ضروري فيه أحد يقدر يدلني؟
بمناسبة نجاح أعزاءنا الطلاب ومع غلااااااء الأسعار من يتكرم يدلني على محل رخيص لبيع ألعاب الأطفال بالرياض وان شاء الله الفائدة تعم الجميع |
اقتباس:
ان كنت تبي محل رخيص ما عندك غير رامز (يشمل العاب وغيرها ) الالعاب عنده ارخص من محلات الجملة اللي بالديرة |
كلامك على ماتمه يالعميده وان بغيت ارخص شف شارع السويلم او شارع العطايف بالديره ترى رامز وطقتهم يشترون منهم
|
اقتباس:
تبون الحق رحت قبل فترة وسعرت وقارنت بينهم رامز ارخص من السويلم لكن السويلم اكيد العرض فيه اكثر شي مهم لاتنسون بيع الجملة اوقات يكون خدعة |
ممكن مقاطعتهم ومادامك سعرتي(حشى مفتشة بلديه) فكلامك هو الصح وكلهم ابويمن مافيهم بركه
|
الله يعطيكم العافية على ردودكم ، بس بغيت أسأل وين فيه محل رامز ووصف شارع سويلم |
رامز بشرق الرياض تعرف طريق خريص خل واجهتك شرق وامش يجيك على يدك اليسار خريص بلاز وجيان امش حتى يجيك على يدك اليمين شارع حسان بن ثابت ادخل منه و اكيد راح تكون واجهتك جنوب امش تلقاه على يدك اليمين
السويلم امسك طريق الملك فهد وتجه جنوب حتى مخرج الامير تركي اطلع منه وتجيك اشارة لف يسار و امش على طول تلقى شارع على اليمين قبل الاشارة هذا هو شارع السويلم فيه العاب ومكياج وشلون اجتمعوا !!!!! |
الله يعطيك العافية أختي وشكرا لك على الوصف |
الشاهين الحر وصف العميده صح وعلى فكره رامز اللي بالنسيم وانت رايح شرق بعد مخرج 13 عد معاك اول نفق حق الروضه ثاني نفق حق انكاس ثالث نفق حق معارض النسيم قبل النفق الرابع اطلع مع الخدمه حتى الاشاره اللي فوق النفق لف يمين والاسم الشعبي للشارع شارع النخيل وحتى بالماريه فيه بنغالي عند الاشاره يبيع مناديل ابو نص ريال سارقهم من جيان شفه على يسارك!! المهم بعد ماتدخل من شارع النخيل 500متر يجي على يمينك .. بالنسبه لشارع السويلم خلك على وصف العميده لان بالعاده ادرعم لين اوصل شكرا لك
|
اقتباس:
انا متاكده منه بس شكيت بعد درعمت لاتدف ياليت احد ياكد لنا الوصف لشارع السويلم |
| الساعة الآن 12:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by