده



تحياتي

أكيد فيه البان في جدة ما رفعت

ياليت تزودنا بمعلوما

حتى نقاطع اللي رفع ونشجع اللي مارفع

جميل جدا وشكرا لك على الصور

واتمنى منك تفرد موضوع مستقل لكيفية اختيار أفضل العروض من الأسواق الكبيرة من النت كما تفضلت

وشكرا لك

فقط ادخل قوقل واطلب اي مركز كبير (هايبر ـ كارفور ـ جيان ـ العثيم ـ بلشرف ـ الخ الخ )

وادخل موقع الاسواق وتلقى عروض بعد ذلك اضفها للمفضله وكل ما بغيت تتقضي شف العروض

واختر اللي يناسبك

احيانا تلقى عروض ما تتكرر خذ منها ما يكفيك لاطول فتره

بارك الله فيك