كيف استغني عن البيض والحليب؟
السلام عليكم ...هذي أول مشاركة لي بالمنتدى وحبيت أقول لكم تجربتي.
أنا بصراحة من النوع اللي أحب الحيوانات الاليفة واستفدت منها كثير 1- دجاج: استغليت السطح وحطيت عشة صغيرة فوق وحطيت فيها 12 دجاجة تعطيني يوميا من 10 الى 12 بيضة، والحمدلله ماقد شريت بيض الا أوزع أخاف يخرب عندي ،وأطعم الدجاج من طايح البيت بقايا الاكل من جريش الى رز الى سلطة.........الخ ياربي لك الحمد ماقد كبيت شي بالزبالة.:D 2- نجيب للبيت حليب من المزارع اللي في وادي حنيفة وقيمة اللتر 4 ريال:eek: وأصلح منه الاتي: حليب الصباح طبيعي بدون مواد حافظة وخلافه - جبنة بيضاء نحطها مع الفطور - زبادي طبيعي ونقي - لبنة - زبدة - سمن بلدي طبيعي وآخر شي قشدة مع التمر وجنبها القهيوة...ياسلام هذي تجربتي اتمنى انكم استفدتم:) |
حلوة التجربه فكرة روعه
|
الله يوفقك ويرزقك وكل مسلم من واسع فضله
|
والله فكره وحلوه مره .
بس ممكن تتوسعي ويصير عندك انتاج وتبيعي ع الناس بسعر رخيص وانت تستفيد. فكر في الموضوع . شكرا |
الو
|
وشلون تسوي جبن ولبنه وزبادي
ممكن الطريقة |
التسويق صعب يبي مكان وتفرغ تام وعاملات.
الجبنة: 10 لتر حليب نغليها زين ثم أتركها على جنب حتى يصير دافي آخذ ملي كاس الجبن الصغير خل أبيض وأصبه عليها وأحركه يبدأ يتكتل ويتقطع آخذ منفحة عجل (اشتريتها من حقين الزراعة اللي في شارع سلام الرياض) شريط واحد وأصب عليها ماء مقطر ملي كاس جبن صغير وأحركها دقيقتين ثم أصبها على الحليب بعد ماأصب الخل بنص ساعة أترك الخليط برا الثلاجة لمدة 10 ساعات بعدين أجيب غترة بيضاء جديدة ونظيفة ومغسوله بماء حار مع ملح عشان ماتعفن الجبنة- أصب الخليط على الغترة وأربطها في سقف أو أي شيء وأتركها معلقة مدة 3ساعات أحط تحتها شيء يجمع الماء اللي ينزل منها_بعد الثلاث ساعات آخذ مويتها وأحط فيها ملح حسب رغبتي في ملوحة الجبنة وأحط الماء على النار واذا بدأ يفوح أحط الغترة اللي فيها الجبن وسط الماء وأتركها تغلي ساعة كاملة على نار هادية- أطلعها وأقطعها وأحطها في علب وأصب عليها من نفس الموية وأحطها في الثلاجة وبالعافية |
الزبادي واللبنة:
10 لتر حليب مغلي ويترك حتى يبرد تماما أصب عليه 2علبة لبن 200 ملل وأغطيه بفوطة أو سفرة طعام وأتركه في مكان دافيء حتى يتماسك( هذا الزبادي) * اللبنة نفس الطريقة بس بعد مايتماسك أحط عليها (ملح ناعم - زعتر أو فلفل-حسب الرغبة) أحركه عشان يختلط الزبادي ثم أصبه في غترة نظيفة وأربطها واعلقها واتركها معلقة 12 ساعة ثم أوزعها في علب وفي الثلاجة..... وبالعافية اللبن الطبيعي مثل الزبادي بس بعد مايتماسك نحطه في الخضاضة لين تطلع الزبدة...بالعافية |
أختي الغالية بلادي غاليه ...
أقوووووووووووووووووول مشكورة على هذه المعلومات الثمينة .. الغتره غالية الثمن .... ههههههههههههههههه أقترح أن يستخدم بدلا منها قماش الشاش وهو متوفر بالسوق ورخيص و عندي سوأل هل حليب الماعز يعمل به بالنسبة للجبنة كما ذكرت ازكى تحية الحــــ متولي ـــــــاج |
ينفع الشاش ، وحليب الماعز بعد ينفع:)
|
الساعة الآن 11:06 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by